11-25-2012 08:21 الجنوب الحر - عبد الجليل عبد الله السقلدي مرحبا عيد نوفمبر على العين والراس=لو انا بالوطن با دق مظرب وطاسه لك موده بقلبي ما تحدد وتنقاس=مثلما بحر ما بالكون عارف قياسه انت للحريه والنصر ذكرى ونبراس=فيك يا عيد ودعّنا صنوف التعاسه رحمة الله على من راح مقتول بالباس=او جُرِّح او سُجِّن او ذلك الخصم داسه هم سبب ما وصلنا ليه من عز يا ناس=هم اساس التحرر ذي لقينا وساسه يا اسفنا من اللي صار بعد التهنجاس=جاءَنا قوم كل اعمالهم بالخساسه بدّلوا في فرحنا هم في غم في يأس=طبعهم لو وصفته تحت تحت الدناسه شغلهم لا يخالف شغل الاعداءِ الانجاس=عاليهود اعتقد هم زيدوا بالنجاسه ناس في طبعهم فوظه وعنوه ورفَّاس=والجنوبي بطبعه عكسهم به كياسه اتحدنا معاهم وانصدمنا بالافلاس=صار عكس الذي كنا نأمل عكاسه قبلها كلنا قد قدس الامر قّدّاس=بعدها كل واحد انكمش في حماسه خانوا العهد ظنوها فقط حبر قرطاس=شلوا الخير والقوه وشلوا الرئآسه ذوقونا الامر من كأس تتبع لها كأس=سببوا للجنوبي بعد عز انتكاسه كل ذلك وقلنا ما يهم الف لاباس=لكن الخصم زيدها خرج عن لباسه صار يقتل وينفي صار للناس حبَّاس=صار للناس بايع مثل سوق النخاسه بالفساد اصبحوا لا يضربوا اخماس باسداس=يدرسوا كيف ينهوا للجنوبي دراسه نشهد الله عليهم بعدما نشهد الناس=ندخل الحرب ما فاده معاهم سياسه بدنا ننفصل لو يفصل الجسم عن راس=ما نواصل مع عرق البلا والدساسه دم ابسط جنوبي مثلما دم جساس=عالشرف والكرامه با يقدّم لراسه لابد ان يرحلو من سببوا ليل عسعاس=نورها الحريه يشرق لنا في نفاسه بعدها سوف نعلن بالوطن عرس الاعراس=في حدود الجنوب الكل يبقى حراسه
