* * * * السلام عليكم..أنا عندى 26 سنة وأنا أصغر اخواتى مشكلتى إن أهلى مش أصحابى يعنى زمان كنت بحكى كل حاجة بالتفصيل وبعد البلوغ تقريبًا بدأت انطوى لمشاكل نفسية حصلتلى..أمى مش صحبتى ولا أبى مافيش اى تواصل انسانى بيننا دايما هى متعصبة عليا لاى سبب ووالدى دايما بعيد عن حياتى عمره ماكلمنى او قرب منى ولا امى تقريبا علاقتى بيهم انى عايشة معاهم فى البيت باكل وبشرب وخلاص حتى لما بطلب حاجة من امى بتردد كتير وبفكر كتير مهما كانت صغيرة وبسيطة لانى بخاف تصدنى دايما بعيدة عن اللى بيحصل فى البيت ومش بعرف تفاصيل كتير عنهم لما بحاول افهم بتقولى ملكيش دعوة او متدخليش المهم أنا كمان مع قرايبى كدة ومش بحب أزورهم خالص وحتى اخواتى علاقتهم بيا سطحية اسم بس ودايما كان فى خناقات بيننا وضرب من الصغر طبعا لما حد بيتعب من أهلى مش بقدر أكون جمبه واسال ماله بحاول مش بقدر الموضوع تقيل عليا اوى ,مش هقدر انكر فى فترة من حياتى كنت بكرههم لاسبا كتير ولانى ملقتش سبب أحبهم؛ بس دلوقتى مش عاوزة أفضل كدة وبفكر هل الحل فى ايدى انا معتقدش ومش عارفة أعمل ايه اتعايش مع الحياه كدة ومتضايقش وهم كدة وخلاص ولا أعمل ايه بس فاقد الشئ لا يعطيه وانا مخدتش حنان ولا صداقة ولا معاملة.. يمكن هم معرفوش يعبره بس دا اللى حصل ولكن اخواتى عادى طبيعين على فكرة انا معروفة فى العيلة انى مش بكلم حد ومش بخرج ومش بزور حد. صديقتنا العزيزة المشكله التى تعانى منها يعانى منها فتايات كثيرون مثلك وشباب أيضًا من أهم هذه الأسباب اختلاف الثقافه وتنوعها من جيل لجيل وأيضا تظهر هدذه المشاكل بسبب كبر سن الاب والام وعدم القدره على بذل الجهد فى التربيه والاهتمام والاعتناء بأبناهم . أما إذا كانت هذه المسأله تتعلق بطباع اسرتك فأنت غير ملامة فى ذلك .. كما قلتى فاقد الشئ لا يعطيه. ولكن هناك أمر هام , من السهل عليكى أن تتغيرى للأفضل فلديك الوقت والقدره على ذلك؛ لابد من أن تتغيرى للافضل من أجل أن تحظى بحياه اجتماعية سليمة مليئه بالحب؛ هل تحبى ان تكون العلاقة بينك وبين ابنائك مثل علاقتك انتى بعائلتك؛ حاولى ان تضعى هذا الهدف أمام عنينك دائمًا..ومن المؤكد سوف تتغيرين ومن المحتمل ان تغيرى ايضا من حولك. ضعى نفسك مكان والدك وولادتك وحاولى تفسير كل قرار يقومون به مع الوقت سيتضح الأسباب المؤدية لذلك. مواضيع متعلقة بص وطل