* * * * السلام عليكم بعد التحية ، أنا مخطوبة من 3 شهور و فاضلى كمان 3 شهور و اتجوز ، المشكلة ان خطيبى مش قادره أفهمه ،أول ما اتخطبنا طبعا الكلام الحلو و كل حاجة لحد ما حبيته و بموت فيه كمان بس شعورى نحوه اتغير شوية بقى شعور خوف و قلق منه من أول ما قالى نقلل المكلمات بيننا و لما قال كدة أنا زعلت جدًا؛ لان أنا اللى أعرفه إن المخطوبين مش بيبطلوا كلام بس هو فسرلى ده انه طبعه قلة الكلام و كان لما رقمى بيرن عنده أمام أصحابه فى الشغل بيعلقوا عليه و هو جد شوية ، دى حاجة تانيه هو بيشتكى منى إنى بكلمه زى الستات الكبار اللى قد جدتى خاصة لما بيكون زعلان و بدعيله إن ربنا يفك همه ،انا معرفش البنات بيقولوا إيه أنا متعرفتش على أي ولد خالص ولا عمرى جربت أن أحب و اتحب ، من شوية كلمته فى التليفون لقيته زعلان و مخنوق منى لان كنا متفقين على ان احنا مش نعمل فرح و بعد كدة نعمل عمرة بصراحة أنا وافقت على الاقتراح ده و أنا مقتنعة بس بعد كده أنا عقلى زقزق على الفرح فلما بكلمه لقيته زعل جامد و اتهمنى انى مش واقفه جنبه، انا مش قادرة افهمه بس للأمانه هو بيقولى انت بنت مؤدبة و محترمة و جدعة و بتحبينى أكتر ما أنا بحبك ، المشكلة إنه راجل جدًا يعنى صوته من دماغه و قالى مش بحب حد يمشينى ، أنا ابتديت أحس انى مخنوقة مش عارفة أكمل معاه ولا..لأ؟ .. لانى بحس إنه بيشوف عيوب فيا مش مميزات يعنى الفترة الأخيرة كلمنى على حب الشباب اللى بيطلعلى و كمان على لبسى و كمان على سن من اسنانى مكسور ، كذا مرة يقولى روحى للدكتور و أنا أقول أنا عجبانى .. فى حاجة تانية خوفتنى منه خطيبى زيه زى أى راجل يحب الست اللى جسمها حلو ، انا جسمى حلو بس رجلى فيها آثار دوالى و كمان شعرى فيه شعر أبيض و أنا مش عارفة أعمل إيه أنا مخنوقة جدًا؛ لانه مش عارف و أهلى مش موافقين انى أقوله و فى نفس الوقت خايفة يكون من الرجالة اللى بيهتموا بجسم الست مش بقلبها و اخلاصها و وفائها لزوجها .. الرجاء إرسال الحل أنا مش عارفة أعمل إيه. صديقتنا العزيزة فى البدايه فترة الخطوبة من وجهة نظرى قليله للتعرف جيدًا على طباع خطيبك والتعود عليه ومن الطبيعى أن تحدث خلافات بينكما فى هذه المرحله فإن لكل منكما شخصية مختلفه عن الآخر ، أيضًا من الطبيعى أن ترغبى دائمًا فى أن يتحدث معك طول الوقت وأن يشعرك بالاهتمام والحب هذا حقك ولكن ليس بالطريقة المرضية بمعنى أن يكون الكلام مع خطيبك فى الأوقات المناسبة، وفى المواضيع المناسبه أيضًا. أما بالنسبة لتعليقات خطيبك على طريقة كلامك عليك أن تتأكدى أولًا: هل هذا الشئ صحيح أن أقوم بتغيير الأسلوب أم.. لا ؟ اسألى صديقاتك عن هذا ولا تخبريهم بأن خطيبك هو الذى يرى هذا الأمر فيك مثلاً اسأليهم بشكل عام ... هل طريقتى فى الحديث مع الناس غريبة وقديمة أم.. لا ؟ وبالنسبة أيضًا لموضوع الزفاف هذا، أولًا: يكون اتفاق بين كل من الأهل وكذلك الزوج والزوجة، تناقشى معه فى اسبابك لأقامه حفل الزفاف ... ثقى بنفسك أكثر من هذا .. أنا معك فى أن الرجال يبحثون دائمًا على الجمال.. ولكن الثقة بالنفس هى جوهر جمال المرأه ثقى بنفسك وكل شئ سينتهى إن شاء الله. مواضيع متعلقة بص وطل