* * * * السلام عليكم .. أنا أحمد مهندس كهرباء والحمد لله ربنا رزقنى بنسب كويس والبنت كويسه ومؤدبه وبنت ناس وعلى قدر من الجمال ولكن متردده يعنى عشان توافق عليا طلبت يمكن 4 لقاءات بينا مقولتش حاجه وقعدنا مع بعض كتير وتم القبول المبدئى ما بنا وحددنا معاد انى اتقدم رسمى بس الكلام بينا رسمى جدا . هى من النوع الطموح جدا وبتحب شغلها وبتتكلم عليه كتير هى بتشتغل فى البنك الاهلى عمليه جدا وبتحسبها بالورقه والقلم دايما بتقول انها خايفه من الفشل فى الجواز وخايفه تتحمل مسؤليته وتفشل .. أنا دايما بحاول أطمنها .. بس مش عارف خايف أنها تبقى بارده فى العلاقة . يعنى بسألها تانى يوم ما حددنا يوم الخطوبه مرتحاه ولا إيه .. قالتلى لسه لما نشوف اللى جاى ايه ؟ حاسس انها لسه بتعاملنى كانى صديق مثلًا أو زميل شغل ... هل دا عشان لسه فى الأول ولا إيه .. أنا الحمد لله فيا صفة الطيبه والرومانسية .. .بس خايف من ترددها ده .. وخايف لا تقلب فى أى يوم وتفسخ الخطوبه .. احنا لسه متخطبناش . الخطوبه بعد أسبوع إن شاء الله .. هل شعورى دا طبيعى ولا وساوس؟.. هى لحد دلوقت مبتتصلش من نفسها أنا اللى بتصل ولو مشغوله مثلا مبتردش بس بتتصل بعدها . معلش أنا طولت بس عايز حد يطمنى بجد .. شكرًا. صديقنا العزيز ما تشعر به خطبيتك شعور طبيعي للخوف من المستقبل وأنت بالنسبة لها مازلت غريب عنها ولم يربطها بك المشاعر الكافيه التي تطمئنها من ناحيتك. وخاصة أنها كما قلت إنها إنسانة عملية وتحب ترتيب أفكارها ، وهذا لايعني بالضرورة أن يكون الشخص العملي يفتقد للرومانسية، فهو يحب أن يحسب خطواته بدون أن تسيطر عليه مشاعره. وأعتقد أنها بحبك، واهتمامك، وحنيتك عليها مع مرور الوقت سترتاح لك وتبادلك نفس مشاعرك الجميلة. فاصبر عليها واشعرها بحبك واهتمامك ، ستجد منها ما تحب إن شاء الله. مواضيع متعلقة بص وطل
