البحر بيضحك ليه ومافيش تغييرف بلدنا حصل البحر هايج متعكر مخنوق بيبكى وبيفكر ف اللى لدماه فاجأة اتنكر واللى بشقاه للكرسى وصل البحر شاهد ع الحاصل على اللى بيبيع ويفاصل وعلى اللى ناوى إنه يواصل الحلم من غير أى كسل البحر زى الناس حاسس مين اللى خانها ومين والس ومين بيشتاق لمجالس عشمان يدوق من ايدها عسل ماتزهقيش يا قلوب عاشقة يا سهام ف قلب الزيف راشقة يا ما لسه ف دروبها هنشقى دى الثورة مابتعرفش ملل يا كل من علاّ هتافه وشال همومها على كتافه الفجر تكمل أوصافه طول مانتو جوه قلوبكو أمل يا مصر صبحك له قيمته حالف ما يقبل بهزيمته لا يلين ولا تقل عزيمته وح تبقىِ للكون كله مثل والبحر بيضحك ليه علشان عايشين ف قلوبنا أمل