حبيب العازمي: الليلة البرق شامي وأسمع دنين الرعد فيه واليا أصبح الأرض ممطور استر قلبي وعيني صياف في كل عامي ينوي بقتلي وأنا أنويه لكن مطلق ومستور يقفون بينه وبيني صياف الحربي: الليل شد الحزامي ياللي تشده وترخيه سمعت لي صوت ماطور خرب عليك الطحيني أنا مسكت الحرامي ويعلم إنك بناخيه عساك ما تشهد الزور بين الخصوم الثنيني حبيب العازمي: أحسن لك أسمع كلامي والدرب لا عاد تخطيه مجبور أراجعك مجبور وإلا ما أجيك وتجيني يا غايتي يا مرامي والبيت بانيه راعيه وإبليس ميت ومقبور من جملة الميتيني صياف الحربي: هات العشا واليدامي والضيف يالله تحييه والصبح نعطيك باكور إن كان عندك يديني أثرك جيعان ظامي واللي تجيبه توديه والصبح شفتك على النور بين النمر والحصيني حبيب العازمي: ياللي في خشك عرامي قرب واحنا نداويه واليا ارتكينا على الكور سلم يمينك يميني أنته منول نظامي تبيع علمك وتشريه واليوم(ه) اتلف واتدور بين عرفة والقريني صياف الحربي: طاح الحبل بالمقامي والحبل طاحت عراويه ياعنتر ابعد عن الثور تراه شرس وسميني حملك ثلاثين عامي وش بك عليه توديه إن كان عجزان معذور خلك في حصن حصيني حبيب العازمي: الثور جاله سنامي لكن أنا واين أوديه بغيت أدقه على الزور واليا إن طبعه لعيني قطعت لي بحر طامي يوم أنت تمشي تبارية واللي قطع سبعة بحور يبشر بسمن وسميني صياف الحربي: يا طيبين الأسامي ذكوه والا ابذكيه واعطوني اصحون واقدرو قبل الولد يشتكيني ياللي بلعت الطعامي والفرض ما أنته مصليه ما تدخل الجنة الحور وأنته تعرف الرطيني المزيد من الصور :