ملاحظة : ما بين القوسين تعليقنا الخاصة بنا..مقالب الكاميرا الخفية ((الحلقة السادسة)) مع أمين عام اتحاد الرياضة للجميع ولاعب المنتخب الوطني سابقا الكابتن عصام دريبان بدأت الفاتنة المخيفة ميرفت منور بشكره على قبول الصداقة..أصلا لازم تشكره على ذوقه كالعادة.. ميرفت: يسلموا على قبول الصداقة دريبان: الله يسلمك أهلا وسهلا ( حيا الله من جاء اتفضلوا يا نظر) دريبان سائلا: أنت موظفة في الصندوق ( اه بس قلب المؤمن دليله).. ميرفت: كيف بالصندوق موظفة يعني بضاعة ما فهمت وضح السؤال..؟ دريبان: ايش من سؤال انت موظفة هذا قصدي ويواصل دريبان: شكي أنك مقلب ما أعرف ليش بس احساسي ( بعض الشك مش اثم طبعا يا كابتن) تسكت ميرفت لبرهة وتقول في نفسها الكابتن ذكي يقطع دريبان خلوتها بقوله : هيا ميرفت أمين اتكلمي والا عاد اقوم ارقد ( ميرفت امين ..للأسف طلعت حسن حسني) ميرفت: انت متى تدخل النت؟ دريبان: أوقات العصر والليل ليش..؟ ( طيب وصبح فين تكون) ميرفت :أنت موجود الان معقول .. ( طيب ومن اللي يكلمك يا ميرفت.. الجن) ميرفت: أنت موجود دريبان: ايوة ليش ؟ ( كله ليش ليش في ايه ياكابتن) ميرفت: ممكن تسلفني مليون ريال ( شيك والا نقد يا أخت) دريبان: ههههههههه مليون ريال بسيطة ( ياعيني على وليد الشامي والله مش بسيطة قول مصيبة) ميرفت: من أول يوم وأنت تسألني سؤال ما فهمته دريبان: ليش ما فهمتي.. ( برضه ليش طيب) ميرفت: قلت عني صندوق دريبان: لا بس كنت اقصد موظفة وألا لا ميرفت: أيوة موظفة في البيت ( كذابة في اصل وشك) دريبان : بتدرسي ميرفت: قبل الزواج أكيد درست بس بعده للأسف ما كملت جامعة دريبان مرة عاشرة : ليش ميرفت بأسى: تعرف بعض الاسر تزوج البنت صغيرة وما تخليها تكمل ( قال صغيرة قال يعني خمسة سنتيمتر) دريبان: أنت طلبت صداقتي ليش ميرفت:أنا طلبت صداقتك وأخذت من صفحتك كثير ..حتى أنت أخذتك من صفحة صديق لك دريبان: يعجبك تتعرفي على اصدقاء ( طبعا والا من بيكون معانا نصطاده) ميرفت تجيب: ايوة بس اللي ما يعجبني احذفه دريبان: طيب ممكن نتعرف على البنت الطيبة ميرفت : من أي ناحية ممكن ( من ناحية صنعاء وضواحيها) دريبان: اسمك ميرفت أو مستعار ( هههه طبعا مستعار ونص يا حبيبي قلك ميرفت) ميرفت: لا انت تظن اني احط اسمي الحقيقي ماتوقعتها منك دريبان: هههههههههههههه ميرفت : تضحك دريبان: أشك انك واحدة تعرفيني وهنا تنفرج أسارير ميرفت في البداية قال اشك أنه مقلب وبالأخر قال واحدة تعرفه يعني شكه انها بنت بس من تكون مدري.. ميرفت: ليش انت مشهور يعني دريبان: اقل شيء اسمي حقيقي مش مستعار ( ياراجل تتكلم بجد) ميرفت: أيوة انت رجل لازم تحط اسمك دريبان : وأنت ايش؟ ( أنا حلوة وست الكل) ويواصل دريبان: عندي احساس اني اعرفك ( يا حساس انت) ميرفت : يعني أنت تعرف بنات كثير ( ليش او قالوا لك مهند ركزي يا ميرفت) دريبان: أعرف بس تختلف العلاقة من واحدة لاخرى ميرفت: وياترى أي علاقة تعجبك ( العلاقة الدولية بين الشقيقتين) دريبان: التوافقية هي المناسبة ( دخلنا بالحوار) ميرفت: انت ايش تعتبر المرأة عندك مالها قيمة دريبان: مافهمت..