أصبح برشلونة على بعد 90 دقيقة من التأهل لدور الثمانية بدوري أبطال أوروبا ،بعد فوزه الغالي على مانشستر سيتي في عقر داره خلال المواجهة التي جمعت الفريقين مساء الثلاثاء في ذهاب دور الستة عشر للبطولة . أحرز ليونيل ميسي الهدف الاول من ضربة جزاء مشكوك في صحتها ستثير الكثير من الجدل (ق54) ،وعزز داني الفيس الفوز بهدف ثان (ق 90) ، لتصبح مباراة العودة المقرر إقامتها يوم 12 مارس بالكامب نو محسومة عمليا، ما لم تحدث المعجزة. الهدف الاول الهدف الثاني مواضيع متعلقة 1. S فبراير 8th, 2011 هل ممكن تفيدونا بمواضيع عن الاطاله , يعني الي عايز يطول واتجاوز سن ال18 , بتمارين او اعشاب او ادويه اي حاجه 2. soso_hanem22 فبراير 7th, 2011 لو سمحت يا دكتور انا وزني 94 كيلو وعمري 27 سنة وهتجوز كمان سنة ان شاء الله بس مش بنزل كتير ولا بعمل رياضة وطولي 169سم بس انا نفسيا تعبانة ومحتاجة اخس وممكن استعمل حبوب تخسيس ولا لاء واسمها ايه اتمنى تفيدني جدا لاني مخنوقة بجد ============== رد بص وطل: الأفضل إنك تستشيري دكتور متخصص لعمل التحاليل اللازمة ومعرفة سبب زيادة وزنك، حتى يتمكن من إعطاؤك الريجيم المناسب وطبعا ممارسة التمارين الرياضية مهمة جدا، وضرورية حتى لو بدأتي بممارسة رياضة المشي لمدة 30 دقيقة يومياً، وممكن تبدئي معانا بالريجيم اللي موجود على بص وطل. 3. mostafa_saud13 فبراير 7th, 2011 انا بقى اتخن واحد هنا ومش عايز اخلى حد يفقد الامل منى بس انا مشيت مع دكتور مرتين واقعد واسيب وكان بيجيب نتيجة بس الامتحانات ونزلت جيم فى الاجازة 4 مرات واسيب وكنت بخس بس سيبته عشان المدارس والدروس قولوا لى بالله عليكم اعمل ايه مع العلم انى طولى 182 ووزنى 138 بس أنا عشان طول بعرض مش باين عليا التخن اوى وناس كتير زمايل بيقولوا إنت لو لعبت حديد هتبقى دبابة قولوا لى اعمل ايه؟؟ ============= رد بص وطل: الحل إنك تواظب على ريجيم صحي متوازن تحت إشراف دكتور متخصص علشان يقدر يغير لك الريجيم كل فترة، وكمان يقدر يوصف لك الدواء المناسب لك وكمان ممارسة الرياضة مهمة جدا. 4. سوسوبنو فبراير 5th, 2011 السلام عليكم.. انا وزنى 100 كيلو وطولى 173 وعملت ريجيم قبل كده مرتين ومكملتهوش لانى بحس انى جعانه وعايزة اكل كتير ومضيقة من نفسى اوى وخصوصا ان فرحي قرب. ========= رد بص وطل: ممكن تاخدي سلطة أو خضروات طازجة بين الوجبات علشان تقللي من إحساسك بالجوع. 5. barbi$e فبراير 5th, 2011 انا اولا بشكر الموقع ده لأنه بجد بيقدم حاجات مفيدة اوى انا فى ثانوية عامة وجسمى مش متظبط خالص وعملت رجيمات بس كنت بفشل فيها عشان مكنتش بستمر بس انا دلوقتى عاملة ريجيم وملتزمة فيه وكرشى دى اكبر مشكلة فى جسمى ومش عارفة انزله ازاى حتى لو عملت جيم ورياضة انا حولت قبل كدة بس مفيش فايدة وبحس انه بيكبر اكتر من الاول، وعندى مشكلة كمان ان وشى مليان وانا كنت عاوزة دواء للريجيم يساعدنى جنب الريجيم اللى انا عملاه وعلى فكرة انا عندى مرض السكر. =========== رد بص وطل: صديقتنا العزيزة.. لازم تستشير دكتور تغذية متخصص علشان يديكي ريجيم متوازن مناسب والدواء المناسب مع حالتك الصحية مع الرجوع للدكتور المتابع لحالتك. 