يمرس : محتاره أكمل معاه ولا ..لأ؟

بيان عدن يشعل الجدل.. أخطاء قانونية وتورط سياسي في توقيت حساس تفاهم حوثي اخونجي شرعي لقتل الجنوبيين.. لماذا تصمت جبهات مأرب والساحل وتشتعل الضالع وشبوة؟ وثائق عرفية وقبلية من برط اليمن "39" غضب شعبي أمريكي وغربي مندد بالحرب ضد إيران ولبنان حين تخطئ الحسابات.. كيف تواجه إسرائيل نتائج تقديرها الخاطئ لحزب الله؟ تفانٍ مروري يستحق الشكر والتقدير الجيش الكويتي يعلن تعرض احدى معسكراته لهجوم معادي وسقوط ضحايا توزيع جعالة العيد ل 250 أسرة شهيد في مديريتي السدة والنادرة مدير مكتب الاقتصاد والصناعة والاستثمار بالحديدة:نعمل مع القطاع الخاص وفق شراكة حقيقية لتشجيع الانتاج المحلي شهدتها العاصمة صنعاء وعموم المحافظات وجسدت وحدة الموقف الشعبي في مواجهة العدوان الأمريكي الصهيوني..مسيرات مليونية واسعة إحياء ليوم الصمود الوطني اللجنة الرباعية: تقدم ضئيل لخفض تصعيد الحرب في الخليج حضور اليمن في معادلات المنطقة الذكرى ال11 ليوم الصمود الوطني مرض السرطان ( 5 ) وفاة 15 شخصاً وتضرر آلاف الأسر جراء الأمطار التي شهدتها تعز البنك المركزي يقر إجراءات لمعالجة شح السيولة وتعزيز استقرار العملة جمارك المهرة تعلن ضبط الجهاز رقم "16" لتعدين العملات الرقمية التميمي: بيان سلطة الأمر الواقع يستهدف المجلس الانتقالي ويستثني مكونات معادية للجنوب "سنعود".. مسرحية لنازحين ببيروت تجسد المقاومة الثقافية ضد اسرائيل مجلس الجامعة العربية يوافق على تعيين أمين عام جديد خلفا ل"أبو الغيط" إستجابةً لدعوة المجلس الانتقالي الجنوبي ، تنفيذية انتقالي لحج تدعو إلى احتشاد جماهيري واسع في عدن دفاعًا عن إرادة شعب الجنوب برشلونة ينتظر 143 الف يورو تعويضاً عن إصابة رافينيا الظواهر الصوتية في شعر محمود درويش قراءة بلاغية أسلوبية في تشكيل المعنى تقرير حكومي: وفاة 15 مواطنا وفقدان 9 آخرين جراء سيول الأمطار غربي تعز عدن.. نقل عريس إلى العناية المركزة بسبب منشط جنسي لجنة الطوارئ بتعز توجه بالتدخل العاجل لإغاثة المتضررين من السيول برنامج التواصل مع علماء اليمن ينظم ندوة بمناسبة الذكرى الحادية عشرة لعاصفة الحزم اتحاد كرة القدم ينفي تأجيل انطلاق الدوري اليمني المظلومة الأرصاد يؤكد استمرار فرص هطول أمطار متفرقة خلال الساعات القادمة صنعاء.. منزل مهجور في سنحان يودي بحياة ثلاثة أشخاص دراسة: الرياضة المبكرة تخفض مخاطر السكري بنسبة 30% قفزة في تكاليف الاقتراض الأوروبية بقيادة إيطاليا وفرنسا مدرب البرتغال يرد على اعتزال كريستيانو رونالدو مصر تبدأ إجراءات لترشيد استهلاك الطاقة وفاة شابين وامرأة بانهيار منزل في سنحان ( الأسماء) محمد صلاح يتلقى صدمة قوية من أندية أوروبا باب المندب.. واستراتيجية الامن القومي محافظ حضرموت: اوقفنا التوريد إلى عدن حتى الوصول إلى اتفاق حول حقوق المحافظة عاجل: الخنبشي ينسف رواية منحة السعودية لكهرباء عدن.. هل تُدار ثروات حضرموت خارج إرادة أبنائها؟ الزامل اليمني وملحمة النصر.. اتحاد كرة القدم ينظم دورة تنشيطية للحكام استعدادا للدوري اليمني وفاة معلق رياضي شهير في صنعاء أزمة وعي وسلوك سيول غرب تعز تتسبب في أضرار فادحة وتسجيل أكثر من عشرة ضحايا أحمد قعبور يغادر تاركاً إرثاً فنياً يخلّد القضية الفلسطينية الاتحاد الآسيوي يقر تأجيل مباراة المنتخب الوطني ونظيره اللبناني إلى مطلع يونيو المقبل صمود الإمارات يعكس قوة النموذج لا مجرد القدرات الدفاعية محمد صلاح يعلن رحيله عن ليفربول .. ما هي وجهة صلاح المقبلة؟ اللهم لا شماتة إشكالية الرواية والتدوين بين قداسة النص وإشكالات النقل البرلماني اليمني أحمد سيف حاشد يواجه المرض والحياة في الغربة وسط صمت رسمي مستمر البرلماني اليمني أحمد سيف حاشد يواجه المرض والحياة في الغربة وسط صمت رسمي مستمر العيد ولعبة الكراسي صنعاء : تعميم هام .. بشان صلاة العيد ..! رسمياً.. 3 دول تفاجئ العالم باعلان الخميس أول أيام عيد الفطر وزارة الأوقاف:الخميس متمم لشهر رمضان والجمعة أول ايام عيد الفطر شبوة.. عندما يبكي التاريخ في حضرة التقسيم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

محتاره أكمل معاه ولا ..لأ؟

بص وطل نشر في الجنوب ميديا يوم 17 - 05 - 2014

أنا طبيبه خطيبي مهندس الموضوع ابتدي وانا في الكليه كنت بكلمه ع النت وطول فتره كلامنا كان كلامي معاه بحدود لاعمري قولت كلمه غلط او سمحت انه يتقالي بس بعدين عرفت ان ده حرام ولا يجوز وساعتها انا قطعت كل الكلام وقولتله مش هينفع نفضل نتكلم فاعترفلي انه معجب بيا وباخلاقي وانه عايز يتقدملي قولتله مينفعش ومحدش عندي في البيت هيرضي فضل مصمم علي انه يقابلهم ويقنعهم كلمت ماما في الموضوع رفضت وقالت مينفعش وده مش تقاليدنا ومينفعش طريقه التعارف دي قولتلها طيب شوفوه واساله عليه وبراحتكم مش هعترض علي قراركم ماما وافقت وجاه الدور انها تفاتح بابا وتقنعه وكالمتوقع بابا رفض بشده مع الالحاح بابا وافق انه يقابله واخد منه العنوان ع اساس انه يروح يسال عليه وبعد المقابله بابا قال انه مش موافق ومش عايز حتي يروح يسال كلنا حاولنا نقنعه انه كويس وان يروح يسال عليه ويمكن يرتاح لاسرته واهله بابا كان مش عاجبه المنطقه اللي هو منها بس كلنا قلناله مش شرط ممكن يكون المكان بسيط او شعبي بس الناس كويسين ومحترمين ويعرفوا ربنا (هو من القاهره بس كان من اساسيات الاتفاق انه يشتري شقه في اسكندريه لاني مش هسيب اهلي وهو وافق ) بابا برضو رفض وقالي خلاص انسي الموضوع ده وحصل وقفلت الموضوع وقولتله ان مفيش نصيب انا كنت بصلي استخاره واكيد ده الخير لينا ومبقاش في بينا كلام الكلام ده كان في 2010 بعدها اتقدملي ناس تانين واتخطبت لواحد تاني كان مهندس بس كانت شخصيتنا مختلفه ومكنش في بينا تفاهم قعدنا سنتين بس في الاخر محصلش نصيب وانفصلنا طبعا كنت مضايقه لاحساسي بالفشل وعلي السنتين اللي ضاعوا من عمري
وكان ع طول بيحاول يكلمني ويبعتلي بس انا غيرت رقمي لاني لاديني ولا اخلاقي هتسمحلي استقبل رسايل من حد او حتي افكر فيه وانا علي ذمه شخص تاني وعرفت انه سافر السعوديه بعد ما عرف اني اتخطبت ومع ذلك فضل طول فتره السنتين كان بيسال عليا قرايبي واصحابي علي طول واول ما عرف اني سيبت خطيبي (وده كان شهر 10 /2013) قالهم انه نازل اجازه عيد الاضحي وانه عايز يتقدملي تاني وسابلي رساله ع الفيس واني اكلم بابا ان عايز يقابله تاني وساعتها حسيت انه بيحبني بجد وحصل وكلمنا بابا تاني وقولناله هو اكيد جاد والا مكنش هيبقي مصر بالشكل ده علي الارتباط مني وقابل بابا ولضيق الوقت لان كان فاضل اسبوع واجازته تخلص بابا بعت اخواتي