* * * * السلام عليكم عرفت بنت من 9 شهور وبعدين حبيتها أوي وطلعت هي أصلًا كانت بتحبني بس ماكانتش قادره تقول فلما فاتحتها فالموضوع وافقت ورحبت وكده وبعدين كنا مع بعض بكل الطرق فيس ماشي واتس اب ماشي ع الفون ماشي بس الفون كان متأخر شويه لأنها ما كانتش بتحب كده فكان اكتر الأوقات فيس وبعدين شويه اخدت رقمها بس رفضت الكلام فون فاتكلمنا واتس وف الأخر اتكلمنا فون المهم بوعودنا قدرنا نحافظ علي بعض بكل صداقه وكانت علاقتنا حلوه اوي وفرحانين احنا ال2 بيها أوي كنا متخيلين ان مافيش حد بيحب زيينا وكان كل واحد احترامه للتاني كبير أوي أبوها وامها سافروا واختها الكبيره فالجامعة اخر سنة المهم هي عند خالتها وخالتها دايما تاخد منها فونها عشان تكلم اختها اللي هي ام البنت فكان الفون بيبقي معاها ع 3 و4 الفجر وده الوقت الوحيد اللي كنت اقدر اوصلها فيه فجينا يوم الاثنين اللي فات اتكلمنا بس كانت مكالمه سريعه عشان خالتها كانت صاحيه وبعدين ده كان اخر ظهور ليها ع الواتس اب فجأه من بعد المكالمه دي وكانت مكالمه عاديه زي اي مكالمه لاقيتها اختفت نهائي لا مكالمات ولا رسايل ولا حتي عارف اطمن عليها اتصل محدش يرد فجيت السبت امبارح اتصلت حوالي الساعة 8 بالليل لاقيت خالتها ردت طبعا خالتها كانت شاكه شويه فرقمي ع الواتس المهم اتصلت خالتها عليا من رقمها الشخصي وباقولي انت مين انت اتصلت ع الرقم التاني ومارديتش المهم حاولت اهرب ف الكلام راحت قايلالي " وحياة أمي لأعرف إنت مين " طبعا اختها الوسطانيه هما 3 بنات وهي اصغرهم فأنا علي اتصال مع اختها دي اللي قبلها اسمها هدير واللي بحبها اسمها شروق المهم بعت لهدير قالتلي عند عمتي ومش هاعرف اكلمك ومن بعدها اختفت هي كمان مش عارفه تتكلم 3 دقايق معايا علي بعض انا دلوقتي محتار وبدأت تجيلي افكار من علاقتنا ف البدايه وكلامها معايا اما كانت لسه مش واثقه فحبي ليها كلام قديم يعني اتصافينا عليه قبل كده فمن ضمن الكلام " انا لو فكرت ابعد عنك هابعد من غير ما اقول " واكتر يجي من 7 مرات تقول ابعد وترجع تاني اتصدمت فيها كتير بس من حبي فيها ما كنتش باقدر ابعد عنها واما كانت بترجعلي كنت بسامح علي طول واكمل معاها ولا كأن حاجه حصلت. المهم دلوقتي انا تعبت اوي وكل الكلام القديم بدأت افكر فيه بحاول احطلها اعذار بس كل اما افتكر كلامها القديم مش باعرف تعبت م التفكير ونفسي اتسدت عن كل حاجه اختفت تماما من قدامي مره واحده لا عارف ايه ظروفها ولا هي حتي ادتني اي حذر من خالتها او حتي كانت بتسبلي رسايل الفون مع خالتي وكده ما تبعتش رسايل انا مقدر ان باقة الانترنت تكون خلصت معاها بس حتي يعني مافيش رساله تبعتها ب30 قرش ولا حتي شافت مكالمه فايته من مكالماتي تطمني حتي انا اسف طولت كتير ف الكلام انا مش عارف اعمل ايه انا تايه ومشكلتي اني وحيد امي يعني لا اب ولا اخ ولا اخت افضفض معاه وماما طول النهار فشغلها ومتضايق اوي فوحدتي .... شكراً صديقنا العزيز فى بداية الأمر أود أن أشكرك لثقتك الغاليه فى الموقع... أخى الكريم أنت خائف من أن تضيع الفتاة من بين يديك وخوفك هذا يجعلك تفكر بشكل سلبي، فمن الممكن أن تكون الفتاة تم معاقبتها هى واخواتها ولا تستطيع أن تتحدث معك أو حتى ترسل لك رسالة ، لو كانت الفتاة ترغب فى إنهاء علاقتها بك نهائيًا من المؤكد أنها ستعلمك بهذا الأمر حتى لا تضايقها بإتصالاتك مرة أخري ولا تعرضها لموقف محرج.... ولكن ما حدث هو العكس تماما فتدخل خالتها فى هذا التوقيت يوضح عدم مقدرتها على الاتصال ، أخى الكريم أصبر قليلاً حتى تتوضح الأمور. مواضيع متعلقة بص وطل