خلي لسانك فصيح ! كتب/ علي منصور أحمد الإهداء:- إلى كل الأصدقاء والصديقات الأعزاء استراحة {الخميس} مجرد (سفسطة) شعرية . خلي لسانك فصيح !
لا هزت الريح .. احذر من هبوب الريح أن شلتك ريح .. من هو با يلوم الريح أنطق بها أفصح .. خلي لسانك فصيح ***** الفت على الصياح ..أذا حدا جنبك يصيح اليوم هو صاح .. بكرة يمكن انته تصيح أنطق بها أفصح .. خلي لسانك فصيح ***** في السرف شح .. اعمد على حقك شحيح في البخل شح ..عند الخير لا تعمد شحيح أنطق بها أفصح .. خلي لسانك فصيح ***** لا تقول صح .. إلا أذا عرفت انه صحيح قل للصح صح .. وما يصح إلا الصحيح أنطق بها أفصح .. خلي لسانك فصيح ***** قل له مسامح .. وادع له يعمد سميح أغفر وسامح .. اكبر وخل قلبك سميح أنطق بها أفصح .. خلي لسانك فصيح ***** أن انتطحت انطح .. لا تنبطح للنطيح أنطح مع من نطح ..كم با تحمل نطيح أنطق بها أفصح .. خلي لسانك فصيح ***** في كلمتك أفصح .. خلي لسانك فصيح شف غيرك أفصح..كلن على حقه فصيح أنطق بها أفصح .. خلي لسانك فصيح ***** حقك معك واسترح.. خذ راحتك وأستريح غيرك بغى يسترح .. وما عرف يستريح أنطق بها أفصح .. خلي لسانك فصيح ***** تعبني المدح .. حتى أصبحت مدمن مديح كمل علي المدح .. وأنا كل ليلة مديح أنطق بها أفصح .. خلي لسانك فصيح ***** كلما أملي قدح .. أسكب جماعة قديح يا قدح في قدح .. أمسي لك قدح قديح أنطق بها أفصح .. خلي لسانك فصيح ***** أذا فرحت أفرح ..افرح أذا شفتك فريح أنا بغيت أفرح .. كل الناس جنبي فريح أنطق بها أفصح .. خلي لسانك فصيح ***** أطلق لها تقرح .. وأنا متقبل التقريح قرح بها قرح .. وأنا قبلت أقرح قريح أنطق بها أفصح .. خلي لسانك فصيح ***** صرح بها صرح .. خلك مع نفسك صريح صارح بها صارح .. خلك معي مرة صريح أنطق بها أفصح .. خلي لسانك فصيح ***** أن جات صح .. قد ما بغيت إلا الصحيح والحب لي صح .. ما يحتاج للتصحيح أنطق بها أفصح .. خلي لسانك فصيح ***** عدن - 15 يناير 2015م