عبد الرضا حبيب يا موطن الأحرار يا فخر سيره يا اسم من التوحيد صاغ اتحاده يا اسم على الإصرار صيّر مصيره ومصيّر الأقدار تنجز مراده وش باصفك وبحور حسنك غزيره وش يحتوي القرطاس ويكفي مداده يا دوحة العربان لاهلٍ وجيره يا نخوة الجيران في جري عاده يا موطنٍ للمجد عزمه يديره في سنة التوحيد صحّ اعتقاده وبوحدة المجهود سنّ المسيره زايد على الشدات شدّ اجتهاده أعني الذي لولاه فدّ البصيره من باذلٍ صنّاع مجد وسياده الضيغم النطّاح نكبٍ خطيره وملقن الأخطار باسه وعناده لولاه ثم لولاه وصادق نفيره ما توحّدت في الأرض قوه وقياده زايد ولا قد زان فردٍ نظيره وبامثل الزينات زان انفراده زايد ولا ممدوح وما هي كثيره لو تكثر المدّاح وما هي بإشاده وانت قريت العزم بصدق السريره وانت بنيت المجد ومْثبّت عماده وانت رويت الأرض بحرّ الهجيره وابحرت في الإعجاز رغم اشتداده واضحت بعين الكون جنة خضيره ما شاءه القهار وشاء اعتداده حاشا الوطن يسلاه وحاشا ضميره حاشا على النسيان ينسى افتقاده وافخر ببوسلطان نجله وظهيره الظاهر الطيبات وفخر امتداده الحاكم بمنطوق عقلٍ ينيره ومطوّع الصعبات طوع اقتياده حق على الانصاف وارضي جديره به ترفع الهامات تنجز حصاده وانا اشهد بوقفات باسٍ نصيره في نصرة الملهوف حين استجاده وارْقى على الإيثار يفدي عشيره واستنهض الفزعات لاجل استناده واليا بكى المظلوم في ليل حيره جاه الرجا كالنور يجلي اربداده كم عثرةٍ يا كم خطبٍ عسيره كم سهلةٍ بْحجاه تقرا ارتشاده ربي عسى يحويه محفوظ خيره وبحافظ التنزيل يحفظ بلاده يا سيدي مبروك يا فخر ديره دارت على الاقطار فيك برياده خذنا فدا يمناك وسلة نكيره حنا وبوسلطان باب وعضاده والخير فهْل الخير نخوه وغيره والشر في اللي اشتر يمحق فساده أفدي الوطن بحْشاي عرشه وسريره ورسم العلم أفديه وافدي سواده عيد الوطن والفرح نسنس عبيره وتبخر بتبريك يوم اتلاده ربي ولا معبود حاشا استجيره غيره يحفظ البيت ويحفظ عباده مبروك يوم العيد شيخ وعشيره مبروك يا كل عام ربي استعاده [email protected]
