* * * * السلام عليكم، أنا كنت بعتلكم قبل كده بس أنا والدتي توفيت من ثلاث سنوات، أختى الكبرى متزوجة، وأخ أكبر منى...مشكلتى إنى اتنقلت أعيش مع والدى والمكان اللى عايشه فى مش بحبه ونفسيا مش طايقاه؛ لأنى مش متعوده عليه وفى مكان مش حلو...ثانيًا وده الأهم من بعد ما عشت مع بابا الوحدة قاتله، وأمى وحشاني جدًا تقريبًا مش ببطل عياط كل يوم بالساعتين والتلاته بحس إن قلبى هيطلع منى، وأنا الحمد لله بصلي وبقرأ قران، بس مفيش فايده، وعشا أنا من محافظة صغيرة حاولت أدور على شغل من سنتين مش لقيت، نفسياً تعبانه جدًا، كل حاجه راحت مني، أمى كانت كل حاجه بالنسبة لى، أهلى وأصحابى وانيسى مكنتش بقدر أبعد عنها ولو لحظه ولظروف الجامعة كنت فى القاهرة طول مدة الدراسة، وكنت بعد الأيام اللى هرجع أعيش فيها معاها، وللأسف توفيت وأنا فى رابعة، وحلمى ضاع كان نفسى أعيش معاها وأعوضها عن الأيام الوحشه اللى شافتها(ماما توفيت بالاكتئاب الحاد؛ لأن كان فى مشاكل كتير مع بابا وعشان كده حاسه إن هو السبب)أبويا صعب أهم حاجه نفسه مش مهم أنا عايزه إيه وابرتاح فى ايه عمره ماأخدنى فى حضنه ولا ٍاسألنى فى مرة أنتى بتحبى إيه أهم حاجة كلامه اللى يمشى مع انه بيبقى غلط والناس كلها بتقول كده..انا تعبانه بجد ابويا مش بيقدر أنا أد إيه ممكن أكون تعبانه ونفسيا مش قادرة أتحمل..نفسى أرتاح وأنا شايفه راحتى مع أمى هى الشخص الوحيد اللى كان بيحبنى بجد وبياخدنى فى حضنه وحشتينى. محدش قادر يعوضها عندى رغم محاولات أختى أنها تعوضنى أمى بس غصب عنى مش قادرة حاسه أنى لوحدى فى الدنيا ومليش أهل مكسورة أوى من جوايا.انا كنت عايزة اتكلم وبس اسفه للاطاله.. صديقتنا العزيزة نعتذر عن التأخر فى الرد فى البدايه أحب أن أعزيكى فيما فقدتى .. من أصعب الأحاسيس التي يمكن أن يشعر بها الإنسان هو أن يفقد شخص عزيز عليه ... أما أن نفقد الآم فهذا هو الشئ الذي لا تستطيع النفس أن تتحمله إلا من خلال الصبر والدعاء والوقوف على حقيقة الدنيا.. إنها دار الفناء لنا جميعا . أختى الحبيبة أقدر ما تشعرين به ولكن عليكى أن تصبرى وتحتسبى الله وأن تستعيدى قواكى مرة أخرى من أجل نفسك ومن أجل والدتك أيضًا من المؤكد أن والدتك لو تعلم بما أنت عليه لن تكون راضيه أو سعيدة بما تعانيه من حزن وكأبه، لا تيأسى من البحث عن عمل وإن شاء الله ستجدين العمل المناسب فى أقرب فرصة ، وسوف تتحررين تدريجيًا من شعورك بالوحدة وذلك عندما تتعاملين مع ناس جديده فى مجال عملك. أنتي فتاة قوية إن شاء الله ربنا سوف يعوضك فقدانك والدتك عن ما قريب ، وسوف ترتبطين بفارس أحلامك وستكونين عائلة سعيده إن شاء الله. مواضيع متعلقة بص وطل
