أولاً / الصَّوْت ياريت(صوتي) يصل للي عمد في(الخُبوت) أوحل فوق (الجبل) أوعاش وسط السهول إن كان ما القلب مل أوعاف كثر(الوعود) ×××× راعي (غنم) ماعدل والناس كانواسكوت! العقل عنده انشغل دايم بقرع (الطبول)! ماكريحيك الحيل سارق تراث(الجدود) ×××× قولوال (مول السّقل) الحيّ لازم يموت! واللي يريد(العسل) يركب ظهورالخيول وانته تخبّر..سأل عن سارحة(بوعبود) ×××× قالوا: (مصمّخ هبَل) من هوتمسّك بحوت! يعطيه حبل المهل يسقيه ماء (السيول) يمسي سميرالعلل ولايشوف الرقود! ×××× ياقابضين (الدّقل) ياعاشقي (البنكنوت) إلى متى بانظل؟! نهوي كفانا نزول! لكن بصيص الأمل باقي وربّك يجود!!
ثانياً / الصُّورة* وينها الصوره تكلم ياصديق؟! لم تعُد عيني تراها الحذرإنك تقول شعّقتها أوخلعت (الرَّمِز) عُنوه من مكانه! صارمدعس للبشروسط الطريق!! ……………………………. ………………. ………… إن حصل منك فهذا مايليق!! أوفنت هت لي كماها أنت يا(حبّوب)لوماصُنتها صرت في عيني مُضيّع ل(الأمانِه)! ما أظن من بعدها تبقى طليق!! …………………………….. ………………… …………. ما سخا شوفك مبهدل يارفيق! يا (قمر) نوّرسماها لوتعديت الحدود..مزّقتها مارضى شوفك على جسرالمهانِه! هات ما عندك كفانا (خيق بيق)!! ……………………………… …………………. …………. حِسّ قلبي من كلامك بايضيق ما نسيت اللي بناها! هات يدك فوق قلبي حُطّها با تحس إنّه مسمّرفي مكانه!! كيف أنسى حبّ وافي ل (الفريق)!! *هذه القصيدة مهداة للمسئول الذي وقف معاتباً صاحب (البسطة) عندما رأى صورة الرئيس غيرموجودة بعد انتهاء أعياد الثاني والعشرين من مايو2005 ميلادية إذ وقف سائلاً : وين الصورة يا (بوعبدالله) ؟!. (شي معك سكّين وفتح صدره..باتحصّله في القلب طارح ريل على ريل)!! ابتسم المسئول قائلاً (أنتم أهل الغيل ماحد يقدرعليكم)!! رحم الله الرجل الطيّب : سالم محمد الخامر(بوعبدالله) وأسكنه فسيح جناته آمين..آمين يارب العالمين…
