ياهل (الصّحيفِه) خبّرونا شوخبار(الكندره) والأهل والأصحاب لي هم في المرابع يلعبون هل شي خبروافي وإلا قول قُدها مسَكّره ولْعاد باصوّت.. بصوتي والبشربايسمعون حاشا على أهل الشرف والجود هو والمخْيره ينسون صاحب لاجلهم مايرخص الغالي بدون! ××××× لوجيتهم قالوارحِب حطوا دخون (المقطره) ماقصّروا رشّوا المجالس (عِطر) ومْلوها (دخون) قولوال (بوماهر) إذا عدّيت جنب (القنطره) سلّم على (بوسعيد)هو و(سعيد) واصحاب الفنون وشلة (التربين).. أصحاب الوجوه المُقمره لي هم على (دبّاب) أو(دكّه) كبيره يسمرون ××××× أيام مرت في الرّوابي بالوداد مبخّره في بيت بوعبده(عمر) القلب يشبع له سكون عدت ولكن لم تزل وسط العيون مصوّره ماظنها ياصاحبي بعد (المعزه) باتهون!! أهل الموده والشرف أهل القلوب المثمره ياماسقونا من عسل صافي مصفى في الصحون ××××× في دار(بامْحيسون) مركزناالذي في(الكندره) شفنا الحبايب من بحارالخيردايم يغرفون إسأل على (السّيوِد) وخذها خالصه ومشفّره قل له تمن شفنا الخضر لما (صحابي) يطلبون!! عرّج على(حيّ السلامه) والقصور(المبهره)! تلقى الزبيدي(بوعوض) بلْسم همومك والشجون ماقدرنجازيهم جزاهم بايقع في (الآخره) في يوم ماينفع بشر (ماله) ولا ينفع (بنون)!! ××××× مرّيت في سوق اليمامه شُفت بقعه(منوّره) والناس حد جالس وحد ماشي وحد يتفرجون أكبرتجمّع للذهب أسواق ضخمه مسوّره والمشتري واقف.. يبايع والبشريتمنظرون! المشكل إلا في الذي صبحت عليه (مغدره) ماشي معه يده خليه وين الذي هم يرحمون؟! قل له حمد ربك بستر الحال هو و(المخيره) سبحانه الرازق إذا ماقال):كن لازم يكون)! ××××× شي عندكم أخبارمن (محسن)جميله معطره تروي ظماأهله الذي هم دوب عنه يسألون قل له خرج حتى زيارة أهل عندالمقدره لوماعجبك الوضع عد تاني وخل قلبك حنون الأرض زينه والبشر أزين وأهل (الفشكره) ماهمهم غيرالملاوي والوساوس والظنون! ماهمرتهم يا صاحبي لوهم يشبوا (المجمره) عديت نا من جنبهم واثق وفرقزب (العيون) مشوارعند(مسجدعمر) والا(قعيده) معبّره والأهل من حولك تجلي الهمّ كله والشطون ولعاد باكثرعلى (بوشيخ)قدها مسطره من قلب وافي واهلنا يا(صاحبي)بايشهدون ××××× وختامها صلوا على المبعوث رحمه للورى عد البشروالطيرلي غرد على كل الغصون والأهل واالأصحاب أصحاب الوجوه المسفره مابقيت الدنياومادام الذي هم يسجدون!!