6. منة المصري فبراير 3rd, 2011 اولا بشكر فريق بص وطل على المجهود المؤثر ده فى كل الأقسام ثانيا انا وزنى 76 وطولى 172 الريجيم ده ممكن يمشى معايا ولا فيه طرق تانية ممكن تكون عملية أكتر ومؤثرة بالنسبة ليا مع العلم انى عندى 20 سنة. ============ رد بص وطل: ممكن تتابعي معانا الريجيم ده لأنه ريجيم صحي ومتوازن، وطبعا مع ممارسة التمارين الرياضية. 7. زيزى يناير 27th, 2011 انا طولى 170 ووزنى 88 انا بعمل ريجيم وشى بيخس اوووووووووووى انا جسمى رفيع من فوق ومليانه من تحت انا عاوزة رجيم للجسم المليان من تحت. =========== رد بص وطل: لازم تهتمي أثناء الريجيم بتناول الفاكهة وشرب الماء بكثرة علشان تحافظي على نضارة وشك ومايبانش عليه آثار تعب أو إرهاق، لكن مفيش ريجيم لمناطق معينة في الجسم لأن الجسم بينزل كله مع بعضه، أما بالنسبة للسمنة الموضعية فالحل هو ممارسة اتلمارين الرياضية. 8. مريومه يناير 27th, 2011 أنا بعمل ريجيم وشى بيخس اوووووى وانا جسمى من فوق رفيع ومليانه من تحت وعاوزة نظام ريجيم للجسم المليان من تحت. =========== رد بص وطل: لازم تهتمي أثناء الريجيم بتناول الفاكهة وشرب الماء بكثرة، لكن مفيش ريجيم لمناطق معينة في الجسم لأن الجسم بينزل كله مع بعضه، أما بالنسبة للسمنة الموضعية فالحل هو ممارسة اتلمارين الرياضية. 9. mshmsh يناير 27th, 2011 هاى بجد موقع رائع انا بحبه جدا دكتور بجد ربنا يبارك فيك انا كنت بسأل ممكن زبادى بالفاكهة لان انا مش بحب الزبادى سادة. =========== رد بص وطل: ممكن تجيبي زبادي بالفاكهة منزوع الدسم. 10. زائر يناير 27th, 2011 ميرسى يادكتور على الدايت وفى انتظار الاسبوع الثانى 11. الحووووور يناير 27th, 2011 السلام عليكم ورحمه الله وبركاته.. بجد شكرا على الاهتمام الدائم والرد السريع على اي أسئله.. جزاكم الله خيرا انا مشكلتي نحافه.. ورحت لدكاتره كتير وعملت كل التحاليل والحمد لله كلها تمام جدا.. وبالنسبه للحاله النفسيه برضه تمام الحمد لله.. انا وزني 45 ثابت دائما عمره ما بيزيد عن كده.. وطولي 165.. بأكل كل حاجه وبأكل كتير.. لكن مافيش فايده.. مافيش اي زيادات... والمشكله اللي مضايقاني اكتر النحافه الشديده في منطقه الصدر... ياريت تفيدني في مشكله ...ولو فيه اي نوع من الاكل بيزيد الدهون في المناطق الحساسه دي ولا لأ ============== رد بص وطل: الصديقة العزيزة.. زي ما قلنا قبل كده إن علاج النحافة بيحتاج لوقت طويل شوية، وبما إنك الحمد لله مش بتعاني من أي مشاكل عضوية أو نفسية يبقى الحل إنك تتابعي نظام غذائي مع دكتور متخصص علشان يديكي النظام المناسب ليكي، ولازم تعرفي إن الحل مش بالأكل الكتير لكن كل ما كانت الوجبات صغيرة لكن بتحتوي على سعرات حرارية عالية كل ما كان أفضل، وكمان ممارسة التمارين الرياضية حاجة مهمة جدا. 12. علي فرحات يناير 27th, 2011 أنا بشكر موقع بص وطل على المعلومات العامة أولا وعلى الموضوع ده بالذات خاصة انا وضعي مختلف انا طالب اقضي معظم الأحيان جالسا لذلك تكون بطن عندي، واعاني منها لانها تحرمني من لبس كثير من ملابس كم تسبب لي الخمول والصعوبة في عمل الحركات التقليدية ارجو الافاده وشكرا. =========== رد بص وطل: الحل هو اتباع نظام غذائي صحي مع ممارسة التمارين الرياضية حتى ولو كانت رياضة المشي. 