* * * * السلام عليكم أنا بعتلكم كتير قبل كده وافادتونى كتير بس المرة دى انا زهقت لدرجة مخليانى خرسة مش بتكلم مش بنطق مش طايقة كلمة من حد ونفسى اتخانق مع الكل يمكن لانى بستحمل الكل اوى عشان بخاف اخسر حد .زمان فى الكلية كنت بتعامل مع الكل بحدود الاحترام والادب واللى يتجازو سواء ولد او بنت ولا بيفرق معايا تروح صاحبة ييجى الف غيرها لكن فى الاخر اكتشفت انى ماعنديش صحاب بجد اتكلم معاهم وافضفض لهم من قلبى واحكى لهم مع احترامى ليكم لو كان عندى ما كنتش بعت لكم بس بجد ماعنديش حد استأمنه على سرى اللى تحكى لها حاجة النهاردة بكرة تلاقيها بتلقح بالكلام ع نفس الحوار وكاناها ما صدقت عرفت حاجة خاصة وهتلعب بيها حاولت اقنع نفسى انها ماتقصدش بس الموضوع اتكرر وبصورة كل مرة بتزيد استفزاز بطلت احكى حاجة خالص ولا اشكى من اى حاجة ليها او لغيرها بس انا ببقى مخنوقة بجد مش قادرة ساعات كتير الواحد بيبقى محتار اوى وشايل كلام كتير اوى جواه ومش عارف يتكلم مع مين فممكن يختار شخص غلط اصلا يفضفض معاه انا تميت 26 سنة من اسبوع هو نفسه حالى يوم ما تميت ال25 و24 و23 مافيش اصحاب كتير ومافيش ناس قربيبن منى بجد ومافيش حب ولا ارتباط الجديد بس انى بشتغل دلوقتى وخايفة خوف الفوبيا ع شغلى يروح منى ولا حاجة زى ماكل حاجة بتروح منى فجاه اعصابى طول الوقت مشدودة من خوفى على شغلى لانى محتاجاة جدا ماديا ومعنويا انا لما بقعد فى البيت قلبى بيوجعنى ومابيبقاش ورايا الا الاكتئاب والتفكير وببقى خايفة اوى من اى كلمة تتقالى من اى حد زملائى او من المديرين لا يكون معناها انى مش هكمل ولا حاجة انا عارفة ان ده غلط بس احساس اتخلق جوايا من صغرى وكبر معايا من كتر ما فى حاجات كانت بتاعتى وراحت منى انا مش عارفة اكون صداقات فى شغلى الجديد مع انه كله بنات بس بحس ساعات انهم شلل مع بعض حتى الجداد اللى جم معايا اتصحابنا شوية وفجاه لاقيتهم قلبوا وانا مش بحب اجرى ورا حد انا فيا اللى مكفينى مش هقعد اهتم بكل واحدة قلبت ليه واقعد افتكر انا عملت لها ايه انا فعلا محتاجة ان تركيزى يكون اكتر فى الشغل وفى الوقت نفسه يكون ليا اصحاب زى البنى ادمين فكرت اروح دروس الجامع اتعرف ع بنات جديدة ومحترمة او اساهم فى العلم قوة صناع الحياة اهو اخد ثواب فيها وف الوقت نفسه اعرف ناس محترمة ولا روحت ده ولا ده عشان خايفة افشل فى تكوين صداقات زى ماحصل لى فى الشغل ممكن اعرف منكم اعمل ايه انا نفسى ارجع رانيا بتاعة زمان الاجتماعة جدا اللى كل الناس بتحبها ومش بيهمها اصلا ان حد يكون مقلوب ولا معدول كله بس كل اللى كنت بهتم بيه كرامتى وعلى كده الكل كان بيحبنى ومايحبش يزعلنى انما من ساعة ما خلصت كلية بقيت اقطع واختفى لدرجة انى نفسى نسيت طعم الصحوبية واللمة الحلوة وبئت بالنسبة لى نعمة ربنا مش عايز ينعم عليا بيها مع انى بموت من حاجة اسمها وحدة بس ممكن بلاش رد قاسى او انتقاد لانى اصلا كارهة نفسى ومش قادرة استحمل جلد اكتر من كده صديقتنا العزيزة ما أصعب أن تجدى نفسك بين 4 جدران.. وحيدةومعزولة.. والاصعب أن ينتابك هذا الشعور وأنت وسط أهلك الوحدة شعور صعب يكاد يقتل الانسان ببطئ .. أختى الحبيبة كما ورد فى رسالتك انتى كنت شخصية اجتماعية والاصدقاء يحيطوا حولك فى المرحلة الجامعية وقد بدأت مشكلتك بعد الانتهاء من الجامعه مباشراً ... من الممكن أن يكون سبب هذا الشعور هو عدم ارتباطك العاطفى بشخص إلى الآن وبالتالى لا يوجد من يهتم بك ويشعرك بأهمية وجودك فى حياته .. من الممكن أن يكون السبب وراء عدم القدرة على تكوين صداقة جديدة خاصا فى عملك هو طبيعة التنافس بينك وبين زميلاتك فى العمل او قد يكون راجع لشخصيتك انتى التى لا تتناسب مش شخصيتة زميلاتك فى العمل أختى الحبيبة عندما تشعرين بالوحده والحزن والاكتأب ابحثي عمن يساندك نفسيا، وأطلبي العون ولا تخجلي من ذلك فقد تجدي المساندة من صديق أو أحد الأقارب .. اقتربى من أكثر واكثر من والدتك او اخواتك أو اقاربك ... تقريبى من الله وكما ذكرتى فى رسالتك من الأماكن التى تساعدك على كسب صداقات حقيقة وتمنحك الثقة بالنفس وتمنحك الشعور بقيمتك الانسانية حضور الدروس الدينيه بالمساجد والاشتراك فى الاعمال الخيرية مع الشباب فى جمعية صناع الحياة استعيني بالتدين للمساندة، فالجرعة الإيمانية تزيد من تقبل الشخص لواقعه. ولابد أن تندمجي في عمل خيرى وتشعري بإنجازك ايضا هذا العم سيشعرك بذاتك وسيزيد من تواصلك مع الآخر. مواضيع متعلقة بص وطل
