يامفسبكي هذه المنطقتين : الجنوب رعوه ست محافظات وسته مليون آدمي ( آدمي ينطح آدمي ) ، وليس عبدربه والميسري ولا عيدروس وشلال . اصورتونا وخجيتونا ، وجعلتوا عباد الله الجنوبيين ينفرون منكم ، بل يكرهوكم. أهل عدن يصيحوا منكم قائلين بالصوت العالي (البدو والسقالبه) ظالمينا من 67 وآخرتها يقولوا علينا ( انتم عرب 48) ماشي لكم في عدن هههه. الصبيحه يقولوا ( ايري بمه من عاده خضع للضليعه. وباكازم قدهم طفشانين من دثينة واتذكروا انهم (عوالق سفلى، بايسرحوا لهم مع خوتهم العوالق العليا ) . وشبوه تقول والله ( ماسبرت لكم ) ياهل دثينة ( كفايه السوداء). اما يافع كما ( ابو العروسه ، لافاضي ولا مشغول ). لقيت لحجي وبادرني ( ياخي يابن عمر عاد شي باتعقلوا يابدو) ثلاثه ديناصورات منكم كل واحد معه مشروعه الخاص ، يبى يجحبب الجنوب معه ، والرابع معه مشروعه بس عاده يداحش يبى يعلنه وعاده مستحي . عادشي باتقرّوا وباتهدأوا انتو والصقالبه ( اليوم وحده وبكره انفصال ومش عارف ايش ) شو نحنا كباش تقودونا كل يوم إلى زريبه ؟؟ ولا تشتونا الا بعدكم نقول ( باااع ماااع). ( انتهى كلام املحجي ) .. اما ابو حضرم قصتهم قصه ( طفشانين من الكل ). وأهل سقطرى : يمكن إنكم سمعتوا خطاب المحافظ ، يتعفرت تعفرات ( قال كفاية وصاية علينا ، ومن اليوم لن نستلم تعليمات من احد ) كان خطابه ( البيان الاول لإعلان استقلال سقطرى) والحبل على الجرّار . ذلحين شي باتبعدوا امجنان؟؟ او لا زال هو ذاك هوه( امدان وامهدان لولي ) ومسلسل ( توم وجيري ). المضحك المبكي الغريب العجيب ان مفسبكي هذه المنطقتين يتنافسوا على مساعدة الدحابشه ( علي محسن وتبعته، وطارق عفاش وسحاتيله)، ويجي مفسبك منهم يقول لك ( ان التعاون ومساعدة علي محسن وطارق عفاش للوصول إلى صنعاء هو من اجل الجنوب ويجري في صالح الجنوب ) يعني يكلمك وكأنك قدّامه كبش او ثور . خلاص كملت براميل امكذب وامجاملات...تشااااااو. برقية ارجنت : اقترح تشكيل لجنة جنوبية لايزيد عددهم عن خمسه من عقلاء الجنوب شرط ان يكونوا من خارج هذه المنطقتين . مهمتها إقناع المذكورين ان الجنوب سته مليون وست محافظات وان هذه الملايين ( ملت وطفتشت واتبهذلت ) من اعمال هذه المنطقتين. ملوا وطفشوا من التحدث باسم الجنوب والوطنية والتضحية والفداء ، وبعدها جحببت الجنوب من حفره كبيره إلى حفره اكبر منها . سيضع الجنوب المنطقتين ، تاجا على رأسه ان تفهّم واقتنع بماجاءت من اجله اللجنة ..