13. هبه يناير 26th, 2011 انا وزنى 62 وطولى 164 عندى 26 سنه مليئه من عند البطن والفخذين جدا ومش بلعب رياضه ولا بعرف مش عارفه اعمل ايه ممكن الحل. ========= رد بص وطل: الصديقة العزيزة.. زي ما بنقول دايما إن الحل هو تنظيم العادات الغذائية اليومية وخاصة إن وزنك مش زايد عن الحدود الصحية، يعني مع شوية التزام بالقواعد الصحية في الأكل، هتقدري تحافظي على وزنك، أما بقى بالنسبة للرياضة فدي حاجة أساسية علشان تحافظي على وزنك وتظبطي شكل جسمك وتعالجي مشكلة السمنة الموضعية، وممكن تروحي لنادي رياضي وهناك فيه مدربين رياضيين متخصصين هيساعدوكي في التمرينات المناسبة ليكي. 14. زائر يناير 25th, 2011 الريجيم ده ينفع مع الرضاعة. ======== رد بص وطل: ممكن تعملي الريجيم ده مع إضافة بعض الزيوت، ولبن خالى الدسم، وخضراوات ورقية، وفاكهة، وسوائل كثير. 15. زائر يناير 25th, 2011 أنا خسيت جداً بس الغدة الدرقية عندي بقت بطيئة وزدت حوالي 10 كيلو، فيه أدوية ممكن أخذها تساعد جسمي إنه يحرق علشان الدكتور بتاع الغدة مش عايز يزود جرعة الدواء علشان الغدة ماتبقاش كسلانة؟ =========== رد بص وطل: لازم تستشير دكتور تغذية متخصص علشان يقدر يديكي الأدوية المناسبة بعد عمل بعض غدد متخصص علشان يوصف لك الأدوية المناسبة مع الأدوية اللي بتاخديها ولازم ترجعي في الأول لدكتور الغدد المتابع لحالتك. 16. ahmed يناير 24th, 2011 أولا الف شكر لكل هذه المحاولات الرائعة, دايما افكار متجددة وتطبيقات مفيده انا قررت ان شاء الله اتبع النظام ده ولكن عندي كام سؤال: 1- هل بعد 4 اسابيع ستقدموا نظام التثبيت ام ماذا نفعل وقتها؟؟ التثبيت هو مشكلتي الدائمة في كل رجيم اعمله 2- هل معني التعود علي النظام الصحي في الاكل اني مش اكل الي نفسي فيه؟ يعني مش اعرف اكل في مطعم مشهور مثلا او حلويات بتتخن او اكلة دسمة من المشهورين ولا بيبقي ايه الحل؟ 3- وقت الغدا عندي بيبقي غالبا في الشغل فهل في بدائل لو مش عرفت اوفر الوجبة زي المكتوبة بالظبط؟ 4-من تجارب سابقة انا متأكد ان كمية الاكل دي مش هاعرف استحملها وهابقي جعان جدا طول اليوم فممكن اكل ايه زيادة علي الوجبة او بين الوجبات؟ انا 27 سنة وطولي 177 ووزني حاليا 100 كيلو.. وألف شكر. =========== رد بص وطل: الصديق العزيز.. أولا بالنسبة لنظام التثبيت فده ممكن تعمله تحت إشراف دكتور أو تعمله مع نفسك والفكرة كلها في التثبيت إنك تحصل على سعرات توازي المجهود المبذول يوميا وان تراقب ما تأكله بعد التوقف عن الريجيم ومن المفترض إنك خلال فترة الريجيم تتعلم طريقة الأكل الصح وتعود نفسك عليها ويبقى ده اسلوب حياتك على طول، وصحيح مش معقول إنك هتعيش طول حياتك تعمل ريجيم أو تتابع مع دكتور، وعلشان تعمل تثبيت لوزنك ففيه أكثر من شكل للتثبيت إما إنك تقلل كميات اكلك يعنى تاكل كل حاجة لكن بكميات اقل مع الرياضة اليومية المتاحة، والطريقة التانية إنك تعمل توازن يعني لو يوم خرجت مع صحابك وهتاخد راحتك فى الاكل اليوم اللى بعده تمشى على الريجيم، ولو لخبط فى الاكل يومين اليومين اللى بعدهم اعمل ريجيم وهكذا. واهم حاجة إنك توزن نفسك على الاقل مرة كل اسبوعين علشان لو لقيت