* * * * السلام عليكم أحلي مسا عليكم وعلى احلى ناس فى الموقع وبجد بنشكركم علي مجهوداتكم.. أنا خريج بكالوريوس تجاره 23 سنه متخرج بقالي سنه و3 شهور بس لسه ملقتش شغل مناسب ليا انا عندي مشكله ومش لاقي ليها حل خالص..أول الموضوع كنا معزومين عند مرات اخويا وكده وروحنا اتغدينا فكان فيه عمها ومراته وبنته المهم انا اهلي عجبهم البنت جدا هي لسه في 2 ثانوى وخجوله جدا الاول قالو لي فقولتلهم عادي علي اعتبار ان فى ارتياح بيني وبينها المهم بعد كده كلموا مرات اخويا فى الموضوع قالتلهم لسه بدري فقالوا يكلموا اهلها بحيث يبقي فيه كلام رسمي لحد ما تخلص دراسه المهم انا قلقت بعد كده وحسيت اني مش ميال ليها اوى فقالولي احنا لسه مخدناش خطوة معاهم بعدها كنا عندهم حسيت بلمعه غريبه فى عينها بصتلها حسيت اني اتشدتلها تاني وقولتلهم كلموهم عشان حسيت ان قلبي مشدودلها اوى علي الرغم اني مرتبطش قبل كده ارتباط حقيقي كان كله فيس وكده اول مره يحصل كده وانا مستني انه يكلموهم رسمي المشكله بقا اني مش عارف هي عايزاني ولا لا وهل هي مشدود ليا لاني لاحظت من نظراتها انها مشدود ليا وانها فى اى قعده بتكون بتهزر وبتتكلم عاي اما اكون موجود بتقعد ساكته كده وملهاش حس ومره كانت هتقلب الشوربه عليا فانا حاسس انها زىيي يعني مشدودين لبعض انا عايز اخد رايكم اعرف ازاى هي زيي مشدوده ليا ولا لا وازاى اخرجها من خجلها ده وكسوفها وشكرا جدا لكم لانه حيران اوى صديقنا العزيز الحب الواقعى يختلف عن حب الفيس بوك والانترنت ومن كلامك وما تم تفسيره فى رسالتك أن الفتاه معجبه بك.. ولكن ضع فى اعتبارك أن المرحلة التى تمر بها الفتاة فى الوقت الحالى مرحلة مراهقة ومشاعر الفتيات فى هذا السن غير مستقره ...فلا تعتبر أن هذا الاعجاب أو الخجل هو حب ناضج يمكن أن تبنى على أساسه ارتباط ناجح. من وجهه نظرى عليك أخى الكريم أن تنتظر قليلًا حتى تجد أنت فى البداية عمل مناسب لك وحتى تكمل الفتاة على الأقل المرحلة الثانوية وبعد ذلك تستطيع أن تحكم على مشاعرها وعلى مشاعرك أنت أيضاً. وعلى العموم إذا تم الاتفاق بين أهلك وأهلها على الارتباط الرسمى فستعلم حتما من أهل الفتاه بموقفها وحقيقة مشاعرها تجاهك. وبالنسبه للخجل فإذا كانت معجبه بك وتم الارتباط الرسمى فسينتهي قريباً وتدريجياً . مواضيع متعلقة بص وطل