* * * * أنا بنت عندى 23 سنة بشتغل و ساكنة فى منطقة راقية جدًا و بنت ناس وانا في الكلية كان فى ارتباط فى حياتي بس مش حب كان هو بيحبنى بس انا لأ ودائما كنت بعاملة بطريقه وحشة ازعقله صوتى يعلي عليه و بعد متخرجنا سبته فى خلال الفترة دي كان فى ولد دايما يبصلي من بعيد لبعيد اروح اى مكان الاقيه فيه حاول بعد متخرجنا يكلمنى لاكن انا رفضت لانى كنت بسمع عنه من زمايلنا انه كان بتاع بنات جدا و كل شوية مع بنت فرفضت اكلمه المهم الحياة مشيت و الايام و بعد 3 سنين من تخرجنا لاقيتنى بدور عليه على الفيس بوك و بضيفه عندى اخدنا ارقام بعض اول ما اتكلمنا حسيت احساس غريب ناحيته لاقيته شخص تانى خالص مش صايع زى مبيقوله عليه بالعكس ولد محترم جدا شغال فى بنك كبير مستواه مادي كويس و طباعه صعبة جدا يعنى مش فري و متساهل لاء بالعكس مترحيش فين و البسي ايه و قولي ايه و مينفعشى تردي عليا و كلام كتير ...وطبعا بعد فترة من كلمنا قالى انا كنت فقدت الامل ان احنا نتقابل فى يوم و انا مصدقت لاقيتك و ربنا حقق لى حلمى و اتعرفنا على بعض و حسيت ان هو ده اللى انا كنت بدور عليه ارتبطتنا ببعض طبعا خلال الفترة دي حصل خلافات كتير اوي لانى انا طباعى صعبة جدا عندية اوى مش بسمع كلامه ابدا دايما صوتى عالي ساعات بخبط كلام جامد مش بيكون قصدى كنت دايما بحس انه جامد معايا مش بيكلمنى كتير يقول لي كلام حلو وكده واما قولتله قالى انا بحبك انا اه عرفت بنات كتير جدا بس اخري يومين او شهر و خلاص انتى اول ارتباط مش عارف اتعامل معاكي ازاى حاسس انه احساس غريب عليا فقلت انى هستحمله حصل بينا خلاف فى مرة انه كلمته و مردش عليا اليوم كله و جه كلمنى تانى يوم قلتله بس انت طباعك انا مش عارفة اتقلم معاها و كل شئ قسمة ونصيب وفعلا سبنا بعض لمده شهر فى خلا الفترة دي كنت بتابع اخباره من على النت لاقيت فى صورة محطوطة لمجموعة شباب و بنات ومكتوب عليها بنك بى ان بى تبيم ؟؟؟؟ مع انه كان مفهمنى انه شغال فى شركة معدات طبية انا وقتها اتصدمت بعدها باسبوع بعتله انت ليه عملت كده ؟؟ قالى انا كنت مستنى اثق فيكى و اعرفك كويس واتاكد انك هتبقى شريكتى و قتها كنت هعرفك كل حاجة وانتى اللى استعجلتى و بعدتى قلتله ايه دخل ده فى شغلك فين ؟ قالى انا طبعى كده لازم اتاكد من حبك ليا انا الاول كانسان و بعدين اعرفك كل حاجة عنى ولاقيت كلمنى و قالى انه بيحبنى بجد و انى اديله فرصة تانية انا صدقته عشان حاجة واحدة انه زمان وقت الجامعة كان واخد عنى فكرة انى البنت اللى شخصيتها قوية الجامدة اللى مش بتسمع الكلام وهو عارف انى مكنتش بحب الولد اللى كنت مرتبطة بيه بس كنت بضيع وقت و فراغ معاه؟ خلال الفترة دى عادى حصلت بينا خلافات و حصلت بينا ايام حلوة كتير كل الخلافات كانت لسبب واحد هو انه مش مهتم بيا كفاية شغله واخد وقته كله بيرجع بيته الساعة 7 بليل يتغدى و ينام ؟ كنت اكلمه يقولى انا اسف و حقك عليا انا بحبك فعلا بس لول انا مسبتش نفسي فى شغلي مش هعرف اخد خطوة معاكي و عشان خاطري استحملينى عشامن الدنيا تمشى و فعلا انا بستحمله لانى حاسة بحبه ليا وانه لو مش بيحبنى مكنش كمل معايا باسلوبي ده لانى ياما دايقته .. بعد فتره قلنا نروح داي يوز فى اى مكان لاننا مضغوطين من ضغط و قرف الشغل انه شغلنته صعبة و ضغط وهو تيلر فى بنك روحنا اوتيل فى الهرم موفينبيك حجزنا داي يوز و كل واحد فينا راح غرفته . كلمته فقلتله خلاص غيرت هدومك عشان نروح نفطر قالى لسه قلتله طيب هعدى عليك و ننزل قالى اوك روحتله قلتله ايه مغيرتش ليه قالى كنت بجيب شنطتى من العربية قلتله طيب غير وانا هقعد ادام التلفزيون غير هدومه و طلع قلتله يالا بينا قالى اصبري نريح شوية قلتله اوك قعدنا نكلم شوية و قد ايه وحشين بعض و كده لاقيته بيبتدى يقرب منى قلتله انا مبحبش الاسلوب ده بس للاسف قصاد كلامه و مشاعري ناحيته ضعفت معاه و اتنازلت عن مبادئ فى الحاجات دى هو محصلش بينا حاحة كبير بس مجرد وجودنا فى غرفة واحدة و نبوس بعض بالطريقة دى ده غلط اليوم خلص و مشينا طووول الطريق ماشي مبسوط وانه اتاكد من حبى ليه ووصلنى . خلال الفترة دى كان اتغير جدا و بقى مهتم بيا و مش عايز يزعلنى الاسبوع اللى بعد كان عيد الحب صمم اننا نروح نفس المكان هناك انا استغربت اوى من تصميمه وطبعا روح الشك اللى جوايا قالتلى لاء هو عايز يروح هناك عشان يحصل بينا اللى حصل قلتله لاء قالي ليه انتى مش واثقة فيا و انتى مصممة اننا كل مامورنا تستقر تبوظيها بعد اقناع روحت معاه بس الحمدلله اليوم باظ مطرة و طينة و هناك كان في انفجار جنب الاوتيل فكان فى امن و المكان زحمة فشوية و مشينا ,, طوول الفترة دى انا عماله افكر يا ترى هو فعلا و حش كده زى مكانه بيقوله عليه وانا مجرد واحدة بيقضى يومين معاها او نفسه فيها من ايام الجامعة ولا فعلا بيحبنى و اللى خلاه يعمل كده مشاعره ناحيتى و عادى ممكن انه يضعف زى مانا ضعفت معاه فكرت فى فكرة هخلى واحد زميلى يكبتلي حاجة و يوصله ان فى بينى و بين الولد ده حاجة اشوفه هيتصرف ازاى اول مشاف كلام ده كلمنى قلتله ده واحد كان زميلى وفى الشغل القديم بتاعى و كان بيحبنى من ساعتها و انا معرفتش حاجة عنه لمده شهر مش بيرد على اتصالى و لا على رسايلي صاحبتى قلتلى انتى و صلتيله احساس شك و هو مهما كان بيحبك و انتى اللى توصليله الاحساس ده عايزاه يعملك ايه بعدها لاقيته بيكلمنى و قالى انه كان زعلان مينفعشى ده يحصل وانى كدبت عليه لانى مقلتلوش انى كنت اعرفه قبله قلتلته اصلا مفيش شخص ده انا اللى عملت كل حاجة عشان اختبرك قالى انتى مش طبيبعية بتحفرى الحفرة و توقعينى فيها عشان تقوليلى انت وقعت ده مش اسلوب ناس عاقلة انتى عايزة تضيعى اللى بينا انا مبقلش انى مش غلطان لا بالعكس انا بغلط و هتغير علشانك و انتى لازم تتغيري لان انتى اللى فايدك تخلى العلاقة دى تكمل اتصالحنا عادي بيقولى عايز اشوفك تحبى تروحى فين قلتله اى مكان انت عايزة لاقيت قالى نروح داي يوز فى اى مكان ؟ انا سمعت دى اتجننت لانى الموضوع ده عاملى حالة نفسية قلتله للاء انا مش هروح الاماكن دى قالى بصى انا عارف انتى دماغك فيها ايه انتى بتقولي هو عايزنى لحاجة معينة يعملها معايا بعدها يسبنى وده مبيحبنيش بس انا هقولك حاجتين اولهم محدش يقدر يجبرك على حاجة انتى مش عايزاها و انا مش وحش ولا شرير انا لو عملت كده مرة فهو من حبى ليكى تانى حاجة انا و انتى لو فى جزيرة لوحدنا و مش عايزين نعمل حاجة سوا مش هنعملها وانتى كنتى معايا اول مرة فى موفنبيك لو كنت عايز اعمل حاجة و موركيش و شى بعدها كنت عملتها .. انا بحب الاماكن دى معاكى عشان افصل اعيش فى جو تانى بعيش عن الدوشة هدوء و هواء وطبيعة انا مع اصحابى بطنط و بروح و بقعد على قهموة لكن معاكى انتى لاء بحب ابقي واحد تانى انا محتارة اوي مش عارفة اعمل ايه انا بحبه فعلا بس الكلام اللى كنت بسمعه عنه دايما حاجز بينى و بنه و تصميمه على الاماكن دي بيخلينى اخاف منه و انه عايزنى عشان يعمل حاجة و يسبنى بعدها واحنا لسه قدامن شوية على اى ارتباط رسمى لاننا علاقتنا بقالها 6 شهور منهم شهرين مش بنكلم بعض و هو لسه فى شغله مكملش سنة عايز يقف على رجله الاول و بعدبن يتقدملي . اخر حاجة اما بكلمه على طباعه مهايا مش بيكلمنى كتير و لا بيقلى كلام حب لو قالى و حشتينى يبقى انجااز مش بيفاجنى ب ورد و لا اى حاجة من حاجات دي قالى انا طباعى صعبة و تربيتى صعبة احنا 3 ولاد تخيلى دوول تعاملهم ازى مع بعض حتى معنديش اخت بنت عشان كنت افهم بتحبه ايه و بتكرهه ايه انا اه عرفت بنات كتير اوى بس لغرض التسلية مش اكتر فانا مااي هتحب ايه و تكره ايه ايه ؟؟ اعمل ايه عشان اتاكد هو بيحبنى بجد و لا بيتسلي بيا و انى مجرد حاجة كان نفسه يوصلها و خلاص اسفة طولت اوي صديقتنا العزيزة الحب هو نقطة ضعف أى انسان .. لكن لا تدعيه تسيطر عليك وتنهيكى للأبد ...تعالى نفكر معا بصوت عال لو حدث تبادل فى الأدوار بمعنى لو هو مكانك ويحبك بجنون وانتى فتاه غير مستقره فى مشاعرك هل لو أنتى رفضت مقابلته فى هذه الاماكن لأن هذه هى رغبتك وطباعك الغير قابله للتغير (وضعى تحتها الف خط ) هل سيقل حبه لك او سيتركك ...؟ بالطبع لا لو كنتى حلمة الذى كان يسعى من سنين ف تحقيقة لن يفترق عنك أبداً خاصا بعد ان تأكد من حبك له اختى الحبيبة الرجال جميعا يحبوا الفتاه العزيزة التى تحافظ على نفسها وعرضها فلا تضعفى امامه مره اخرى بأسم الحب وضعى حدود فى العلاقة بينك وبينه حتى يكون العلاقة بينكم علاقى رسمية ..لا اقصد بالحدود ان لا تتحدثى معه كالسابق او ان تنهى علاقتك معه لا ... ولكن وفقاً لكلامك هو شخص مشغول بعمله لكى يثبت نفسه ويستطيع أن يخطوا أمامك بخطوه ايجابيه .. فاتركى له الوقت والمساحة لفعل ذلك. دعيه يشتاق اليك ويبحث عنك وأن يستغل كل ثانيه يستطيع أن يتواصل معك فيها يكون هو البادئ دائما بالسؤال والاشتياق اليك.. وقتها ستشعرين بحبه لك. أما بالنسبة لموضع كذباته بالنسبة لطبيعه عمله فهذا الامر غريب فعلا .. وليس له علاقة برغبته فى التأكد من حبك.. ليس له مبرر غير انه لا يرغب فى ان يدخلك فى حياته ... هل سبق له وعرفك على اصدقائة فى العمل او على احد افراد عائلته ؟؟؟؟؟ أختى الحبيبة أنا لا أرغب فى أن اشكك فى أمره ولكن على رأى المثل الذى يقول ( مرآة الحب عامية )فكرى بعقلك أكثر من قلبك وأكيد ستعلمى حقيقة مشاعره تجاهك. مواضيع متعلقة بص وطل