نفسك وزنك زاد تقلل فى الوجبات الحرة خلال الاسبوع يعني لو محدد ثلاث وجبات فى الاسبوع قللهم لوجبه واحده او اتنين ولو بدأت تاكلِ قطعتين شيكولاته فى اليوم خليهم قطعه واحده كل يومين وهكذا، ولو لقيت نفسك نازل على الميزان ممكن تزود شوية الحاجات اللي بتحبها ولكن بحدود، والمهم هو مراقبة الوزن عشان ممكن الكيلو يجر كيلو ومن غير ماتشعر هاترجع اللى نقصته بسرعه لابد ان ناخذ فى الاعتبار ان التثبيت بيختلف من شخص لآخر حسب طبيعه النشاط وكمان طبيعه الحالة المزاجيه. أما بالنسبة لمشكلة الشغل فزي ما قلنا إنت ممكن تبدل الوجبات يعني تاخد وجبة العشاء في الشغل وتخلي وجبة الغذاء بعد ما تروح البيت، وممكن لو شعرت بالجوع تاكل خضراوات طازجة زي الخس والخيار علشان تشعر بالشبع. 17. fatma يناير 24th, 2011 انا وزنى 67 وبحاول احافظ عليه بس عايزه اسال على شاى الريجيم ايه رايكم فيه وهل فعلا بيقلل من الوزن ولا لا لانى بحب الشاى وعايزه اعرف لو ممكن ابدله بشاى ريجيم وشكرا. ============ رد بص وطل: ممكن تشربي الشاي العادي مع الريجيم بس من غير سكر أو تستخدمي سكر دايت، بس خلي بالك إن شرب الشاى اثناء الاكل او بعده بساعتين يقلل من امتصاص الحديد الموجود فى الاكل مما قد يؤدى لحدوث انيميا. 18. ميما يناير 24th, 2011 السلام عليكم.. قبل اى حاجة انا بشكر العاملين فى فريق بص وطل وعلى المعلومات المفيدة اللي بنعرفها منكم انا وزنى 165 ووزنى 77 وحاسة نفسى فشلة ومش طايقة نفسى عاوزة اخس 9 كيلو فى شهرين ونفسى اتابع على نظام حلو مايمنعنيش من حاجة بس اقلل الكميات ممكن تفيدونى. ============ رد بص وطل: ممكن تتابعي معانا الريجيم ده وده هنكمله أسبوعيا لمدة 4 أسابيع. 19. لولو يناير 24th, 2011 أنا عندي 13 سنة ووزني حاجة وخمسين أو ستين ونفسي اخس بس مش هقدر اوفر السمك والفراخ ممكن تقولوا لي بديل ليهم أنا باكل شيبسي وبشرب بيبسي كتير. ========== رد بص وطل: الصديقة العزيزة.. الأفضل إنك تستشيري دكتور متخصص علشان يقدر يديكي ريجيم متوازن يقدر يوازن فيه نقص السمك والفراخ، وطبعا لازم تقللي تدريجيا من تناول الشيبسي والبيبسي وتستبدليهم بالأكلات الصحية زي الفاكهة والخضراوات الطازجة. 20. 12334549979 يناير 24th, 2011 ياريت تفيدوني.. ما هي المدة اللازمة لعلاج النحافة يعني شهر.. شهرين 6 شهور.. سنة وهل ممارسة التمارين الرياضية في صالات الالعاب الرياضية يساعد في علاج النحافة..ارجو الرد. =============== رد بص وطل: علاج النحافة بيحتاج لوقت طويل ومواظبة على العلاج، وكمان موضوع المدة ده بيرجع لطبيعة كل جسم واستجابته للنظام الغذائي. 21. hailai يناير 24th, 2011 hiiiiiiiiiiiiiiiiiiiiii 22. peter wanees يناير 24th, 2011 ميرسي جدا على اهتمامكم بالقراء بتوعكم وانا اولهم وتوفير انظمة مطلوبة ونصايح بجد جميلة جدا انا من متابع الباب ده من سنه واكتر ممكن من اول ما ابتديت الريجيم بتاعى.. انا سنى 26 سنه وكان وزنى 130 كيلو وطولى 174 سم وكنت بعانى من التخن مع انى كنت خفيف الحركه مش بحب القعدة وحركتى كتيرة، ولما سافرت السعوديه لقيت نفسي هتخن اكتر الحركه قليلة والاكل كتير وكله نشويات ويا استسلم يا اقف واعمل حاجة، وفعلا بديت تمارين