أخوكم العازب / رفيق المجعشي قلت: ياعمناياابو الجميله أميمه جيت بناسبك.، نصنع علاقه حميمه. كنت انا اجاملٍه، والعكس بنته دميمه قال: ابشر ،ويغمز لي ،ويمسح شريمه بان غاضب قلت كيف صحتك ياعميمه اسمعي انتِ ياعمه اظنك فهيمه جيت انا اناسبه مسرع قلبني غريمه قال لي :البيت، قلت :باسكن معها بخيمه او مع الوالده، تقسم لنا نصف ديمه قلت: والمهر ،قال: البنت ماهي يتيمه قال :ابوها ،قلت :ايش فيه ؟ربي يديمه قال ابوها دفع حق الحليب والكريمه قال :والبنت، بنت الكريم الكريمه مهرها اثنين مليون، شرط عمله قديمه او ثلاثه بدون الأم وتعمل وليمه والفرح عشر ايام لازم انك تقيمه قلت هذا عرس وايش كان ذنب البهيمه ليش الإسراف والتبذير ياعم في مه؟ قال هذا قرار رسمي ،صدر في صميمه هذه اعرافنا،إرث الجدود القديمه صحت: يااهل العقول الراشده الحكيمه ارحموا عازب اتعذب يكابد جحيمه عذبته الظروف القاسية الأليمه حالتي ضائقه والوضع ربي عليمه واين عرف الزواج واين القلوب الرحيمه زوجوني، والا.. فالعواقب وخيمه جو ابسروا عمنا.. قد مزني مثل لي مه كيف صار الزواج في شرع الأباء جريمه ليش صار الغلا في المهر في الناس شيمه واصبح الدين والأخلاق من غير قيمه اوقفوا ضدهم شدوا الهمم والعزيمه بعدهم، بعدهم، يانصر، والا هزيمه.
