الوووو..ايوه من بيتكلم؟ معك الفندم.. احترامي سيدي صباح الخير. صباح الخير والسرور..اسمع.. ها يافندم.. وجه بالأمر طقمين استطلاع تشوف مرتزقه العدوان ما يفعلوا بفرضه نهم بيقولوا ان القذايف وصلت المطار ياخظعي ..اسمع عادنا ماقد خلصت كلام ابسر اصحابنا قل لهم الفندم يشتي يعرف ايش قصه الحمير اللي بيستشهدوا في نهم!! قل لهم لاعاد يركنوا على اوباما قد زلج خلص! ههههههه ايوه يافندم حاضر.. أنا معنا ذلحين هذا الملعون ابن.......! قصدك ترامب يافندم؟ ايوه مانعرفش وين عاد نجي معه! حاضر حاضر يافندم وأيش عاد باقي يافندم.. ايوه عاد باقي كثير. اقولك عاد سويتوا حل من هانكه!! مافهمت يافندم وضح؟ بين قول عاد سويتوا حل للبوازيك اللي عاتجي من البحر؟ اهاه افتهملي الان. ايوه ايوه خبرونا ان اصحابنا مضيقين على اصحاب البحر غادينهم ضرب بالهاون قوي قوي منشان ماينسموا ساعه لما تصل البوازيك وهم يحسبوا ان هي حرب بالبر!! اهاه ايوه ماكذا تمام.. طيب اسمع.. خبر يافندم أمر.. هذا صاحب الاممالمتحدة ايش ما يفهمش كلام!! بين قول عادنا قبل يومين اننا معد نعترفش بمبادرات وحوار وأنأ عانلغي كل شيء وما نبا الا بنت الصحن كلها! وهو يرفس يقولك خطه معدله!! هاه ايوا سمعت يافندم لكن مانفعل له؟ انا اقول نسير نفعل جلسه بعصر! نخزن مع بورجل!!ونتفق ولا مهه. ايوه يافندم انا معك فيما قلت بس كيف نقنع بورجل يجي انت داري انه ما يتحرك كثير! وله برعه ونكفه ما تعجبك يافندم!! اسمع. هاه يافندم.. انا داري بس قد قدر الله ذي نحن فيه معد ينفع نرجع لاوراء! هوه يحسب اني كما خبرت الحصبة وعمران!! او اني عاهرب لآانقره هههههههه..هههههههه ايوه ولله ضحكتني يافندم..يافندم بس ايش رأيك بترامب؟ هاه قلتلي ترامب هذا مجنون بس عانركب له عقل قد جننا عقول هههههههه..ههههههههه ايوه صدقت يافندم.. عادشي اتواصلت مع الولد!! نعم يافندم وهو بحال طيب ويبلغك السلام ويقولك انه اشتاق لك قوي قوي. قل له يقع منتبه على الزلط!! الدولار مرتفع وعاده بيرتفع. ان شاء لله باخبره يافندم حاضر.. اسمع.. نعم يافندم.. قل له لايركن على اصحاب الجنابي الملحمة!! اذا ما سارت الامور تمام قده عارف اين عايسير! قل له مثل ماتفقت معه في آخر سفره!! حاضر يافندم.. يافندم الوووو. ايوه اسمعك ناهي. هاه اشتي استأذنك ارد على اصحابنا بخصوص ماقلت في حاله جاء السيل! ما نسوي ما نعمل؟ اهاه ايوه اسمع.. اسمعك يافندم. اذا جاء السيل قل لهم عانقاتل لآخر قطره دم ماعانخليهم. هاه تتكلم الصدق يافندم؟ لا يابرغلي يا......اللعن.......!! هاه هاه فهمني يافندم يامنعاه. اسمع.. ايوه اسمعك. لاماقد يقع سيل ماعانجلس لما يبلنا عانقع نحنا السيل ياخجف وعانخرج الاوله والتاليه وعادها لهم لطمات!! هااااااه الان فهمتك يافندم! الووووو. ايوه يافندم اسمعك. الخط مضمون؟ ايوه اطمن يافندم وقد صاحبنا بيطلع بيقول انك تسرب ماشتيت انت على كيفك ولامهه!!ههههههههه.. ايوه صدقت هههههههه هيا خاطرك. خاطرك يافندم..!!