المرأة مرأة وهي تضع نفسها مكان ماتحب ( طيب والرجل يا شاطر يضع نفسه فين..؟) ميرفت: وليش تقول العلاقة تختلف من واحدة لاخرى دريبان: طبعا تختلف حسب المكان والزمان والطريقة ( الله الله طبق اليوم واحنا مش عارفين) ميرفت" الطريقة امر مفهوم بس الزمان والمكان دريبان:الزمان وقت المعرفة والمكان في الشارع في الفيس في العمل ميرفت: العزوبية احسن والا الزواج ( وده سؤال يا ميرفت) دريبان : حسب الظروف ( ابعث لي جواب وطمني يا ظروف) ميرفت: يعني صرفت النظر عن الزواج دريبان: شتزوج بالجنة ( لا مؤمن يا خويا) ميرفت باستهبال: وكيف دخلت الجنة بها السرعة .. أخي الكريم ما حدا عارف وين بيكون يوم القيامة الحق نفسك في الدنيا.. دريبان: وانت متزوجة ميرفت: ايوة مش قلت لك ربة بيت ( أمال ربة شوارع) دريبان: وزوجك فين ميرفت: تتوقع زوجي معي الان وانا اكلمك ( ياخفة دمك) دريبان: ههههه ظريفة اكيد لا بس راقد او بيبسر التلفزيون ( لا انت صح الراجل سايب مراته لك ويبسر التلفزيون) ميرفت: هو خارج صنعاء يشتغل في منطقة اسمها قشن حق البترول دريبان: وانت فاضية للفيس بوك بس ( لا فاضية لك انت) ميرفت: انا ما كنت اعرف الفيس ودلتني صديقة بس على الاقل في الفيس لو حد مو ظريف أحذفه دريبان: هذا تهديد ( تهديد اكيد والا كيف تشوف) ميرفت: لا تزعل انت اصلا طيب ومحترم ليش تخاف وبعد فترة يسال دريبان: انت لو واحدة كلمتك تشكي فيها انها بنت ميرفت : اشك جدا دريبان : وانا كيف أتاكد انك إمراة ( بعد ايه يا حسرة) ميرفت: فهمتك أنت تقول كذا عشان تسمع صوتي صح ( ياليته سمع بس) دريبان: اقل شي اثق مع من اتكلم ( وينك من اسبوع يا عم) ميرفت: تتوقع واحدة مو حاطة اسمها الحقيقي تعطي رقمها بسهولة هذا اول شي الثاني دريبان : والثاني ايش ميرفت: انا ممكن اعطيك رقمي واخلي صديقتي تكلمك لو شاكك اني مش بنت الثالث لا تزعل بس هذه حقيقة وتصير دريبان: وانت ليش ما تتكلمي أو تتكلمي انت وصديقتك ( ولا فهم المرعب) ميرفت: انت مستعجل وهذا شي يخوف دريبان: الخوف أني حقيقي وأنت مزيفة ميرفت: طبعا كلامك صحيح انا ما الومك اعطيني رقمك وانا اتصل فيك بكرة من رقم كبينة واكلمك بس بشرط دريبان: ايش ( الحمد لله ماقال ليش) ميرفت الحلوة: ما تحرجني لو سمحت اتكلم معك كثير وكمان متى حسيت انك تستحق اعطيك رقمي بنفسي وتحصل ميرفت على الرقم ( مع انه معاها من زمان) ميرفت: متى تحب اتصل فيك باي وقت رقمك حلو كمان ( والمقلب أحلى برضه) دريبان: ان اصحي 8 اروح العمل عادي في اي وقت ( حتى وقت الصلاة) ميرفت: طيب ممكن سؤال لما اكلمك ايش راح يفرق الامر دريبان: صراحه مش مدعود اتكلم مع بنات في الفيس لانه سلاح ذوي حدين ( متعودة دائما وايش تفعل مع ميرفت لك اسبوع) ميرفت: كل كلام يعتمد على الانسان وطريقته وبالاخر انت مو خسران لانك رجل ( صح مش خسران بس هو مجرد مقلب)
