من أكثر الأسباب التى تتسبب فى عدم توحد لون البشرة هى مشاكل زيادة التصبغ مثل البقع والنمش والاسمرار عموما لذلك جمعنا لك أشهر الأسئلة حول هذه المشاكل كان عندى حب شباب و خفيت منه بس للاسف ساب مكانه بقع غامقة ..اعمل ايه؟ آثار حب الشباب اما بقع او بقع معاها حفر لو بقع و حفر مع بعض يبقى الحل الامثل التقشير و الليزر و العلاج ده بياخد فترة طويلة من 6 شهور لسنة اما لو كان عندها بقع بس بدون حفر فبيكون استخدام كريمات الحماية من الشمس مع كريمات التفتيح مفيد جدا بس لمدة متقلش عن 3 شهور و لازم نكون عارفين ان العلاج فى الحالتين بياخد وقت.. عشان كده لازم منستعجلش و منزهقش و نستمر فى العلاج عشان نحصل على نتائج افضل ننصح حينها باستخدام واقى شمس Photoderm spot لو بره البيت أما لو جوه البيت استعملى Depiderm 50 اما مساءا يمكنك استخدام Unitone 4 Arbutin ظهرلى بقع سمرا فى وشى و عايزلها علاج سريع خلى بالك البقع السمرا فى الوجه ليها اسباب لازم نعرفها ممكن مثلا تظهر بسبب استخدام العطور مباشرة على الجلد و اللى لما بتتعرض لاشعة الشمس بيحصل التهاب فى البشرة و تزيد من تكوين الميلانين من الخلايا الصبغية و مش لازم تكون عطور ممكن تكون مستحضرات معطرة عشان كده لازم نتجنب رش العطور على الجلد مباشرة و نبتعد قدر الامكان عن المستحضرات المعطرة على البشرة خصوصا لو بشرتنا حساسة ممكن تكون كلف مع الحمل مثلا أو بقع عمرية عشان كده لازم ناخد منك معلومات كاملة نقدر نحدد بيها نوع المشكلة و سببها ونختار انسب علاج بس عموما فيه معلومات عامة ممكن نقولهالك زي ضرورة استخدام واقيات الشمس sunscreens عند الخروج نهارا مع الاهتمام بالترطيب و استخدام كريمات التفتيح الآمنه و هناك أيضا ماسكات التفتيح وفى بعض الأحيان يلجأ الطبيب لجلسات التقشير أو الوميض الضوئى لون الجلد تحت الابط بقى اغمق من الطبيعي .. يا ترى ايه الحل؟ بعض السيدات بيعانو من اسمرار الجلد فى مناطق الاحتكاك زي تحت الابطين و بين الفخدين الاحتكاك ده بينشط الخلايا الصبغية فى البشرة لانتاج الميلانين اللى بيخلى لون الجلد اسمر من الطبيعي عشان كده دايما بننصح بارتداء ملابس قطنية تمنع هذا الاحتكاك و ننصح ببقاء المنطقة دي نظيفة و جافة و كمان لو السيدة بدينة ننصحها انها تخس شوية و لازم تتجنب استخدام الليفة فى المنطقة دي اثناء الاستحمام احيانا مستحضرات مزيلات العرق والعطور اللى بتستخدم فى المناطق دي بتسبب التهاب تحسس و تحفيز أيضا للخلايا الصبغية مما يسبب اسمرار عشان كده لازم نتجنب العطور فى المناطق ده ممكن كمان نستعمل كريمات تفتيح البشرة و خصوصا الى بتحتوى على فيتامين C بس المهم انها تكون امنة و متسببش حساسية ممكن نستعمل White objective cream ظهرلى بقع فى وشى خلال الحمل و استمر معايا لبعد الولادة..اعمل ايه؟ الكلف اكثر انواع البقع السمراء شيوعا خاصة بين السيدات و ده بيحصل نتيجة بعض التغيرات الهرمونية خاصة اثناء فترة الحمل و الحل الامثل لمشكلة الكلف هو تجنب أشعة الشمس قدر الامكان مع الاستخدام المستمر لواقيات الشمس sunscreens مع استخدام مستحضرات تفتيح البشرة الامنه لفترة لا تقل عن 3 شهور و ننصح باستخدام واقى شمس Photoderm spot لو بره البيت أما لو جوه البيت استعملى Depiderm 50 اما مساءا يمكنك استخدام Unitone 4 Arbutin و احيانا نوصى بجلسات تقشير البشرة او الوميض الضوئى او انواع معينة من جلسات الليزر للحصول على نتائج اسرع لون بشرتى حوالين الفم بدأ يسمر ..يا ترى ايه الحل؟ اسمرارالبشرة حوالين الفم بالتحديد غالبا بيكون بسبب التهاب نتيجة استخدام معجون الاسنان او نتيجة الافراط فى استخدام الكريمات و احيانا نتيجة بعض الاكلات الحراقة و الحامضية .. و اكتر سبب بنهمله هو ملامسة المنطقة دي كتير بايدينا و عشان كده لازم نتجنب وضع اي مستحضرات حوالين الفم لمدة اسبوع على الاقل مع استخدام مرطبات للبشرة الحساسة مثل Sensibio forte و طبعا استخدام كريمات التفتيح الامنة للبشرة الحساسة مثل White objective cream الذى يستعمل حينها صباحا و مساءا و ليس السيرم لأن المنطقة تكون حساسة انا سمرا و نفسى افتح لون بشرتى بسرعة..ايه الحل؟ عوامل كتير بتحدد لون بشرة كل واحد مننا منها تركيز صبغ الملانين بالجلد ، الدورة الدموية و طبعا مننساش دور العامل الوراثى مع التعرض للشمس لون بشرتنا بيغمق درجة او درجتين عن الطبيعي هو ده اللى ممكن نفتحه ب 3 خطوات اساسية : استخدام واقيات الشمس باستمرار مع تجنب التعرض للشمس للوقاية دون مزيد من الاسمرار و نختار واقى الشمس حسب الرقم الكودي للبشرة استخدام كريمات تفتيح البشرة و خاصة المزودة بواقيات شمس مثل Depiderm 50 , White objective cream ضرورة استخدام مستحضرات تحتوى على احماض الفواكة اثناء الليل مثل Depiderm cream بشرتى فاتحة و عندى نمش اعمل ايه؟ النمش لو بكميات بسيطة عادة بيكون شكله لطيف و عشان ميزيدش و ميضايقناش دايما لازم نستخدم واقى شمس بمعامل حماية مرتفع عشان يناسب بشرتنا الفاتحة ده مع استخدام كريمات التفتيح من آن لاخر .. طبعا واقى الشمس حسب الرقم الكودي اما كريمات التفتيح ممكن نستعمل Depiderm 50, Depiderm cream اما لو النمش زيادة فلازم نعرف ان جلسات التقشير و انواع معينة من الليزر هي الحل الامثل بس لازم نعرف ان الجلسات دي لازم نكررها كل عدة سنوات لان النمش من الحاجات اللى دايما بترجع تانى
