* * * * أنا فتاة عندي 31 سنة ومشكلتي زي أي بنت موضوع الزواج أنا كنت مخطوبة قبل كده سنين ومحصلش نصيب كان عندى 27 بعد ما سبنا بعض مش بقى حد بيتقدملي لحد ما وصل سنى 30 ابن الجيران اللى فوق أصغر منى بسنتين كانوا أهله بيلمحولى إنه عاوز يخطبنى وأنا مكنتش بوافق منعا للمشاكل وماما كانت مش موافقه لما وصل سنى 30 وفضلوا يلحوا ماما غيرت رأيها ووافقت وأنا عملت صلاة استخاره وبعدها بقيت أشوفه قدامى كتير ولما جيت أقله سمعت إنه خطب قلت خلاص موضوع الخطوبة بتاعه مكملش أهله مكنوش موافقين المهم كلم بابا وماما ووافقوا وارتبطنا ببعض بس مش راسمى قلنا هنعمل خطوبه وجواز مع بعض منعا للمشاكل وعشان أخوه الكبير مش بيحبنا وكل ما يجى يكلمه يقله أنت هتتجوز واحده أكبر منك 5 سنين مع إن أنا والله أكبر بسنتين بس ومن فترة بدأت مشاكلهم مع بعض هو واخواتهو طبعَا هما من بيئه مختلفه عنى عندهم الألفاظ العيب عادى ومفيش كسوف من أى حاجه وطبعًا عشان إحنا جيران بنشوف كل حاجه اه أنا الأول كنت مشدوده أكتر من دلوقتى وهو بيحبنى حقيقى بس بقيت مش عارفه أنا عاوزه إيه ..هل إن كنت بحبه ولا عشان القطر ميفتنيش؟ فيدونى ارجوكم صديقتنا العزيزة لو كان بيحبك يبقى هيعمل المستحيل علشانك وهيقدر يتغلب على المشاكل، ولا تفكري في فارق السن طالما أنه لايسبب له مشكلة. أما أنت فلابد أن تسألي قلبك بعيدًا عن الضغوط التي تمارس عليك، وأنظري للأمر من كل جوانبه فليس الزواج مجرد رجل وأمرأة ، فلابد أن يكون هناك تقارب وتكافؤ. وأسألي نفسك هل ستستطيعين أن تتكيفي مع أهله وخاصة أنك ذكرتي أختلاف الطباع والعادات وبقي بعد ذلك أن تفوضي أمرك لله وكوني على يقين أن كل شيء يمر بالإنسان له حكمه لا يعلمها إلا الله فلعل الله يدخر لك الخير الكثير فلا تستعجلي الخير. مواضيع متعلقة بص وطل
