الاناكوندا بقلم : محمد هناء الدين كلام الحب تاني بعدي وقلب احمر .... ودبدوب وتليفونات فكل وقت ولهفه وحنان.... بذمتك ده مش جنان ولا انت قلبك ده بنزينه.... مبتتعبيش من كتر احبابك من كتر اللي ماتو فالطريق.... قلب احمر تاني هينزف لما تنهشيه تاني .... لمسه ايد كدابه بتمسح فوق كفوفه.... وعنين بتزرف دمع تمساح ، يا خوفي عليه.... وكلام ناعم وحضن حنين وكام تنهيده .... يقع الضحية وقلبه يسلم للهوي وينام فحضنك.... تعصري منه الهوى تقتلي فيه الحياه تسلبي منه الإرادة.... تحسسيه ان اللي فات مات وكان شيء عابر، وانه هوه سيد قلبك.... تسرحي بيه بين الدروب تتباهي بيه وسط اصحابك ،،ده حبيبي.... طب واللي فات ؟؟ كان وكان.... يصدق صحبنا ان اللي فات مات وكان وكان .... ويقع لشوشته فالهوى يلقى نفسه هوه.... فحب تعبان بيلف نفسه عليه .... بيعصره بيخطف منه الهوا .... بيمص دمه بيخطف حتي دمع العين .... كلام حب تاني يا فرحتي .... وانغام واسمع دي يا اغلي حاجه فدنيتي.... يسمع ويتسحرالضحيه بحب الاناكوندا الخبيرة.... فجاه تقوم عصراه كسراه جوه منها وهيه بتبكي.... وبتقول ده اصله والضحية تفرفر جوه منها.... وهيه تبكي شوف اصله وكيت وكيت.... كلام حب تاني وضمه حنينه ولمسه ايد.... وده حبيبي اللي هعيش معاه دنيتي.... ماعشتش أبلك اصل اللي فات اخد مني وعمل فيا، ودمعتين سخنين.... يقع الوله فحبها يسلم سلاحه يترمي فحضنها تعصره جوه منها.... اناكوندا غبيه جواها حقد علي البشر، عمرها ما فيوم كانت بشر.... كلام حب تاني وقلب احمر وضحكه ناعمه ولهفه وحنان.... والضحية يرتمي جوه منها وهيه حاسه انه مشتاق للحنان.... ترميه شويه تجيبه شويه وتقوله انت اصلك انت.... وتكرر حاكاويها عن الموت والحياه .... يتلهف عليها تستمتع بموته تاخده تاني تحضنه.... تخطف منه روحه تموته.... اناكوندا خطر علي قلوب البشر ملهاش علاج.... ناعمه جميله فشكلها تخطف عنيك تسحرك، تأسرك .... تعرف تلاعب فيك كل اللي انت عاوزه جوه منها، لحد يوم محتقتلك.... كلام الحب تاني وقد الدنيا، حيه هتموتك .... يا عيني عليه ضحيه جديده بس واضح ان لسه موته مجاش.... هتعذبه هتتعبه هتمص منه الروح .... تكسّر عضامه وبعدين تقتله زي اللي قبله؟؟!!! مهي انا كوندا. المخرج /محمد هناء الدين دنيا الوطن