طاقتنا راحت عا هزّ .... الخصر وعالرقص و"رابو" وموطنا بلا طاقة و نزّ .... كيف نحررلوا ترابو قصيدة " رثاء فينا " نحنا شعب ضاعت كرامتنا ........ والغرب شطّب عا حضارتنا من بعد ما كنّا شعب جبار ......... صرنا شعب نفخر برقصتنا كانت ب " ألبوم" الشرف يا جار... إلنا صُوَر عن عز وقفتنا واليوم ب "ألبوم" الغرب والعار .... صارت بهزة خصر صورتنا كنّا على خطوط الحقد والنار ....... نوقف تنحمي حدود دولتنا واليوم عم نهجم صغار كبار ....... عا مسرح الرقص بسخافتنا كانوا بزمان رجالنا الاحرار ...... ما يقبلوا تنداس عِزِتنا واليوم أصبح دنس لستعمار ...... الصورة الوحيدة عن ثقافتنا حتى تراث جدودنا الابرار ....... إل ضحوا تيبقى رمز عيشتنا صار التراث معلّق بزنّار ......... وملهى الرقص حافظ ع ورثتنا الغرب إل زحف إلنا بجيش جرار... سلاحو عجز يشطب ارادتنا لكن قِدِر بالحرب عالافكار ....... يشطب شرفنا وطهر أمتنا يا موطني شو صار لا تحتار .... تحرير أرضك كان غايتنا ومعلش لولا اختلفت الاقدار .... وتغيّرت خطة مهمتنا من الأسر حررنا خصور كثار .. وتحريرها استحوذ ع طاقتنا وتنحرر ترابك شو يلي صا ر ... الهمة إللي فينا عالرقص راحت واليوم متنا قبل ما متنا ِA.S.T