رن جرس الموبايل للمرة الخامسة وردت عليه الخطيبة. الخطيب:أعتقد أنا إنسان ليش تطنشيني وما تردين على تليفوناتي. الخطيبة:رد السلام في الأول وبعدين نتفاهم. الخطيب:شو راح يكون عذرك يعني بتقولين كنت نايمة ولا قاعدة مع أمي وخواتي. الخطيبة: الله يسامحك تتهمني قبل ما تسمع مني. الخطيب:بصراحة الأمر واضح بدون ما توضحين..ليش ما تردين على تليفوناتي أكيد كنت مشغولة مع غيري ما كنت فاضيه لي؟ الخطيبة:بصراحة فعلا كنت مشغولة مع غيرك. الخطيب:من هو هذا اللي مأخذ عقلك وكل تفكيرك لدرجة ما خلاكي تردين على تليفوناتي؟ الخطيبة:بصراحة لما أكون معاه أنسى الدنيا وما فيها فلازم ياعزيزي تعذرني. الخطيب:وبكل وقاحة تقولين هذا الكلام قدامي وحنا بعدنا مخطوبيين فلو تزوجنا شو كنتي بتسوي؟ الخطيبة:الله يسامحك ما في داعي للغلط مادمت أنا ما غلطت عليك. الخطيب:كل هذا وما غلطتي..تطنشين تليفوناتي وما تردي علي 4اتصالات طول اليوم ولما ورديتي و تقولين لما أكون معاه أنسى الدنيا وما فيها كل هذا وما غلطتي؟ الخطيبة:هذا ما حصل فعلا كنت مشغولة معاه وما قدرت أرد على تليفوناتك. الخطيب:الظاهر ما راح نقدر نكممل هذي العلاقة فخليك مع اللي كنت مشغولة معاه واللي فضلتيه علي. الخطيبة:جزاك الله خير هذا أحسن شي سويته. الخطيب باستغراب:ليش أنتي فرحانة لفسخ الخطوبة ومن هو هذا اللي ضحيتي فيني علشانه؟ الخطيبة:أنا فرحانة لان اتصالاتك الأربعة اليوم كشفت لي شيء خطير يبعدني عنك ويخليني أصمم على فسخ الخطوبة. الخطيب باستغراب:ممكن تفهميني أكثر. الخطيبة:أنت اتصلت فيني اليوم الساعة 11و45دقيقة ظهرا والساعة3و45 عصرا والساعة 6و30 المغرب والساعة 8مساء وهذا هو اتصالك الخامس اللي تكلمني فيه. الخطيب:شيء عجيب انك تتذكرين حتى ساعة الاتصال بكل دقة. الخطيبة:أتذكرها لأنها الأوقات اللي أكون فيها مشغولة مع أحب واللي أنسى كل شيء من أجله وبذات لما أكون معاه في هذي الأوقات..وأنا الآن فرحانة لأني اكتشفت انك مشغول عن من هو أحق بانشغالك به،تحب تعرف أنا مع من كنت؟ الخطيب:منو معاه؟ الخطيبة: كنت مع الله،لأنك كنت تتصل فيني في أوقات الصلاة الوقت اللي أكون فيها منقطعة عن الدنيا وما فيها،وأنا ما أقدار أرتبط في إنسان لا تربطه صلة بالله. أغلقت الخطيبة التليفون بوجه خطيبها بعد أن قررت هي الابتعاد عنه.
