* * * * السلام عليكم« بص و طل» .. جزاكم الله خيرا على المعلومات القيمة بالتوفيق...أنا كنت عايزة أسألكم في حاجة, أنا بكالوريوس هندسة عندي 21 سنة و اتسألت عن مفهومي عن الارتباط ؟ من زميل قريب ليا و اتعامل معايا كتير في أكتر من موقف, رديت بان مافيش حاجة اسمها ارتباط أقل حاجة الخطوبة, لقيت الرد طيب هو مش لازم يعرفها الأول و تعرفه يمكن مايتوفقوش ؟ كان ردي أنه لو زميلها هيبقي محظوظ و يعاملها عادي كزميل و هو هيتعرف بكدة عليها أو يروح البيت بردو و يبقي زيارات عادية للأهل للتعارف بعدين يجيب أهله و زيارات عادية و لو حصل نصيب خلاص..انتم اية رأي بص وطل في الفكرة ذات نفسها?, هو الافضل انه يقولها انه معجب بيها و يعرف رأيها قبل البيت و يتعاملوا كزمايل عادي عقبال ما يعرفوا بعض أكتر ؟ مع اني مش مع الرأي دة علشان لو الاهل ماوافقوش يبقي دة اهدار مشاعر ووقت.. و لا يروح البيت من غير ما يكون عرفها كويس؟ هو اية اللي المفروض انه بيحصل ؟ من كلامه حسيت إنه بيتكلم على لسان حد تاني من زمايلنا ,, لأن زميلي دة مش متعودين نتكلم في الحاجات دي بس هي مرة واحدة اتكلمنا لما كان خاطب و لان خطيبته صاحبتي فدخلني علشان يعرف رأيي و يشوف هيعمل اية. صديقتنا العزيزة أظن أنك رديتي الرد المناسب اللي أنتي مقتنعة بيه، واتربيتي عليه وهذا هو الطريق الصحيح لعلاقة سليمة ونهاية سعيدة، فمن خلال دخوله البيت تحت سمع وبصر الجميع يتيح لك الفرصة الجيدة للتعارف ويحتفظ لك بمكانتك وحقوقك وعندها تستطيعين معرفة إذا كان هذا الشخص مناسب لك أم لا؟ أما عن إحساسك بأنه يتحدث بلسان شخص ما ، فهذا ما شعرت به أيضًا فأظن أنه يود معرفة رأيك ويمهد الطريق لشخص آخر، فنصيحتي إليك تمسكي بدينك وعاداتنا الجميلة التي تربينا عليها فهي الضامن لك بعد الله لبناء الأساس الجيد لحياة سعيدة. مواضيع متعلقة بص وطل
