* * * * بعد خطوبتى بفترة دخلت على الفيس بوك لخطيبى وقريت الرسائل بتاعته ولقيت انه كان بيكلم بنات مش كويسين وبيقولهم كلام مش كويس خالص وفهمت من الرسائل إنها مش مجرد رسائل لكن فى مقابلات واللى فهمته ان فى علاقات سيئة بتجمعهم ...وكان فى كذا رسالة باعتهم وهو بيبعتلى فى نفس الوقت... يعنى مثلاً يقولى وحشتينى وألاقيه بيقول لبنت تانية وحشتينى ...المهم واجهته قالى إن فى حد سارق حسابة وبيكلم الناس دى من عنده وإن البنات دى مجرد أصدقاءه مش أكتر....قولتله ولما هما أصدقائك إزاى محدش نبهك إن فى حد بيكلمهم كلام سئ عندك ؟ وطبعا رد ردود غير مقنعة بالمرة...المهم حاولت أصدقه لانى بحبه...واقنعته إنه يقفل الفيس ده ويعمل واحد جديد ومايضيفشى فيه البنات دى ...وبالفعل عملنا كده...وبعد كذا شهر اكتشفت إنه عامل فيس بوك تانى وعامل اضافة لكل البنات اللى كنت معترضة عليهم ...واجهته قالى إنه عمل كده عشان يعرف مين اللى كان بيكلم البنات كلام سئ على حسابة القديم....طبعًا أنا مش قادرة أصدقه وخايفة يكون لسه بيكلمهم وبيقابلهم من ورايا ...وخاصة إن أصدقاءه الرجال مش بأثق فيهم خالص وممكن يكونوا بيشجعوه على كده...مش عارفة أعمل إيه أرجوكم أفيدونى؛ لان حياتى أصبحت جحيم حاسة إنى هموت من الحزن ... صديقاتنا العزيزة يقول الرسول صلى الله عليه وسلم « المرء على دين خليله فلينظر أحدكم من يُخَالِل»، فإذا نظرنا لكل ما يدور من حوله نجدها بيئة غير صالحة ولا تدعو للإطمئنان. فهل هذا هو الشخص المناسب التي طالما حلمت به؟ وإذا كان يحبك فعلاً لما لم يتخلى عن تلك العادات؟ أظن أن الإجابة لن تكون في صالحه، وخاصة بعد ما تسلل الشك إلى قلبك فأي حياة هذه التي تبنى على الشك، فنصيحتي إليك يا صديقتي أن تبتعدي عن هذا الشخص ولا تحزني عليه، فليس هذا هو الشخص الذي يستحق حبك. وعسى أن تكرهوا شيء وهو خير لكم ، أدعي الله أن يبدلك خيرًا منه. مواضيع متعلقة بص وطل