أنا اللي عاش دايما مهزوم وأنا اللي ماعمره فرح ولايوم أنا اللي عايش على طول ف حالي ومن كل شئ دايما محروم أنا اللي قاسيت ولا اشتكيت فرحت مرة وسنين بكيت فضلت راضي وصابر بحالي لا زعلت مرة ولا قلت ياريت أيام تعدي شهووور وسنين ولو شكينا هنشكي لمين ده ربنا عالم بحالنا احنا وكل الناس الطيبين دهب سلع بنزين سولار والجنيه حطوه تحت رجلين الدولار والناس تنادي وتصرخ ليه غلوا الاسعار ياسنة سوخة ياعم الحج ده كل حاجة ولعت نار وده كله عشان ايه سوء تصرف حكومة ولا جشع م التجار يا نهار ازرق يا جدعان والحكومة تضحك وترد: ليه بس يا مواطن ما انت دايما عايش في مرار مقضيها طعمية وفول ولو عاوز حاجة تانية رد وقول وان خلص الفول ان مش مسؤل^_^ والمواطن يرد: ما انتوا مقضيينها كباب ف كباب ودايسينا برجيلكم ف التراب زهقت بقى والله العظيم زهقت حالتنا يوم عن التاني بتتحول من سئ لزفت كلامكم مصالح وشعارات والمواطن ممعهوش وتقولوا هات هاهاهاها حاجة تضحك ولا تبكي حاجة تفرح ولا تقسي ف قصايدي القديمة قلت لسه في امل نصلح بلدنا ونكافح ونشتغل وطلع كلامي كلام وخلاص عاري من الصحة وملهوش اي اساس ده احنا لسه منهوبين بنقول وصلنا ولسه ضايعين من روائع الشاعر :محمد البدهلي