خدعت نفسى ............................................................. خدعت نفسى وقلت نسيت الحب عمره ماكان اوهام وبعد هجرك والله اسيت وعشت وياك فى الاحلام حبك امرنى اعيش له اسير من غير همس لقا وكلام هو الهوى كان عمره اسير واللى النصيب دايما غلاب ظلمت نفسى وقلت اعيش على فجر يوم لازم يطلع وليل نهار انا ياما دعيت نعيش لعيد يجى ويجمع قلبى اللى بكى ليله عليك والرب شاهد وبيسمع هو الهوى كان عمره اسير واللى النصيب دايما غلاب الحب جوه القلب هيام والشجرة عالية وبتطرح الزهر فيها اشكال والوان ويا الهوى يرقص يفرح وحب تانى مالوهش مكان ولا له نسيم ولا له مطرح هو الهوى كان عمره اسير واللى النصيب دايما غلاب الحب بيجمع بين قلبين والدنيا فيها كتير عشاق من نظرى واحدة تلقى العين تفضح هواها بالاشواق والسهرة تحلى ويا الليل ويا النسيم تلقى المشتاق هو الهوى كان عمره اسير واللى النصيب دايما غلاب الحب شوق وحنان وهيام بين القلوب احلام وغرام والطير يغنى فوق الاغصان ويا الربيع يهمس انغام اصل الربيع يحكى الاشواق والزهر فيه عمره ما بينام هو الهوى كان عمره اسير واللى النصيب دايما غلاب الحب له طعم والوان بكل قلب له عنوان ساعات يكون احلام وامان ولو ضياع ينبت احزان ولو فى مره ماسه الجان تعيش حياته جنان فى جنان هو الهوى كان عمره اسير واللى النصيب دايما غبلاب اهل الهوى دول بالملاين على كل جنس وملة ودين والحب بحر وله شطين تلقى الاحبة فيه عايشين مابين دموع ومابين افراح امواجه تحضن كل اتنين هو الهوى كان عمره اسير واللى النصيب دايما غلاب دا مهما قولت واللى حكيت الحب بحر لاجمل بيت عشته والله وياما لفيت وبحبر قلبى رسمت البيت حتى القلم كتبه انغام فوق الورق غنيت وبكيت هو الهوى كان عمره اسير واللى النصيب دايما غلاب ........................................ القروى الساخر عبدالهادى الشعراوى دنيا الوطن
