تنوعت اهتمامات المجموعات على صفحات الموقع الإجتماعي "الفيسبوك" مابين السياسة والطرافة وأخبار الفن، حيث برز الحديث عن حوادث سرقات البنوك وغيرها في ظل الثورة المصرية، وتعليقات طريفة عن أغنية الفنان المصري "شعبان عبد الرحيم" للإخوان المسلمين، وضبط ممثل "طاش ما طاش" متورطا أخلاقيا! فعلى صفحة "انا لازم أتغير" كتب القائمون على الصفحة: "سطو مسلح على سيارة نقل أموال بحلوان.. وسرقة 3 ملايين و250 ألف جنيه..! وسطو مسلح على بنك h.s.b.c بالتجمع الخامس..! خطف موظف موبينيل نادي الشمس أثناء توريدة إيرادات الفرع وطعنة وإلقائه في الشارع بعد سرقة النقود…! كل ده في وقت واحد ..! لأ في حاجه مش طبيعيه بتحصل ..!" وتوالت ردود الأفعال على هذا التعليق، إذ كتب تاكي الدين محمد يقول:" أنا متأكد إن العسكري ورا الموضوع ده لكي يجبر الشعب على بقائه." أما غادة بدير، فقالت: "وفي عربية امانكو اتسرق منها 6 مليون في حلوان في نفس الوقت تقريبا!" وضمن ذات السياق، وعلى صفحة "جيل التغيير"، كتب القائمون عليها: "سطو مسلح على مكتب بريد حلون وسرقه 150 ألف جنيه .. يلا بجد بأه نشوفلنا بنك أو أي حاجة قبل ما يخلصوا الفلوس وأهي فرصه المجلس العسكري بيشجع السرقة مش هنلاقي فرصه زي دية تاني." فردت إيمان البرماوي:" إيه الصدفة الغريبة دي جات للعصابات بسرقة البنوك فجأة كده.. ده ما حصلش أيام هروب المساجين ولا ده شغل أمن دولة". وكتبت موني قاسم: " إحنا مانسرقش بلدنا إحنا نعمرها والدليل يوم جمعه الغضب أما مول اركاديا اتسرق أهالي بولاق راحو رجعو كل حاجه لأصحاب المحلات، أهالي بولاق اللي بيتقال عليهم بلطجيه بيسرقو ويضربو الثوار." وفيما يتعلق بموضوع اعتقال الناشط السياسي الشاب أحمد دومة، وتضارب الأنباء عن مكان اعتقاله ووضعه الصحي، كتب القائمون على الصفحة: "مصلحة السجون بتقول دومة في سجن طنطا وسجن طنطا بيقول رحلناه طره، تقدم المحامين ببلاغ يتهم الداخلية بإخفائه قسريا!، فين دومة يا داخلية .. فين دومة يا شرطه عسكريه .. فين دومة يا مجلس يالي مشيركوا لغي الطوارئ…!! الحرية لأحمد دومة." وكتب أحد المشاركين: "ربنا يستر وما يكونش مات من التعذيب سترك يارب." فرد عليه محمود الشريف:" مش دة اللي كان يضرب عربيات الجيش ناس تافهة بتعملو منهم أبطال." أما صفحة "مصر بوك " فقد تميزت بطرافة الطرح الساخر، إذ عرضت صورة لمقدم أحد البرامج التلفزيونية "توفيق عكاشة"، متواجد في مطعم كنتاكي، وكتبت تعليقا عليها: "توفيق عكاشة في كنتاكي غالبا كان بيسأل على وجبات بط هناك، مين فينا بتاع الكنتاكي دلوقتي يا تيفة ؟!!" وكان الرد على الصورة التي تم نشرها بالمئات، فعلق عمرو حسن: "إيه لبس المخبرين ده يا عكشه." وشارك سالم عوض بقوله: "يا جماعة أنا ضد الراجل ده في كل حاجة بس ياريت يكون النقد بتاعنا نقد فكري وسياسي وليس نقد شخصي، وإلا لن يكون هناك فارق بيننا وبينه وللجميع وافر الاحترام." وفي مشاركة أخرى للقائمين على ذات الصفحة، تعلقت بالفنان المصري شعبان عبد الرحيم، المعروف بشعبوله، وأغنيته لجماعة لإخوان المسلمين في مصر، كتب أحدهم: "شعبولا مطرب الفلول .. أصبح الآن مطرب الإخوان، واهوه كله مصلحه، دي احدث أغاني شعبولا: يا مهاجم الإخوان… ها تروح من ربك فين ملقوش في الورد عيب….قالوا أحمر الخدين لو قلنا تضحيات محدش أدهم ……من سجن لاعتقالات ومصادرة لحقهملو قلنا تضحيات محدش أدهم … من سجن لاعتقالات ومصادرة لحقهم .. وأييييه في ناس بيخونوهم وخلاص ما فيش أمل … نسيت يا شعب مصر يوم موقعة الجمل .. وأيييييه إخوان ومناضلين يجي من 80 سنة … ولا عشان مسلمين يبقي أهاجمهم أنا ..وأيييييه بيقولوا منظمين والخبرة عندهم … لو فيكم حد فالح كان يعمل زيهم كان يعمل زيهم .. وأيييه." وتواردت الردود الساخرة والناقدة، فشاركت لفلي آنجل، بقولها: " هههه هتروح من ربك فين ؟؟ ليه هو استغفر الله يعني بيهاجم منزل؟ إيه زمن التقديس دا حتى أنت يا شعبولا." وكتبت رقية عسكر: "طيب ما تعمل إنت زيهم بس عندي شك أكيد انك لا تعرف حاجة عنهم …وإيييييه." وفي مجال الفن أيضا، ولكن من الخليج، تناولت صفحة "الصحافة السعودية" موضوع التحقيق مع ممثل "طاش ما طاش"، فكتب القائمون على الصفحة: "تحقق الجهات الأمنية في محافظة الإحساء، منذ الأسبوع الماضي، مع ممثل سعودي متهم في قضية أخلاقية طرفها الآخر حدث في ال 13 من العمر. وكان الممثل قد أُلقيَ القبض عليه متلبساً في موقع بجبل الشعبة في الإحساء. وأكد مصدر في شرطة المنطقة الشرقية صحة الواقعة، مشيراً إلى أن الفاعل تم القبض عليه بالجرم المشهود، وتم احتجازه على ذمة التحقيق، موضحاً أن التحقيقات الأولية تؤكد تورط الممثل في القضية. وعلمت أن هيئة الأمر بالمعروف والنهي عن المنكر في المحافظة اشتركت في ضبط الواقعة. والممثل لعب أدواراً متعددة في مسلسلات محلية وخليجية، أهمها دور مهم في المسلسل الشهير طاش ما طاش من خلال كركتر تميز به." وردا على هذه المشاركة، كتب عبد الرحمن العتيبي: "وتتوالى فضائح مدّعي الثقافة والفن .. من فندق ماريوت إلى قفار الإحساء." وفي مشاركة أخرى لحسن إبراهيم: "وبكره يطلع في حلقة تقطيع في الهيئة بعد ما طبقوه شر طبقه."
