فى ذكرى انطلاقة حركة فتح : بقلمى : عصام احمد الباروده حره وفكرتها حره ونارها حمرة فيها الف جمره وجمره كان درج المكتب مليان ورق فيها حكاية شعبى اللى انحرق وفيها توقيع على القضيه واهل القضيه وعلى خديجه وبهيه وعلى خم الجاج اللى البيض لسه ما رفعتوش امى ولا سيدى وستى شاركوهم بعض من ناسى اللى بدهم يركبوا موجة الخضوع والخنوع والبيانات اللى انكتبت واللى حتنكتب وفى الحكايه حنلاقى ميت سبب وسبب للفكره اللى كانت رصاصه من هجرة اهلى ومن ارضى اللى عدونا ليها اغتصب ومن قتل روح تراثى وبارودتى اللى حملها السوابق حيلحق بيها اللواحق ليكملوا لوحة وطنى بالاحمر بالاسمر بالاخضر وبالابيض اللى عمره ما غبشه حومرة الاجنبيه اللى حطت حواجزها لتغوينى وتسرق نور عنيه يلا يا فتح لمى كلامك ولمى اوراقك لمى فلسطينية فكرتك واجمعى البارود من بواقى الحروب وحددى يومك يا جفرا عشان الوقت يدوب انتى لازم تجرى عشان عدوك بيجرى وبيبنى فوق كل جمجمه بلد وفوق كل بيت بيسكن ولد بكره رصيده من دمى ودمك ومن همى وهمك قومى يا فتح افتحى في الحيط فتحه وفى الفاموس همزه وكسره وفتحه للوطن ضمه وللعدو كسره وللنصر فتحه وللوطن نصر وللحكايه الف مصر ومصر وليكى يا فتح كل الامر مهو انتى اللى خليتى للوطن معنى ورديف لدحر القهر انتصرى لينا وبينا يا فتح يا تاريخ الشهيد اللى فيه بيفتخر انا وانت وهو العروبى والناصرى والشيوعى الغربى والشرقى انتى يا فتح معنى ثابت للانتصار وغروب الليل وبروز النهار عشتى بينا وعشنا بيكى يا ثورة العز والفخار اللى منك ياسر وخليل وصايل وخلف ومحمد وجميل وكل الاسامى جريس وبطرس وجورج وبتتحقق الامانى يا فتح يا ام الموانى والشواطئ وفهم السياسه اللى بتتفهم بعد كام سنه احنا وراكى .. قدامك .. باى مكان حتى بمكان اللى كتبه رب العباد بالجنه اللى تحت اقدامك