بقلم : بن عمر رفقي كتب الاستاذ باسم الشعبي بصفحته مقترح للمسئولين بالدولة – عفوا هم الان يناقشون كيف يسووا تولة متنية –قائلا طالما نه من الصعب نقل ضبع واحد من الضالع فأجدر بأهلنا بالضالع ان ينتقلوا الي اي محافظة اخرى اقرب لهم بس اهم شيء تكون منهم لأنه لو اجيتوا الي عندنا مكانهم بيلاحقوكم لأنهم يذوقوننا مما تذقون ولكن نحن بعض الاحيان بالقطارة لان انتم يحبونكم كثير ولهذا يرشوا عليكم رش يا حافظ تقولوا عسل وشهد اما نحنا عاده سلامات باقي من الاهل كثير ويخافون لعاد يعوروهم ..وطالما انه اتضح للملأ ما بظهر منها وما بطن فالأجدر ان تنتقلوا كلكم !! ايش قلتم مش راضيين هيا تستأهلوا ايش يصير لكم بس انا خائف عليكم لأنه الظاهر الجماعة عاده مانسوش الاحقاد اللي فيهم تقول يا ساتر حقد جمل قعود ,ولا هم راضيين على التسامح والتصالح خينة و بلكي كمان برضه مستفيدين من كثر السلب والنهب مو قليل ما تعلٌموا ومن ستة وثمانين وقبل , وشوفوا كم يشتي لهم سنين ينسوا الذي اتعلمونه لأنه المثل يقول من جالس القوم اربعين يوما صار منهم والأخوة البعض منهم طبعا جلسوا كما قلت جلسوا دهور ,, اكيد افتهم لكم لأننا بصراحة كنا ولازلنا نحبكم كثير بس هم اللي كانتم عندهم ذوقوكم المُر حتى نزيل عُصيفرة الاديب والصحافي اللامع علي محمد علي لقمان ومن سنة اثنين وسبعين حتى لو ما تصدقونا شوفوا ايش كتب زوج بنته في كتابه نزيل عُصيفرة وصدق الذي قال المثل يا هارب من الموت لحضرموت وذه ذيك اليوم لما الله ارسل على ابرهة الاشرم طيرا ابابيل ,, لهذا نسأل الله العلي القدير ان يذيقهم ما اذاق واليهم ابرهة الاشرم .. صراحة نحنا حبينكم على غشش لكن هم اخوتنا حبوكم وبعدين كرهوكم تقولوا ليش وبالذات البسطاء المساكين ,,خينة بلكي او يمكن ما اعطيتوا لهفتوا عليهم البقع والا يمكن منشأن البطاقة اللي اعطيتوها لهم واللي كان اسمهم فيها مقيم جنوبي يا سلام على وحدة وعودة الفرع للأصل كما يقولون ويزعمون !! ما شتيش اطول كثير لأنهم مش فاضيين الناس يقرءوا ومشغولين بالزفة ولا حتى مغرغرين !! وإذا تشوف ياعُبد من الصعب نقل الضبع الناس تقول لما متى بيسكتوا على نحر اهلهم وألا تحسب الناس نسوا قول رسولنا الكريم من مات دون عرضه وماله فهو شهيد ..فلا تحولوا مسار الحراك من سلمية الي استخدام السلاح لكي تلاقوا عذر لإبادتهم وكما قال ابن حمدون والا خينة عبد الكريم توفيق- باتهجد بك والعالم رقود !! اما اذا عادكم تشتونه لان المهمة ماخلصتش يبقى اشبعومبه ,, وبعدين لا تلوموا الاخريين لو طبقوا قول سيد الخلق والانام صلوا عليه وسلموا افضل تسليم ...امين ابن عمر رفقي يناير 20/2014م-عدن الجنوبية نت