يضيق صدري كل ما شفت مغرور يكشخ ويبرز قوته ع العماله ****** قلبي على بعض الرجاجيل مفطور رجاااااااال لكن حالته خس حاله ****** يمشي وهو وسط الرجاجيل مقهور خلوه ياعالم يربي عياله ****** أنا اشهد انه كفووووووو لكن مجبور يصبر على وضع النكد والكفاله ****** كم من شنب معصور لا قلت معصور تهتز له ربعه بشخطة رساله ****** رجال له في صفحة العز دستور وله مكانه عند عمه وخاله ****** وصبح عماله في نظرهم ومأجور إقامته في يد سوسن وهاله ****** وده يصير اكبر مهندس ودكتور لكن وضعه لقتصادي زباله ****** عايش وقلبه عند لجواد مقبور تستحقره لنذال روحي فدا له ****** ياصاحبي لو شفت عامر ومنصور لا تفتكر ذولا مجرد حثاله ****** ذولا سراج أهل الشرف ليلة النور حتى ولا هو يشتغل في بقاله