لوحدى فى البيت مع تخفيف الاكل مش ريجيم مقدرتش عليه بصراحة لانى كنت بحب الاكل مصدر ترفيهي الوحيد فى الوقت ده، وبعدين بقيت اجرى فى الشارع مع اشتراكى فى الجيم بس مكنتش قادر العب مع الناس خصوصا وانى مدخن كمان فسمنه وتدخين كانوا صعبين جدا, بقيت امشي مشي سريع واجرى لوحدى فى الشارع ساعة ونص يوميا مع قلة الاكل لحد ما خفيت من وزنى حوالى 15 كيلو فى شهرين او تلاته عجبنى الموضوع اوى بعد كدة ابتديت ارجع الجيم تانى وانتظمت حوالى 5 شهور نزلت فيها فوق ال 20 كيلو او اكتر لحد ما وصلت 85 كيلو بعد 10 شهور من الريجيم كنت نزلت 45 كيلو والناس ابتدت تستغرب شكلى بعد كدة غيرت محل اقامتى وروحت صالة رياضة افضل وفيها متخصصين نزلت فيها 15 كيلو تانى لحد ما وصلت 70 كيلو ورجعت مصر اجازة ولا واحد من اهلى عرفنى حتى امى طبعا تغيير كامل فى الهيئه واللبس بس بقيت مستمتع وانا بلبس وبمشي وممكن اجرى زى ما انا عايز والعب كورة وبحمد ربنا وبشكره على كدة اوى.. ودلوقتى زدت 5 كيلو بقيت 75 وواقف على الوزن ده بقالى ممكن 5 شهور مش بزيد ولا بنقص مع العلم انى باكل بردة لسة اكل قليل بس عندى حالة من الرعب انى ازيد تانى فى الوزن مش عايز ارجع زى الاول ولما بشوف صورى القديمة بتضايق جدا وممكن لو عايزين صور ليا قبل وبعد انا ممكن ابعت.. بس نصيحة لاى حد بيعمل ريجيم بجد ميستغناش عن الرياضة ولو على الاقل كلمة قريتها هنا فى بص وطل المشى بخطوة سريعة لمدة 40 دقيقة فى اليوم دى اللى بديت بيها ريجيمى والموضوع مش صعب اوى بس اخد موقف وميأسش انا كنت بقعد اسابيع ماكلش حاجة والعب رياضة ووزنى ولا جرام بينزل بس كنت بستحمل لان بجد فرق كبير والموضوع يستاهل بس نفسي افضل كدة على طول وخصوصا ان جسمي من النوع اللى بيتأثر بوجبة واحدة بتبان عليّ لكن الرياضة اللى بلعبها لحد النهاردة هى اللى مطمنانى شوية... يارب تكون قصتى دى تشجع اى حد يقراها لو اتنشرت واتمنى للجميع الصحة وراحة البال.. شكرا،،، ============= رد بص وطل: صديقنا العزيز.. بنشكرك بجد على رسالتك الجميلة دي ونتمنى إنك تحافظ على وزنك دايما وإنك تكون مثل وقدوة لكتير من الناس اللي بتحلم تقلل وزنها لكن بتيأس بسرعة. 23. deeema يناير 24th, 2011 أنا وزني 73 كيلو وطولي 165 نفسي أخس بس حوالي 5 كيلو ممكن أمشي على الريجيم ده لمدة شهر يقدر ينزل لي الوزن الزايد وبعد كده ابطل وأكل عادى متخنش تانى أنا اصلا مش باكل كتير بس أنا زدت بس بعد الولادة وعندي بطن صغيرة أنا برضع طبيعي وأنا والدة من 9 شهور نفسي البطن دي تنزل شكرا. ========== رد بص وطل: الصديقة العزيزة.. ممكن تمشي على الريجيم ده مع إضافة الزيوت، لبن خالى الدسم، خضراوات ورقية، فاكهة، مع الإكثار من السوائل، وفيه حاجة كمان لازم تاخدي بالك منها وهي إن الريجيم مش مجرد حاجة وقتية، لكن لازم الريجيم يكون فترة تعود على العادات الغذاية الصحية والسليمة ولازم بعد الريجيم تمشي على نظام تثبيت علشان وزنك مايرجعش مرة تانية، وبالنسبة لمشكلة البطن فدي حلها اتباع الريجيم مع ممارسة بعض التمارين الرياضية. 24. مصري وبس يناير 24th, 2011 كل اللى بيتكلم انه ما بيخسش بيكون بياكل 4 كيلو مكرونة و4 كيلو ارز ولما بيجي يعمل ريجيم بيقلل كيلو ارز او كيلو مكرونة فقط ومفيش التزام بالريجيم وده رد الي الاخت اللي بتقول مفيش فايدة. 