* * * * اسمي مرفت ولكن ليا اسمين مرفت في الشهادة، ومنه الشهرة يعنى الكل بيقولي يامنه باستثناء أصحابى اللي في المدرسة حالياً بدرس في أولى ثانوي وحاليًا عمري 16 و ثلات شهور، دخلت الفيس وأنا عمرى مابين 13 و 14 كنت صغيرة، وكنت أعتقد إن كل من يجلسو ع الإنرنت وخصوصًا الفيس مش بيقولو تفاصيل حياتهم الحقيقة اتعرفت ع ناس من ع الفيس و وقتها ظهر واحد كنا اصحاب وكان يعلم إنى 16 سنه فى ذلك الوقت وكان هو 17 سنه حبنى وطلب منى الارتباط مع العلم انى كمان قولت على عنوانى غلط أنا وافقت على الارتباط منه مش عشان حبيتو ولا حاجه بس عشان كان بيصعب عليا إنه ع طول بيكلمنى وأنا مش مديالوا اهتمام ساعتها قولتلوا إنى موافقه على الارتباط أخد رقمى وفضلنا نتكلم وكان يعرف إنى فى ثانوى عام المفروض إنى بكبر وأنا معااه لحد الآن وأنا بتكلم معااه ع نفس الكدبه أنا قولت مش مشكلة ما أنا كدا كدا هاسيبوا بس أنا حبيتوا أووى جه وقت المفروض انى وصلت فيه لتالته ثانوى كدبت عليه كدبه تانيه وقولتله إنى دخلت كليه وكل ده وهو مصدقنى وهو حاليًا فى تانية حقوق والمفروض إنه عارف إنى فى أولى جامعة بس طلب منى خلال معرفتى له ان يشوف صورتى شافها واعجب بها ع فكره هو مش معايه فى نفس المكان أنا فى القاهرة وهو فى سوهاج وده السبب اللى خلانا مشفناش بعض على الحقيقة لحد دلوقتى بس طلب منى كتيير إنه يشوفنى ونزل القاهرة كتير بس أنا كنت بتحجج زمان؛ لانى مكنتش حساه دلوقتى أنا بقيت مجنونه بى وهو كمان بيحبنى بس أنا لما سألتو انت كنت بتسيب البنات اللى قبلى ليه قالى اللى كانت بتكدب عليا واللى مكناش بنرتاح مع بعض انتى الوحيدة اللى طولت معااكى وجى من قريب وقالى إنتى مستعدة يكون بنا حاجه رسمى قولتله أكيد بس ساعتها بقى لأول مرة اعملها قولتله بس فى حجات كتير انت متعرفهاش لو عرفتها ممكن تغير رأيك قالى حاجات إيه قولتله هقولهالك لما اشوفك وانا كنت خلاص قررت إنى لازم أشوفه واعترفله بالحقيقه بس لازم يكون قدامى هو حد كويس أنا دلوقتى أعرفه بقالى أربع سنين محترم أوى شخصية مهذبه وبيخاف على زعلى مصدرش منه أى موقف بايخ طوال الأربع سنين وعلى حد علمى ان كل البنات بتقع فى حبه لانه شخصية جذابة أوى بس أنا واثقه فى إنه بيحبنى وبيجى يقولى على كل حاجة بتحصل معاه أو أى بنت بتحاول تكلمه بس هو بيحلفلى إنه عمره ماحب واحدة فى حياته قدى وأنا بحس إنه صادق دلوقتى أنا مشكلتى إنى خايفه أقوله على الحقيقه أحسن يسبنى أنا اتعلقت بي أوووى وخايفه يتغير معايا لو عرف الحقيقة أنا بحبه أوى وهو دلوقتى عارف انى اسمى منه بس وخايفه لما اقوله ع موضوع السن والمكان ويعرف إنى اسمى مرفت يفتكرنى كدبت عليه فى دى كمان أنا حاسه انى زبالة أووى كل مافتكر أنى كل ده كنت بكدب عليه أنا عارفه إنه لو أخد أي قرار هيبقى من حقه لأنى لو مكانوا هاسيبوا أكييد بس أنا مكنش قصدى كل ده وكنت ساعتها صغيرة وكبرت والكدبه كانت بتكبر معايه بليييز قوليلى أعمل أنا بموت. صديقتنا العزيزة أنتى فتاة في بداية حياتها ومشوارها العاطفي تتصرفين بعاطفية شديدة تجاه المواقف المختلفة ، فى البداية أحب أن أوضح لك بعض الأشياء البسيطة:- ◄مواقع التواصل الاجتماعى لها مميزات كثيرة جدًا ولكن أيضًا لها عيوبها القاتلة ◄أنتى تصرفتى بتلقائية عندما تعاملت مع أحد المواقع تعاملت بأسم مختلف وهذا شئ عادى حيث أن غالبية الناس يتعاملون بأسماء ومعلومات غير الواقع على هذه المواقع. وهذا يعطي بعض النتائج أنه من الممكن ان يكون هو أيضًا يخفى عنك أشياء لا تعرفينها فقد يكون شخصيته مزيفة وأنه ليس بكليه الحقوق أو أنه رجل متزوج أو مرتبط بغيرك، لو يحبك حقا سوف يتفهم السبب وراء انكي لم تقولي الحقيقية، لو يحبك فعلا سوف يغفر لك ما اقترفتى من كذبة صغيره ، ما يهمة فقط انك لم تكذبى عليه فى مشاعرك تجاهه أو فى شخصيتك .... نصيحتى لك أن تصارحية بالحقيقة وانتظرى رد فعله..إن شاء الله يقدم لك الخير صديقتى الحبيبة ..تواصلى معنا في أى وقت تحتاجين ل" الفضفضة " مواضيع متعلقة بص وطل