معارضة شعرية لقصيدة دقة وجع للشاعرة رحاب محمد الفرح لو غضبان قراط هشرى الوداد بالافدنه وافتحله جوه الضلمه باب يمكن عنيه تراف بنا كام ليل وقبله كام نهار وسنين كتير على كام سنه مين اللى قال يا حروف وعاد ع الفرح عاشق بعدنا ... دا الفرح عاشق للوداد واحنا القساوه ف بعضنا لو مره نطرد م النفوس داء المعاندة والأنا ونخطى ع الاوهام ندوس فوق القساوة بالمنى نقدر نخلى حروف سلام تعبر بحر المكلمه ونصلى باللى تاه امام يمكن عنيه تراف بنا مين اللى قال يا حروف وعاد ع الفرح عاشق بعدنا دا الفرح عاشق للوداد واحنا القساوه ف بعضنا ********************* سيد البالوي