الحمار برك..ولا عاد احترك أين برك؟ بتعز.. بعصيفرة .. بميدان العرضي. فوق اللقاء المشترك رقد على ظهره.. أرجله مقشعات للسماء.. مافيش بغشيش.. عرفنا بإسمك؟ عبد الله بن سعيد.. واسمي قاسم.. ليش ينادوك ياحرَّابي؟ الحرابي مو تحصّل منه.. ذاهم أجو اليوم حرَّابي ..حرَّابي..زفونا مسيرة من باب الكريف لما وصلنا الميدان. أيش من ميدان؟ ساحة الحربان ميدان العرضي والدنيا دنيا ولا جبتُ لهم ريال.. حرام عليك؟ .. فاضت المدينة.. الرزق يصلبه صلب..مو شفتنا حرامي من أين القرية ياقاسم؟ من العدين..يالله بريح جلاب أين تقع العدين؟ أذاني مسدودات.. مقلوبات من الخلف .. نخرتي هندوان. قلي كم عمرك؟ أخي علي ومحمد أتزوجوا.. وأنت اتزوجت؟ .. في واحد أتزوج من الحمادي أجت ورقدت فوقه ومات.. ليش ما تتزوجش..اعترف؟؟! اللي يتزوج يَشقب أمه ويزيد همه .. أمي عملت لي أربع دَبْج بالمكحفة. وأبوك عائش؟ ساقي ضاحي الله داري إننا مجنون أو صاحي.. في مجانين ينسحبوا ومجانين يتسخددوا وقيَّدوهم.. يرسلوا لك بقات من القرية؟ القات حق العدين يعقر يندي الجنان .. علي سعيد كان معه مرة من صبر تندي له قات ملان ونحنا نعطيه للشيخ. منوه شيخك؟! الطاغي الكردي بالوادي راح النوبة هو والرئيس حق العدين. رئيسك علي عبد الله صالح؟ إبنه عبد الرقيب راح السعودية ولا عمل شيء .. صور بلا حساب. اشتغلت بالرياض؟ بالسليمانية حارس عرض الخيل عند الشيخ جمعان حمير وخيول. كم وفرت فلوس بالغربة؟ معي فلة طرحته عند الأمير شارع أربعين خرج جوازك وسافر.. الأمير تحته الجواز قلّك الوكيل. كيف الحج بالسعودية؟ اللي يقرأوا الجرائد داريين.. إجزعلك الطريق طوالي أمشي سيارة خصوصي من العسكري إلى مكة بستين ريال قله عمل و شغل. تشتغل بالشارع؟ جالس براحتي أحرس الميدان..والشارع يشتغل عندي كم تصرف باليوم؟ مدري.. المعاش يجي العشي بالظلمي. والعسيب بكم اشتريته؟ من عجوز بالبرازيل .. باربع قصب تراث.. تسلم حق الكهرباء بالشارع؟ بلاش .. السعودية وصبر شتحدوا وشعملوا عمارة بتعز وفول بترول وحدادين لا طالع. مارأيك نرشحك سفير لمدينة تعز؟ سفير أرعي الحمير.. معي ديمة غنم بالبيت.. أبي كان معه غنم . عادك تحن للماضي ورعي الأغنام؟ هذه حشرات محجوز بالجنان مايدخلوش الجن.. كيف تحمي نفسك من الجن؟ .. نحنا نخزن وهم لا. مارأيك بتنظيم القاعدة؟ أنا أحارب على مالي وشركاتي. يسدوا هم وتنظيم الراهدة.. أيش معك داخل الشنط؟ ملابس رجالي شموز عطورات مباخر ومكاحل حريمي وزنن وكناشل والسُّرَّادي.. للجيران حقنا، والجهال وزع لاهلك وهم شندوا قات وشجوا يقيّلوا. منوه ضربك بالشارع الأسبوع الأول؟ حمود يجزع من أونه بعد صلاة العشاء ويبكر الصبح تعز أحمد علي رمضان، وبن محمد قائد معه بندق شيكي وطيَّار جنب بيت غالب قحطان.. أخدام كله تعز أخدام وكالة أمنية وادي ذراع والرعدي عند الشيخ ردمان.. تحب كرة القدم؟ كل واحد يهجش الثاني بالقفا.. شحلق عند المزاينة. آخر نصيحة؟ ولا تتدخل بأحد.. إجزع لحالك قتلنا بتعز هراوات.. كان يخرج من القصبة حق الماء.. ضارب حمود وأنا وكيل الشيبة. تشاهد أفلام أمريكية بالتلفزيون؟ الطّرب بعثوه يا معراد كله برع يروح ولا أسمع حق اليهود الأفلام نصارى.. الخيالة.
