بثت قناة "أحرار 25″ مقطع فيديو مسرب جديد لقائد الانقلاب العسكري الفريق أول عبدالفتاح السيسي، وزير الدفاع، قال فيه إنه على ثقة من أنه سيصبح رئيسًا لمصر، استنادًا إلى ما قال إنها رؤى رآها في المنام، وفق حديثه مع ياسر رزق، رئيس تحرير صحيفة "المصري اليوم". وسأل رزق السيسي،: هل كنت تحلم بقيادة جيش مصر؟ فرد: قيادة الجيش المصري ولا أكتر من كده؟ أنا من الناس اللي كان لهم تاريخ طويل من الرؤى، وده لك أنت يعني، أنا بطلت اتكلم عن المنامات والرؤى من 7 أو 8 سنين؛ لكن أنا دايما كان لية منامات ورؤى وشفت كثير جدا من الأمور اللي حصلت بعدها ومحدش قدر يفسرها من 35 سنة. وأبى السيسي أن يقص رؤياه على رزق إلا بعدما أخذ منه عهدا بأنه لن ينشرها في الحوار، وقال له رزق: "مش هنشرها لألألأ بس هستخدمها بعد كده" فقال السيسي : شفت في المنام من سنين طويلة جدا من 35 سنة إن أنا رافع سيف مكتوب عليه "لا إله إلا الله" باللون الأحمر وإن أنا في إيدي ساعة ضخمة جدا عليها نجمة خضرا والناس بتسألني "اشمعنى أنت اللي معاك الساعة" دي فقلت لهم مكتوبة باسمي هي omega و أنا abdelfattah . وأكمل السيسي "ورحت حاطط الأوميجا مع العالمية مع عبد الفتاح.. وفي منام تاني بقى حد قالي هنديك اللي مديناهوش لحد؛ ومن الآخر كنت مع السادات وقالي أنا كنت عارف إني هابقى رئيس الجمهورية قلت له وأنا عارف إني هبقى رئيس جمهورية". فسأله رزق: "حسيت إيه لما شفت صورك جنب صور عبد الناصر ولما عبد الحكيم ابنه قال إنك الأجدر على حكم مصر فأجاب السيسي: في دعوة بقولها يارب أكون كده".
