انا عندى 22 سنه ارتبطت بشخص 5 سنين هو اول شاب اكلمه فى حياتى كلها واخر شاب عمرى ماتكلمت مع اى شاب خالص كان زميلى فى الجامعه ارتباطنا بعد شهر من دخولى الجامعه مش كنت بحبه فى الاول بس معرفتش اكسفه وبعد اول سنه حبيته بجد لدرجه كنت مستعده اعمل اى حاجه عشان ومستعده اضحى بكل حاجه عشانه فى اخر السنه الاولى من ارتباطنا لما اتاكد انه بحبه بجد وانى مقدرش استغنى عنه وانى بقبل باى حاجه بس عشان ارضيه ابتدى يعاملنى معامله قاسيه ومش كان يكلمنى ولا يرد عليا 10 ايام بعد كده اكتشفت انه على علاقه ببنت عمته المسافره ايطاليا ولما واجهته حاول يقنعنى انه مش بيحبها وبيكلمها بس عشان الجنسيه ويعرف يسافر ويشتغل ويكون نفسه وقالى انه هيتجوزها وياخد الجنسيه ويرجع بعد كده يتقدملى وانا عشان كنت بحبه جداا عديت الموضوع ورضيت بكل ده وانا عارفه انه بيكذب عليا حصل مشاكل كتير بسبب الموضوع ده وكل مره بيقولى حجه وانا بعديها وفى مره لقيت اغنيه رومانسيه منه على البروفايل عندها فى الفيسبوك وهى كمان واتكررت كذا مره انا لقيت نفسى مش قادره اتحمل الوضع اللى انا فيه بجانب معاملته اللى بجد مكنش حد يتحملها حاول يكلمنى انه اللى يقربه منى ويخليه يحبنى اكتر انى اعمل معاه علاقه حميمه وانا كنت فى الاول عندى رفض تاااام المهم ضعفت عشان بحبه وربنا يسامحنى وعملت علاقه معاه هى مش علاقه بمعنى الكلمه بس انا مش لاقيه ليها اسم غير ده وتمت العلاقه كذا مره وبرضو متغيرش حاجه وحسيت انه بيعاملنى كويس عشان بس الحاجه ديه وخلاص وبعد كده يرجع زى ماكان وبعد كده انا قرفت من نفسى وحسيت انى رخيصه اوووى وعملت مشكله وقلتله اننا مينفعش نكمل مع بعض والوضع ده مش هينفع وفعلا سيبته وبعد اسبوع لقيت رقم بيكلمنى كان صاحبه بيشتمنى وبيقولى انه عارف كل حاجه حصلت بينى وبينه وتلفونات كتير من نفس النوع بعدها بحوالى 20 يوم اتصل بيا الشخص اللى كنت مرتبطه بيه واتعاتبنا وحاول يصلح الوضع وقالى خلينا صحاب ونتكلم نطمن على بعض وفعلااااا حصل بقينا نتكلم كل فتره بعد فتره طلب يرجعلى وان كل حاجه اتغيرت وموضوع بنت عمته اتقفل ورجعنا لبعض وبعدها بشهرين اكتشفت انه كان كذاب ومفيش اى حاجه اتغيرت وسيبته تانى وبقينا بنتكلم بس فون باسم اصحاب وكان الفعل من ناحيته مش كده خالص وبعد خمس سنين حسيت انه مش فارق معاه غير نفسه وانانى ومش بيفكر في فقررت اسيبه تانى وقلت انها هتبقى الاخير وانى مش هرجع ليه تانى وقررت اتوب عن كل حاجه عملتها انا قفلت موضوع الارتباط فعلاا نهائى بس هو بيقولى نتكلم نسال على بعض مش اكتر نفس حجه كل مره وبيحاول يقنعنى انه بيحبنى وانا اللى ظلمته وفاهمه غلط وبيحسسنى بالذنب انا عايزه يخرج من حياتى وانا مستحيل ارتبط بيه نهائى وفى نفس الوقت مش قادره اتخيل انى معرفش عنه حاجه فجاه يختفى من حياتى وكل مره اقول مش هكلمه تانى واقوله متكلمنيش انا اللى برجع اكلمه مش عارفه اعمل ايه بعد ده كله برغم اللى عمله معايا لسه مش عارفه ابعد عنه وانه لسه على علاقه ببنت عمته وانا بجد تعبانه اووووى ومش عارفه اخد قرار فى حياتى حاسه ان حياتى كده خلصت ووقفت عليه بجد عايزه حل نهائ مش عايزه حاجه اختار فيها اكتر وعايزه اعرف ازاى اتوب على العلاقه اللى عملتها ديه مع العلم انها مش علاقه كامله بالمعنى الصح صديقتى العزيزة هذا الشخص لا يحبك ولن يحبك ... هو استغل وبجشاعه نقطة ضعفك الاساسية وهى حبك الاعمى له ورغبتك المستميته فى ارضائه بكافة الطرق حتى ولو كان هذا على حساب احترامك لنفسك للأسف اختى الحبيبة انتى اخترتى اسوء انواع البشر وجعلتى قلبك حكرا له ... ورخصتى نفسك كثيرا وكثيرا امام هذا المستغل كفاكى ما حدث ولا تفكرى ولو لمرة واحده فى الرجوع له مره اخرى .... توبى الى الله واستغفرى ذنبك له وحده واستعينى به ليخرجك من هذا البئر العميق .... بتوبتك ستكونى انسانه جديدة فى استطاعتها فعل المستحيل وشروط التوبة ثلاثة : أولاً: الإقلاع عن الذنب: فيترك التائب الذنب الذي أراد التوبة منه باختياره، سواء كان هذا الذنب من الكبائر أم من الصغائر. ثانيًا: الندم على الذنب: بمعنى أن يندم التائب على فعلته التي كان وقع فيها ويشعر بالحزن والأسف كلما ذكرها. ثالثًا: العزم على عدم العودة إلى الذنب: وهو شرط مرتبط بنية التائب، وهو بمثابة عهد يقطعه على نفسه بعدم الرجوع إلى الذنب. اختى الحبيبة اقطعى علاقتك به تماما ،غيرى رقم هاتفك واغلقى حسابك على الفيس بوك واقطعى كل السبل للوصول لك لأنه سوف يستغلك وسيقوم بتهديدك لتفعلى ما يريده منك مثل ما حدث من قبل وجعل اصدقائة يهددوك بما حدث بينك وبين هذا الشخص ادعى الله ان يخرجه من قلبك ويملاء قلبك بالايمان وحب الله اياكى والضعف .... فقد ضاع من عمرك خمس سنوات وانتى تخسرين نفسك وتبعدين اكثر واكثر عن الله وفى النهايه ادعوا الله ان يرفع عنك هذا البلاء ويقبل توبتك ان شاء الله بص وطل
