قالواالسياسة خداع ما لهاش ذمة ودين ومهما كنت شديد لابد لحظة تلين وان يوم أتاك الخطر تعرف نجاتك فين ماتسوقش فيها بهبل وتغفك الغفلة وان كان مرادك قدر تصبرعشانه سنين ما اعرفشى سرت ازاى بمهارة فى عنادك لا انت صلاح الدين ولا ضده جلادك جرحت قلب الوطن وخسرت أمجادك كانت بدايتك قمر ليه نهيتها بالضلمة ؟ خالفت كل الناس والصح موش زادك لوكنت فعلا تقى ما كنتش اتغرّيت وحقنت دم الوطن واحتواك البيت عملت فيها جدع دوق يالا مااتمنيت ألوم سواك ازاى وانت ياك أهبل تخش ليه الشبك وتشد ليك الموت قلبى عليكو انفطر يا أشقى خلق الله الكل قالوا نعم ليه انتو قلتم لاه ؟ لا الكرسى ليكم رجع ولا شره عنكم تاه زى الطيور اندبحتم وياما هاتشوفوا كل اللى راح كان كوم واللى جاى سواه الكرسى كان لعنة دمّر أمانيكم لا عز منكم نفر ولاذل أعاديكم دخلتوا سكة غلط ماكانتش يوم ليكم اللوم عليكو أكيد من البدء رافضينكم بسوا انتو ليه تروحوا للقتل بايديكم طفيتوا ليه عقلكم وانتوا موش حاسين ان اللى عاد قوى بيسن فى السكاكين فاكرين هتافكو العبيط هايحرّك الملايين هأبكى عليكم قوى ضيعتوا حلمنا ليه يامنا حلمنا فى يوم تحكم شريعة ودين اتفوه على الشامتين لاضمير ولا ذمة أمانة انتم بشر وفى قلبكم رحمة ازاى نسيتوا اللى مات دا حتة م الأمة هو الخلاف يتحل بالشومة والسكين ولا الأمور تنعدل لما تتحرق لمة آهين علىّ أنا لا قاتل ولا مقتول ؟ انا اعتزلت الساسة وعشت كون المجهول عاشق مصيرى وفى سكتى معدول لا قلت للى حكم نعم ولا لا ولما سال الدم لعنت دولا و دول عبدالرحمن محمد احمد نجع حمادى - السباقات