غريب مابين الناس غريب لكن ف كل الناس تلاقيله قلوب تتمنى يتكلم وتتصور بتصويره وتنده حسه يسبقها صدى احساسه جواها ويبقى مش لاقى اللقمة وع السلطان بيتباهى وفارس رغم ما عمره ركب فرسه ولا قاتل وعاشق ينكوى بجمره قلوب عشاقه تتقاتل بيمشى الارض تتمنى ما يرفع قدمه لسواها ويشكر حتى لو نملة جلس لثوانى وياها رقيق احساسه ف الدنيا بنات افكاره توحيله عجائب جنة المأوى وف الفردوس قناديله مابين الناس غريب لكن ف كل الناس تلاقيله قلوب تتمنى يتكلم وتسمع بوح تراتيله ورغم القسوة والضلمة وايامه اللى ليه ظالمة تبص ف وشه يضحكلك وتسمع منه تتسلطن وتنسى الدنيا ومشكلك وتتمنى يقول اكتر ويحكيلك عن الاساطير وعن عنتر وعن عبلة وعن غصن الزتون بالليل وعن نار الهوى الكامدة وتخرج من زمان لزمان وترجع من زمن تالت ويحكيلك عن الاحلام وايامه اللى بيه مالت عشان رافض يكون انسان بشر عادى ف تفكيره عشان جوه الفؤاد بركان يصحى الموتى بنفيره مابين الناس غريب لكن ف كل الناس تلاقيله قلوب تتمنى يتكلم وتسمع بوح تراتيله بقلم سيد البالوي