نشرت قناة الجزيرة مباشر مصر، مساء الثلاثاء، تسريبًا جديدًا منسوبًا لوزير الدفاع المصري عبد الفتاح السيسي، يتناول فيه قضية سيناء. وأكد السيسي، في التسريب المنسوب له، أن استخدام الدبابات والمدرعات في سيناء، قد يؤدي إلى انفصالها مثل جنوب السودان. وأشار إلى أن الو أن استخدام القوة الأمنية، في سيناء قد "يشكل عدوا ضدك وضد بلدك، وأن تشكيل الأمن في سيناء يكون بالتواجد لا بالقتال، لأن دبابة واحدة ورشاش واحد يقدر يعمل كتير، لأنهم في الآخر أهلك وناسك"، على حد وصفه. وفيما يلي نص التسريب، على لسان السيسي: "انا عايز أقولك يعني, انت مش متصور وانت ظابط جيش انه بمنتهى البساطة يعني حاجة على رفح والشيخ زويد, أروح محاصرها ومطلع السكان اللي فيها واروح مفجر المباني اللي موجودة فيه, كدة يعني؟ احنا نعمل كدة؟ مش هنقتل حد ولا حاجة. رفح والشيخ زويد اعمل حصار, خرج السكان, ال100 بيت دول يتنسفوا.. ممكن نعمل كدة. حد ضرب نار طلع قدام النار دي 100 نار, مات اتنين تلاتة أبرياء, انت في الآخر بتشكل عدو ضدك وضد بلدك. انه بقى فيه تار بينك وبينه. دي واحدة" وأضاف: "احنا بنشكل أمن بالتواجد مش بالقتال. خلي بالك الكلام ده احنا بنقوله كدة مع بعض بالتواجد مش بالقتال ما هي دبابة واحدة ورشاش واحد قادر يعمل حاجات كتير بس دول في الآخر أهلك وناسك, ولازم نستدعي حالة انفصال الجنوب في سودان بدأت من خمسين سنة. بدأت ايه من 50 سنة, وكانت المعادلة ايه؟ أمنية. أمنية فقط. مفيش فيها حسابات رفيعة, والضغط بتاع الرأي العام كان حاكم, وكان اللي بيقود المعادلة بيتأثر بيه وبيتجاوب معاه, حتى لو كان ده ضد مصلحة الأمن القومي على المدى البعيد, النتيجة ايه؟ انفصال".