سألوا عليه بالمنطقه بس مالحقش يروح يزورهم في البيت واتفقنا وكانت مامته بس في الاتفاق باباه متوفي والصراحه ما اعترضش علي حاجه في الاتفاق جبنا الشبكه وعملنا خطوبه عائليه في البيت وساعتها كانت اول مره اشوف اخواته هما اربع اولاد بس في واحد ماجاش لظروف شغله وانا كنت اعرف ان كلهم تعليم متوسط وان عندهم تاكسي شغالين عليه وواحد عنده محل ملابس وده كان شئ قالقني وكنت خايفه من اختلاف المستوي الاجتماعي بس مرضتش اظلمهم وقولت مش شرط ويمكن يكونوا كويسين وكان ميعاد سفره تاني يوم الخطوبه
يوم الخطوبه لاحظت ان فعلا اهله مختلفين عننا كمستوي تعليم واجتماعي قولت مش مهم وده شئ انا متوقعاه المهم يبقوا ناس طيبين ومحترمين وانا وهو متفاهمين ودماغنا متقاربه بس برضو لاحظت انهم مش متدينين اوي وزوجات اخواته بيهزروا معاه ومع اخواته التانين ومع قرايبهم بزياده وواخدين علي بعض بطريقه غريبه علينا يعني مرات اخوه بتهزر مع ابن عمه عادي بالايد وطبعا لانه سافر تاني يوم مكنش في فرصه اتكلم في حاجه او اتاكد من كلامي ده وسكت وقعد 6 شهور اثناء سفره مامته جات زارتنا وفي الكلام حكتلي علي حماة ابنها بتجيلهم كتير كل يوم وانهم مضايقين من كده وان ابنها مره طرد حماته قالها متدخليش في حياتي ومتجيش هنا تاني طبعا اتصدمت وماما اتصدمت واستنيته ينزل شهرالاجازه وحصل ونزل اخر 3 وموجود حاليا نزلنا دورنا علي شقه واشترينا شقه قريبه من ماما ومره نزلنا نتفسح انا وهو واخويا حسيت انه بيبص علي البنات ومعندوش غض البصر ويومها اضايقت بس قالولي عادي ان مرحله غض البصر مش اي حد بيوصلها ولازم حد ايمانه قوي جدا وده بسبب الفتن والمغريات اللي حولينا غصب عنه وان البنات بقيت ملفته زياده عن اللزوم
واللي حصل اننا سافرنا نحضر فرح اخوه انا وماما واخويا واتفاجئنا من اسلوب اخوه الكبير اللي كنت اول مره اشوفه وعدم ترحيبه بينا وطريقه معاملتهم مع بعض ولزوجه الابن انها هي وشقتها ملك للجميع وبيتها مفتوح مفيش استقلاليه غير وقت النوم وده طبعا لانهم بيت عيله واللي زاد ونزل علينا زي الصاعقه ان بعد ما الفرح ما خلص والعروسه طالعه واهلها طالعين يوصلوها مامته وقفت واعترضت ان ناس كتير طالعين ورا العروسه وقالتلهم بالنص "ماهي كانت عندكم بشحمها ولحمها حليت دلوقتي" وكل ده قدامنا وقالتلنا بنفسها انها خليت اخوه الكبير ينزل ع الباب ويقولهم مامتها واختها بس اللي يطلعوا
وبتحكي من غير ما تتحرج مننا وكأنها قاصده تعمل كده قدامنا وتوصلنا رساله ان ده هيكون مصيرنا احنا كمان كل ده بيحصل ويتحكي علي مسامع خطيبي وملقيتهوش اعترض او استنكر تصرفاتهم دي ورجعنا من هناك ماما عايزه تنهي الموضوع ولما حكينا لبابا وقرايبي المقربين كلهم خافوا وقالوا انهم ناس يقلقوا وهيتعبوني بعد الجواز وممكن يعملوا معايا نفس اللي حصل وميرضوش يخلوا اهلي يجولي كتير ويكرشوهم زي ما عملوا ولو هو هيسافر ويسيبني ممكن يجوا يقعدوا معايا او لو انا سافرت يجوا يقعدوا في شقتي من باب مبدأ الاستحلال ولو انا اعترضت هيقولولي ده بيت ابننا ولو مش عاجبك امشي
