منهو يقول تركتيني! منهو يقول والفنجان لحد الآن يحضن حمرة الشفّة وباقي قهوتك للحين على كفة كأن توك تجين عندي وكأني بس من لحظات فتحت لك باب هالغرفة أنا للحين أحس في رعشة اللهفة وأحس كنك لحد الآن تحضنيني منهو يقول تركتيني نسيتي عندي غير عطرك كلام وردي كثر ماهو حلو.. ينعاد وأثر خطواتك الخضرا لحد الحين.. على السجاد وموسيقى ضحكتك للحين أطيّرها فراشات وصباح أعياد واحد الحين أحس باقي من أشواقي جمر وقاد ويكويني منهو يقول تركتيني!