النيل من سُعْده وصل جا يهنيّك وانا بقلبي جيت تحملني أنفاس سابقت شوقي..غضت من هو يجافيك وتركت خلفي: الهم..والغم..والياس أنت الأمل أنت بقايا الرجا فيك ترسم ملامح غد مشرق على الناس بالعلم بالأخلاق تسمو معاليك المجد طبعك والوفا تاج عالراس قم عانق العليا وسجّل مباديك واترك لمن بعدك من الخلق نبراس أصل الفضائل –كلها- مجتمع فيك ياجنس متميّز على كل لاجناس حاضرك بهجة في المعالي تحييك ماضيك في صدر الزمن عقد ألماس الفخر لو با يفتخر قام يطريك من هو سواه الحضرمي يرفع الراس؟! كل المكارم تدعي الله يخلّيك لا تقول –لا غيّبت-لا باس لا باس جدد عزومك حقق الله أمانيك همّة ملك والصبر لك صبر باداس الفوز حيته لم يزل من مواليك والياس تحت العزم مازال ينداس قل للفشل:شف غيرنا حد يواسيك حنّا هواة العز والعز نوماس خذ ياشرف–إن شئت- منّا معانيك خذ ياقديم الثوب ثوبك من اللاس كف الخلود اليوم تكتب قوافيك الدهر راوي والحياة مثل كُرّاس من غيرنا في كل لحظة يوافيك نروي ظما الآمال من عينة الكاس آثارنا طالت وغطّت نواحيك ماهي قصيرة كيف بالله تنقاس؟! من أول الدنيا- لنا- لا اقاصيك تشهد وسل جاوه وجدَّه ومكناس سل –لو تبى- عنّا التواريخ تنبيك سل من تشا لا تقول لي:الكل هلاّس قل للعروبة من يلبّي مناديك وبمن نثر الاسلام حُبُّه على الناس من علّمك ياجود تبسط أياديك ؟ من ياوفاء..ياصدق..أرسى لك الساس؟ من يا أمانة ..من يحبّك ويغليك؟ من عابيوتك في العرب خير حُرّاس؟ من يا تواضع لاانذكر قلت يعنيك؟ ياخير..من لك في المخاليق غرّاس؟ حنّا حضارم عالمودة نصافيك أسماءنا في صفحة المجد أعراس. شعر : سامي أنيس الكثيري
* أُلقيت هذه القصيدة في الحفل التكريمي والفني الذي أقامه منتدى أبناء حضرموت بمصر في قاعة كليوباترا بفندق سميراميس مساء يوم الخميس الموافق 8 نوفمبر 2012م.