وفي رأي بيقول انهم عارفين ان انتي غيرهم وانتي دكتوره وهيبقي التعامل مختلف وهناك عشان بيت عيله لكن انا هبقي هنا في الاسكندريه هبقي بعيده عنهم بس ده شئ انا مش ضمناه وحاسه انهم هيتدخلوا في حياتنا لان مامته عندها من حب السيطره والتسلط اللي يخليها تعمل كده وهو بيحب مامته جدا ومعتقدش انه الشخصيه القويه اللي هيعرف يحافظ علي استقلاليه حياتنا ويوقف كل واحد عند حده ويقدر يحميني منهم هو كويس معايا ومش بيزعلني ودايما بيحاول يراضيني بس بحس فيه شئ من الغموض انه مش عايز يبان بطبيعته ومش بيدي ريأكشن علي اي موقف حصل من اسرته يمكن مش عايز ينتقضهم قدامنا او يمكن ده العادي اللي اتربي عليه ومتعود علي اسلوبهم وطريقتهم دي فالبنسبه له مفيش حاجه غريبه
في رأي ان الشقه تبقي باسمه وباسمي كضمان ان اعيش مستقره ومحدش يجي يعاملني او يعامل اهلي وحش ويطردوهم بس انا مش عايزه الموضوع يدخل في ماديات عشان ممكن يتفهم غلط واكيد مش هيوافق علي حاجه زي دي وطبعا ولامامته وحتي لو وافق خايفه ده برضو يكون مش ضمان كافي ورأي حضرتك ايه هل الارتباط من واحد اهله بيتعاملوا بالطريقه دي هينفع ويبقي زواج ناجح ومستقر ولا مش هينفع من الاساس ولو هنكمل يبقي ايه الضمانات ولا ايه المفروض يتعمل
صديقتى العزيزة
أحيي فيكى التزامك وتمسكك بالاخلاق الحميدة وشخصيتك واحترامك لذاتك ولعقلك
من المتعارف عليه أن الارتباط والزواج لا بد وأن يكون هناك التوافق الاجتماعي والفكري وكلما كان الزوجان من طبقات اجتماعية متقاربة كلما كان ذلك أدعى للتوافق ...لابد وأن يكون هناك ولو قدر بسيط من التكافؤ والتكافؤ المطلوب: هو أن تكون هذه الطباع والاختلافات في الحدود التي تستطيعين التعايش معها.
وهذا التواقف يتعلق بشخصيه كل من الشاب والفتاه.. فكلما كانا متقاربين فى طريقة التفكير ويمتلكون الشخصيه القويه لأتخاذ القرارات التى من شأنها ترسم وتحدد الحياه دون اى اختلاف كانت الحياه اكثر استقرارا فى المستقبل ولا يعنى ذلك ان الحياه تستمر بدون مشاكل ولكن سيكون هناك تعاون وايجابيه فى مواجهه هذه المشكلات
ضعى أيضا فى اعتبارك أن الحادثة التى ذكرتها فى رسالتك كانت مبرره نوعا ما من جانب أهل خطيبك ففى الأفراح المحليه وخاصا السكن العائلى يحدث هذا ويتقبل الناس هذا الأمر بشكل طبيعى
و هذا الأمر بالنسبه لخطيبك امر ليس بالغريب عليه ولكنه غريب بالنسبه لك ولعائلتك
ضعى فى اعتبارك أيضا أن حياتك ستكون بعيده عن عائله خطيبك ... انتى ستعيشين بمحافظة وهم بمحافظة أخرى
كما أن شخصيتك وطبيعتك ستجبر كل من حولك بالتعامل معك بالشكل الذى تريدية.
أختى الحبيبة أنا لا أقف فى صف خطيبك ولكن لو فكرتى قليلا ستجدى أنه لا يوجد ارتباط بدون مشاكل وعقبات تجعلنا نتردد فى قرراتنا؛ المهم هو الشخص نفسه هل حقا يستحق أن تتحملى هذا الفرق الاجتماعى من أجله
هل هذا الشخص هو من تتقبليه أباً لأبنائك ؟
هل سيساعدك على الترقى فى وظيفتك ويوفر لك الحياه الكريمة ؟
إذا كانت الاجابه بنعم فحاولى أن تتعايشى مع الأمر بالرغم من صعوبته عليكى ولكنه أمر يستحق العناء من أجله
أما إذا كان هناك تردد فى أى من تلك الاسئله فصارحية بمخاوفك وضعى حداً لهذه المخاوف.
فكفاكى حيره واسألى نفسك هل شخصيتك قويه بما يكفى وستستطيعى ان تتحملى هذا الفارق الاجتماعى والثقافى وتتعايشى معه ام لا ؟
نصيحتى لك ان لا تترددى فى التحدث معه عن مخاوفك نحو عائلته واجابته لك سوف توضح لك الكثير والكثير من الامور
ادعو الله ان يقدر لك الخير حيث كان ويرضيكى به ان شاء الله
بص وطل

انقر هنا لقراءة الخبر من مصدره.