اكيد تعرفوا من هده الأمثال العدنية وعلى من تطلق،تطلق على البعض من الناس والذي تكلمه وتراجعه وتنصحه وتقول له بس كفايه ريحت فسادك تزكم الأنوف واصبحت سيرتك على كل لسان مافيش واحد سالي ولا مرتاح منك ومن تصرفاتك وافعالك. يرد عليك ويقول لك بكل بجاحة بالله انا كدى لاياشيخ دول هدارين وحسادين مالك ومالهم وشل نفسه وراح يتزايد زي الحلبه. وبكرلك تاني يوم وعلى دا الرحيل وعلى دى المسلك ولاكأنك هادرته اوتكلمت معه او وجهت له النصيحة تخبطة بالكلام وترفسه وتعجنه بالنصائح وهو يتزايد ولامعول ويشوف نفسه اللص الشريف{روجر مور،ديسنت}{وربن هود}.
ياوليد العالم كله يصيح منك ومن فسادك وبصوت واحد، أنت والشلة التي معك الفاسدة وصوركم وسيرتكم على كل لسان وفي الجرائد والمجلات والمواقع والفيس بوك والتويتر والواتس اب وفي المجالس والمبارز مافيش غير سيرتكم الفاسدة وعملكم البطال.. كيف تواجه اهلك وزوجتك واولادك وانت بهده الصفه. يقولك بالله عليك انا كدى انا مايهمناش كلام الناس انا اعمل من اجل الوطن ومن اجل المواطن. المهم يتزايد زي الحلبه،تقول له ياخي اتقي الله في نفسك واهلك وراجع نفسك وراقب الله اليوم دنيا وبكره آخرة...المهم مثله مثل الذي قيل له اتقي الله اخدته العزة بالأثم. مافيش فائدة بمثل هولاء الناس قزيل لاعنده وازع ديني ولا اخلاقي ولا عنده دم حر يجري في عروقه وقح ناشف مثل الزنجى بلا دم. طيب كيف السبيل مع هولاء الفسدة والمصرين على فسادهم وإفسادهم طالما ولاحكومة قادره تردعهم ولا شرعية ولامجلس انتقالي ولا مجتمع ولانخب ولا احزاب. خلاص معنا حل لهولاء السفله( نحن المواطنين) بانجلس لهم بكل مرصد وكل شارع يمروا فيها ونقول للعيال الصغار والشباب يالله(هيروه)سوقوهم جدل حجار وتفل واجروا ورائهم ورددوا بصوت عالي الفاسد اجى خايب الرجى. (وكل يوم من دا).
