كل الاشعار وكإنها اجزاء من لبسك بتغيرى فيها وترميها كده على راحتك وتسيبى الباقيين مرميين قدام عينى بتفكرنى بكل ملامحك00 فيهم ريحتك *** يخرب بيتهم اللى شافونا00 ومن الحاسدين او يخرب بيت اللى لامونا00 عاشقين حاسين او كانوا شافونا وعرفونا وما بقوش عاشقين واللى اتفرقنا على اديهم00 لو كانوا قاصدين *** عاوز اقنع نفسى علشان حيرتك00 وكمان حيرتى ان احنا اصحاب00 مثلا يعنى00 او تبقى اختى او حتى تكونى مثلا امى00 تبقى لى بنتى؟ بس انا مش عارف غير انك00 انتى حبيبتى *** انا00 زى العشب بتمشى عليه00 وحاسس خوفك انا زى العصافير فى الشباك00 اما تشوفك واهمس زى الشجر اما الاقيك واسمع صوتك او زى الخيل بافرح بالسكر00 فى كفوفك *** ويا رب اتعبها وعذبها00 زيى انا فى الحب وريها ازاى الحبيبه بيدوقوا الغلب سهرها يا رب وحيرها00 ويا قمرها خليها تحب وتتجن00 ويرجع لها قلب *** شكلى انى خلاص مش هاقدر فى الشعر اكمل وهابيع رباعياتى فى حبك كده00 مستعمل يمكن حد يكون محتاج لها اكتر منك جايز العاشقين يبقوا معاها بإحساس00 اجمل ............... شعر : حسام العقدة متصفحك لا يدعم الجافاسكربت أو أنها غير مفعلة ، لذا لن تتمكن من استخدام التعليقات وبعض الخيارات الأخرى ما لم تقم بتفعيله. ما هذا ؟ Bookmarks هي طريقة لتخزين وتنظيم وادارة مفضلتك الشخصية من مواقع الانترنت .. هذه بعض اشهر المواقع التي تقدم لك هذه الخدمة ، والتي تمكنك من حفظ مفضلتك الشخصية والوصول اليها في اي وقت ومن اي مكان يتصل بالانترنت للمزيد من المعلومات مفضلة اجتماعية