* * * * السلام عليكم أنا ببعت ليكوا على طول ودايما الحمد لله بجد حل للمشكلة المرة ده بقى عندى مشكلة اتمنى انى أجد حل لها عندكوا المشكلة: انا مخطوبة بقالى سنة ونص هو بيحبنى وانا كمان بحبه بس فى الاول كنت بخرج مع صحابى مش كان بيزعل او يمكن ماكنش بيبين وبعد فترة اى خروجة لازم يكون فيها مشكلة اتاخرتى ليه وكده وممكن التأخير يكون 5 دقايق عن المعاد اللى اتفقنا عليه وبردوة يحصل مشكة ونتخاصم ونتعاتب ونتصالح وترجع تتكرر تانى حتى لو خارجة مع ماما واخواتى ساعات بتأخر بنكون بنزور اختى او فى فرح احد الاقارب بتبقى مشكلة كبيرة ويقعد يقولى وانا استناكى ليه ساعتين عقبال لما ترجعى ونتخانق لدرجة انى بتابع مع دكتورة اسنان كنت بحشى درسى وده بياخد وقت فبتاخر بردوه نتخانق انا طلبت منه انى لما اكون مع ماما واخواتى او عند الدكتور نعدى اليوم علشان ده حاجة بتكون غصب عنى ووصلت فى الاخر انى على طول بكون عايزة اقعد فى البيت علشان اريح دماغى من الخناق ومش بخرج بس الا للضرورى القصوى انا حاسة ان ده تنازل منى والمفروض هو يكون مبسوط ان بعمل كده وانى لما اخرج معاهم فى البيت يقدر بقى بس للاسف مش بيقدر انا بحس انه انانى فى ده عايزنى اكون لييه لوحده وبيقول هو مش بيكون مطمن غير وانا معاه وكده انا بقى تعبت انا بشتغل فى معمل تحاليل (اخصائى تحاليل) وفى الفترة الاخيرة اتعرض عليا انى اعمل معمل مع احد الاصدقاء والفكرة عجبتنى لان خطيبى مش بيحب انى اشتغل كل يوم او اتأخر فانا من وجهة نظرى ان الشغل الخاص هيريحنى فالمواعيد وكده واتكلمنا مع بعض وهو قال مش بحب انه يكون فيه شركاء وكده انا اتكلمت معاه وقلنا ان كل حاجة ليها مميزاتها وعيوبها وانى انا بكده بعمل الحاجة اللى هو بيحبها وهى( انى اشتغل فى مكان خاص بيا لا مدير ولا كده وثانيا انى لما احب اقعد فى البيت لظروف ولادة او سفر فى مستقبل )مش هخسر حاجة لان باقى الشركاء هيديروا المكان ولما احب ارجع للشغل ارجع براحتى وده احسن ليا من الشغل فى شركات تانية .هو بقى مشكلته مش قابل فكرة انه يكون ليا شركاء رجال وبيقول ان ده حاجة كرامته مش سامحة بيها وانا الصراحة مش فاهمة لييييه اللى بينا شغل ودول دكاترة محترمين وكده الموضوع ده بينى وبينه وعامل مشكله نفسية ليه جامدة ومخليه مش بقى مبسوط معايا بالرغم انه بيحبنى وانا من وجهة نظرى شايفه ان ده احسن ليا فى المستقبل وانى عملت ده علشان ارضيه بابا وماما موافقين على الشركة ومدعمنى جدا وباباه ومامته كمان موافقين ومحستش منهم اى اعتراض انا تعبت وحاسه انى مش عارفه ارضيه وخايف اسيب الشراكة وتفضل المشكله الاساسيه(الغيرة الكبيرة اوى اللى بدأت اتخنق منها واحس انى فى سجن ) ولما اقوله لازم يكون فى ثقة يقولى ملهاش علاقة انا تعبانة اوووى مش افكر للمستقبل وخصوصا انى تعاملى مع اى راجل مش هينتهى بحكم وجودى فى اى عمل اى ان كان ياريت تقولولى على الحل علشان تعبت اوووى اسفة طولت عليكم بس بجد انا تعبانه اوى نفسى حد يفهمنى صديقتنا العزيزة الغيرة مطلوبه أحياناً ولكن ليست بالشكل المرضى الذى يجعل الطرف الآخر يشعر بعدم الثقة .. أختى الحبيبة يجب أن يفهم أن لكى شخصيتك ولك أحلامك التى تسعى إلى تحقيقها وأن بغيرته الغير مبرره تلك سوف تخسرين أحلامك وطموحاتك .يجب أن يفهم أن لك حقوق وانك تتنازلين كثيرًا من أجل ارضاءه وبالرغم من هذا هو دائما ينتقدك ويشعرك دائما بالتقصير. يجب أن تتحدثى معه بهدوء وتقنعيه بأن التعامل مع الجنس الآخر سيحدث سواء برغبتك أو رغمًا عنك.. يجب أن يمدك بالثقة ويشجعك على النجاح فى عملك ولا يلغى شخصيتك ويدفنها بغيرته إلى الأبد ، وطالما أن عائلتك وعائلته لا يجدون مانع لعملك المستقل دعيهم يساندوك فى هذا الأمر .. ويحاولوا أن يتحدثوا معه ويقنعوه بأن الغيره المفرطة تنهى الحب وأن لك حياتك واحلامك المشروعه التى من واجبه عليك أن يسانك ويساعدك فى تحقيقها. لا تتخلى أختى الحبيبة عن شخصيتك وأحلامك ، ولا تقومى بدفن احلامك وحياتك بسبب الغيره . وإن شاء الله تنتهى هذه المشكله تدريجيا قريبًا . مواضيع متعلقة بص وطل
