الفرينش توست وجبة مختلفة وجديدة للإفطار أعدّتها لكم: آية خالد هنقدم لك النهارده طريقة عمل الفرينش توست، وهو وجبة مميزة ومغذية ولذيذة للإفطار.. فرينش توست المقادير: 6 قطع توست مقطوعة الحواف 1 ملعقة صغيرة قرفة 2 ملعقة كبيرة زبدة ملعقة سكر بودرة 2 بيضة ذرّة ملح الطريقة: 1- سخّني الزبدة في طاسة متوسطة، واضربي البيضتين كويس أوي في طبق، وحطي عليه الملح، وبعد كده اغمسي التوست في البيض، وبعدين حطيه في الطاسة، وقلّبيه على كل جنب لمدة دقيقة أو دقيقتين بالكتير، لحد ما يستوي البيض. 2- كرري ده مع كل واحدة من التوست، ولما تطلعيها رشي عليها رشة قرفة، وسكر، وقدميها، وبالهنا والشفا. وبكده تكون خلصت وصفتنا النهارده.. استنونا مع وصفات جديدة كل يوم.. سلام..