* * * * أنا بحب واحد أوى وبيحصل بينا مشاكل كتير اوي بس انا باجي علي نفسي كتير اوي لدرجة اني ساعات بروح لحد بيته عشان اصالحه وبيبقي شايف ان غلطانه عالطول وفعلا في حاجات ببقي غلطانه فيها وحاجات لا بس بقول مش مهم ودايما يعمل معايا اللي مش هايرضاه علي نفسه يعني مثلا يقفل الفون في وشي ويبرر لنفسه الغلط ويقول اقفل في وشك احسن ماازعق زي ماانتي بتعملي بس انا والله حاولت اغير طريقتي وماتنرفزش وفعلا مابقتش اتنرفز عمال علي بطال اللا لما الاقيه مش راضي يسمع وقاعد يتكلم يتكلم بأضطر أعلي صوتي عشان يسكت ويسمعني وبردو مش بيسمع وبيقفل في وشي مع اني جربت أعملها فيه قالي إننا نسيب بعض ومع انه برضوا مايقبلش اني اقوله نسيب بعض ولوجيت طلبت نرجع يقولي اه ليه انتي مش قولتلي اننا نسيب بعض بس هو في حاجات كتير بيعملها حلوه بس وقت المشاكل لا . والله انا ممكن اعدي حاجات كتير بس هوبيقفلى علي الواحده ودلوقتي برضو احنا سايبين بعض وهو اللي طالب كالعاده واناكل مره بروحلو عشان اصالحه ويعدي الحوار بس هو مابيعملهاش عمره ماعمله اوادينا بقالنا 3سنين مع بعض عمره ماجالي يصالحني لانه مش بيشوف نفسه غلطان خالص الا قليل جدا ولوجه يصالحني وانا كنت زعلانه يقلب الدنيا عليا انا بحبه اوي لان في حاجات فيه عمري ماشفتها عند اي شاب بس حاسه اني لوكلمته يبقي انا برمي كرامتي عالارض وبدوس عليها اناجيت علي نفسي كتير انا عايزاه هو اللي يكلمني مش عارفه اعمل ايه بالله عليكوا ردو عليا صديقتنا العزيزة أقدر ما تشعرين به من مشاعر الحزن وجرح القلب، ما يحدث معك مع حبيبك من أهم أسبابه ( أنتى ) هو تعود انكي من تقومين بالمبادرة لحل المشكلة وإنهاء الخصام بينكما. نصيحتى لك أختى الحبيبة ان تعززى نفسك فأنت غاليه لا ترخصى نفسك أكثر من هذا.. لو كان يحبك سيأتى اليك ليكسب ودك ويصالحك ، وأرجوا من الله أن تنتهى مشكلتك قريبًا. مواضيع متعلقة بص وطل