25. زائر يناير 24th, 2011 شكرا على النظام الجميل ده وكان نفسي اتابع معاكم وان شاء الله هبدأ معاكم وتشجعوني يارب المره دي اجيب نتيجة علشان مشكلتي اني بجد معنديش إرادة. 26. shimos يناير 23rd, 2011 طب أنا بعاني من النحافة وكان نفسي تعملوا نظام غذائي لعلاج النحافة عموما انا عندي 20 سنة وزني 50 وطولي 168 وكان نفسي اتخن شوية بليزززززز تعملوا نظام غذائي لعلاج النحافة. ========= رد بص وطل: الصديقة العزيزة، احنا قدمنا عددين الأسابيع اللي فاتت بنتكلم فيها عن أسباب النحافة وطرق علاجها، وعامة إنتي لازم تعملي بعض التحاليل زي علشان تعرفي إذا كان فيه أسباب عضوية للنحافة دي، وتعالجيها، ولو مفيش اي أسباب عضوية يبقى لازم تتابعي نظام غذائي صحي تحت إشراف دكتور متخصص، وحاولي تكثري من تناول الأكلات اللي فيها سعرات حرارية عالية زي العسل والحلاوة. 27. nyroza يناير 23rd, 2011 مفيش فايدة أنا بقالي 4 سنين بعمل ريجيم لحد ما قربت أكرهه واكره نفسى ودنيتى ومفيش فايدة أنا عندي مشكلة نفسية بسبب الريجيم أرجو المساعدة. ========== رد بص وطل: الصديقة العزيزة.. ساعات كتير بنفتكر إننا ماشين على الريجيم صح وده بيكون مش حقيقي، يعني ممكن إنتي تكوني مش منتظمة أو مواظبة على الريجيم بشكل جيد، أو إن الريجيم اللي إنتي ماشية عليه يكون مش مناسب معاكي ومع طبيعة جسمك، علشان كده لازم قبل ما تمشي على ريجيم معين إنك تستشيري دكتور متخصص علشان يقدر يحدد سبب السمنة اللي بتعاني منها ويديك النظام الغذائي المناسب ليكي، وكمان لازم تغيري نظام الريجيم كل فترة علشان الجسم بعد فترة بيبدأ يقاوم الريجيم اللي اتعود عليه.. فحاولي إنك تتعاملي مع الموضوع بشكل أهدى من كده علشان مايأثرش على نفسيتك لأن الحالة النفسية كمان بتأثر على الوزن بشكل كبير. 28. منى يناير 23rd, 2011 هاي بص وطل أنا بحبك قوى بس انا عندي مشكلة انا لسه والده وولدت قيصرى وطفلى بيرضع صناعى ومشكلتى ان كل ده مش مساعدنى اخس ووزنى كتير قوى وبدأت اتعب منه نفسيا وجسمانيا وعايزة اخس بس مش بقدر امشى على نظام غذائى كتير عاوزه حاجه سريعه ومش متعبه وكمان عاوزه اعرف حبوب التخسيس كويسة ولا مضره زى مثلا حبوب الشاى الاخضر ميرسى حبيبتى. ============= رد بص وطل: الصديقة العزيزة.. أولا حمد لله على سلامتك وتمنياتنا لكي بالصحة والعافية، أما بالنسبة لسؤالك التاني فإنتي لازم تستشيري دكتور متخصص علشان يكشف عليكي وتقومي بعمل بعض التحاليل علشان يقدر يوصف لك النظام الغذائي المناسب ليكي. 29. israadel يناير 23rd, 2011 نظام حلو جدا، بس النظام ده يفقد كام كيلو فى الأسبوع. ============= رد بص وطل: الموضوع ده بيختلف من شخص لآخر لأن طبيعة الجسم بتختلف وعامة اي نظام غذائي صحي مش لازم ينزل الوزن اكتر من 4 الى 6 كيلو في الشهر. 30. محمد بن حسين يناير 23rd, 2011 ان شاء الله هابدأ النظام ده من بكره انا زايد 8 كيلو وعايز اخس ادعوا لى. 31. زائر يناير 23rd, 2011 طب ليا سؤال لو أنا بشتغل وبروح شغلي من 8:30 لحد 5:30 في الشغل في فترة الشغل دي ممكن انظمها إزاي؟ يعني الفطار لو 9 الصبح أكيد هحتاج أكل تاني لحد 5:30 دي أنظمها إزاي؟ =========== رد بص وطل: الصديق العزيز.. إنت مثلا لو أخدت الفطار الساعة 8 ممكن تاخد وجبة الغذاء الساعة 1 أو 2 ووجبة العشاء تكون على الساعة 6 أو 7 بالكتير. 32. rose-flower يناير 23rd, 2011 هو رجيم حلو والله بس يعني هيخسس كام كيلو في الاسبوع؟؟؟؟؟؟ ============ رد بص وطل: أي ريجيم صحي بينزل الجسم من 4 : 6 كيلو في الشهر. 33. mai_mohamed_mylove يناير 23rd, 2011 من فضلك عايزة ريجيم خاص بفترة الرضاعة لأني بعمل أي نظام غذائي بحس إني دايما جعانة فباكل وببوظ النظام ارجو الرد. ========== رد بص وطل: الريجيم أثناء الرضاعة لابد أن يكون نظام غذائى متوازن يعني ينزل بالكثير 4 كيلو فى الشهر، مع إضافة بعض الزيوت، ولبن خالى الدسم، وخضروات ورقية، وفاكهة، وسوائل كثير. 34. harameya_r يناير 23rd, 2011 حاجه جميله سوف اجربه لان وزني زايد كتير وشكرا لكم علي هذا الموقع الجميل 35. زائر يناير 23rd, 2011 انا بشكر كل القائمين على الموقع ده لأني فعلا بستفاد منه أوي بس عندي سؤال ضروري جدااا أنا بنت عندي 22 سنة ورفيعة بس مش نحيفة وجسمي معقول كده مع طولى بس عندى مشكلة أنا وشى من النوع الطويل ونحيف لو ممكن تقولوا لى ازاي ازود وشى بس لو ينفع ماسكات او اكل معين او اى حاجه بس بليز انا مخنوقه من حاجه زى دى لان كل الناس بتقولى ان ملامحى جميلة اوى بس لو وشى تخن شويه هبقى قمر ارجوكو ساعدوني. ========= رد بص وطل: حاولي تزودي من أكل الخضراوات والفاكهة، وكمان النوم لفترات كافية 36. Galeliooo يناير 23rd, 2011 أولا بشكر موقع بص وطل الجميل ثانيا أنا متابع نظام ريجيم لكن ممتنع تماما عن الأرز والمكرونة والخبز لأن حسب معلوماتي إنهم سبب في زيادة الوزن. ========== رد بص وطل: الصديقة العزيزة.. النظام الغذائي الصحي لازم يكون متوازن وفيه كل العناصر الغذائية علشان تقدري تواظبي عليه، وأهم حاجة إنك تلتزمي بالكميات اللي موجودة في النظام الغذائي. 37. a77med يناير 23rd, 2011 أنا وزني 95 وطولي 180 ما هو الوزن المناسب ليا؟ ========== رد بص وطل: الوزن الصحي المناسب مع طولك لابد أن يتراوح بين 64 : 81 كيلو. 38. حاتم يناير 23rd, 2011 الريجيم ده بيخسس كام كيلو في الشهر؟ ========== رد بص وطل: الريجيم الصحي المتوازن بينزل من 4 : 6 كيلو في الشهر. 39. بنوته يناير 23rd, 2011 السلام عليكم أنا بجد ببقى مبسوطة جدا لما بشوف أي حاجة عن الريجيم أو تخفيض الوزن يعني أي حاجة تديني امل اني ممكن اخس انا طولي 171 ووزني 80 نفسي اخس بس مش بكمل أي نظام للآخر عشان بعد اسبوع أو 2 مش بلاقي نفسي بخس وبرجع أعك في الأكل ونفسي بتروح بقى لكل حاجة تودي في داهية وباكلها بشراهه الشيبسي بقي والبسكوتات واللب والسوداني.. نفسي اخس بس إرادتي ضعيفة وبفضل اعيط كتير لما بلاقيني مش عارفة الاقي حل وهدومي بتضيق عليا أنا لو مشيت علي النظام ده هخس ولا اروح لدكتور انا نفسي اخس قبل فرحي عشان ما ابقاش دبدوبة في الفستان وانا مش مستعجلة اني اخس مستعدة اخس في سنة بس اخس وأرجع زي الأول بجد فيدوني أنا محتاجة حد يفيدني ويشجعني. ========== رد بص وطل: صديقتنا العزيزة.. الموضوع مش محتاج منك إلا شوية صبر وإرادة ورغبة في إنك توصلي للشكل الأفضل والأصح ليكي، وممكن تبدئي معانا من النهارده في الريجيم وتتابعي معانا أسبوع بأسبوع، وممكن طبعا تستشيري دكتور علشان يديكي نظام غذائي مناسب معاكي على حسب طبيعة جسمك، وطبعا ما تنسيش أهمية ممارسة الرياضة حتى ولو كانت رياضة المشي. 40. عايدة يناير 23rd, 2011 هو فعلا ريجيم جميل جدا بس لو مفيش توست الرجيم ممكن اجيب عيش السن او اخد ربغ رغيف بلدى وانا عندى السكر بيبقى اكتر الوقت عالى فى ضرر من الرجيم دة ولا عادى وانا كمان المشكلة انى فى فترة امتحانات وبحس انى عاوزة اكل كل شوية وشكرا ليكم على الاهتمام. ============== رد بص وطل: صديقتنا العزيزة قدمنا قبل كده على بص وطل ريجيمات مخصصة لمرضى السكر ممكن تمشي عليها بعد الرجوع للطبيب المعالج الخاص بكي، وده اللينك http://www.boswtol.com/health-and-beauty/diet/10/june/28/16113 41. mannomohamed يناير 23rd, 2011 تمام اوى بص وطل جامد اخر حاجه طب دلوقتى بما ان الريجيم ده على ايدى اكبر الدكاتره فى مصر انا بقى ليا سؤال انا لما بحاول اقلل فى وزنى بتظهر عليا اعراض البواسير من الامساك ومبعرفش ايه الحل غير انى ارجع لنظام اكلى العادى وده بيضايقنى اوى لانى نفسى اقلل فى وزنى وعندى اراده لكده بس على اتفه الاسباب ممكن اوقف وبعدين جدول الاكل اللى محطوط ازاى اتابع عليه فرضا مش سمك اللى هناكله النهارده وقتها ينفع ابدل فى الايام وبالنسبه لتمارين البطن لما بمارسها على ارض مفروشه بحس بالم اسفل الظهر من النومه دى طب ايه افضل وقت ومكان لممارستها. ============ رد بص وطل: موضوع الإصابة بالامساك مع الريجيم موضوع في غاية الأهمية ولازم نتكلم فيه بتروي وبطء شديد، علشان التصرف الخاطىء هو اللى بيسبب الإمساك، فمثلا لو بتعملي ريجيم من غير ما تشربي ميه كويس، فده ممكن يسبب الامساك، لان الميه مهمة جدا لأن المعده والقولون بيشتغلوا بطريقة كويسه وبشكل طبيعى وعملية الإخراج تتم بطريقة طبيعية وسهلة فلازم ولابد من شرب الماء بكمية كبيرة، كمان فيه حاجات من الاكل هى التى تتسبب فى الامساك مثل الجوافة والرمان والجزر والتفاح كل هذا الطعام يتسبب فى الإمساك وأيضا البقوليات تتسبب فى الامساك، فلازم تاخدي بالى انك تبعدي عن الحاجات التى تتسبب فى الامساك مع الريجيم، كمان لو معدتك من النوع الممسك تماما فممكن تزودي فى الافطار ملعقة زيت زيتون وده بيؤدى الى نوع من اللين وممكن تاخدي كمان بعض الملينات اللي تساعد على عملية الاخراج، كمان لازم تمشي على نظام غذائي يناسب حالة الجسم الصحية. أما بالنسبة لسؤالك الثاني فإنتي ممكن تبدلي العناصر الغذائية يعني ممكن بدل السمك تاكلي فراخ او العكس. 42. smsmmmmmmmm يناير 23rd, 2011 ميرسي على الدايت هو لازم ممارسة رياضة معاه المكرونة تبقى مسلوقة ولا ممكن تبقى بالصلصة وهل مسموح بزيت الزيتون. ========== رد بص وطل: طبعا الرياضة مهمة جدا للجسم بشكل عام وبتساعد كتير أثناء اتباع الريجيم، ولازم تحاولي تعودي نفسك على إن الرياضة تبقى جزء من حياتك اليومية حتى ولو كانت رياضة المشي، وبالنسبة للمكرونة فإنتي بتاكليها من غير صلصة وممكن تتبليها بشوية ملح وفلفل، أما بالنسبة للزيوت فهي غير مسموح بها. بص وطل
