* * * * أولاً أحب أشكركم على الموقع الهايل ده وعلى مجهودكم الرائع مشكلتى وباختصار.. أنا كنت هاتخطب من فتره لانسان بحبه جدًا وهو كمان يمكن فى بينا مشاكل كانت بسبب الشغل أو أصحابى أو أنى عناديه شويه أو أنى أحب أقتنع بالحاجه قبل ماعملها وموافقش كده وخلاص وخطيبى ده كان عنيد برضه ودماغه ناشفه ومتحكم جدًا أنا سبت الشغل وسبت أصحابى وسبت كل حاجه وبقيت معاه هو بس وكنا هانتخطب خلاص بس حصلت مشكله بينا قدت اتصرف خاطئ منى ومنه هو مقدرنيش وانا فهمت انه باعنى وانا بصراحه قليت ادبى يعنى شتمته وهو حكى لاهله واهلى ونهى الموضوع وانا حاولت كتير وجيت على نفسى اكتر وروحتله واعتذرت كتير وهو عاملنى بكل قسوه واهمال ولامبالااه وجرحنى وانا اتعذبت كتير جدًا فى بعده وقربت من ربنا وبقالى 6 شهور بادعى ربنا لو خير يقربه منى ويصلح بينا ولو شر يبعده بعتلى مسج من يومين يقولى انه نفسه يسمع صوتى وانه مش هيلاقى زيى وانه محبش غيرى ومش هايحب وانها رساله عاديه عايز يتطمن عليا رديت عليه وقولتله كل اللى حصلى والعذاب اللى شوفته فى بعده وانه جاى بسهوله بعد 6 شهور يقولى الكلام ده بعد ماكنت باجرى وراه شهور علشان نرجع تانى وقالى الفراق مش مهم ولا الطريقه المهم علاقتنا قبله كانت مش متوافقه وانه هو اتغابى فى تصرفاته معايا وان انا مكنتش مبسوطه معاه وهو مكنش مرتاح معايا وهو ميقبلش لا الاهانه ولا الفشل وقال كلام كتير فى حقى كويس ويرجع يقولى ربنا شايل الاحسن ونفسى اقابلك او اشوفك من بعيد ومش عايز اشوف ولا الاقى غيرك وكلام من دة كتير وانا رديت عليه واتكلمنا على الشات حبه ومكنش مصدق نفسه وكان مبسوط بس انا مش فاهمه هو راجعلى ليه وخايفه ارجع لزى ماكنت تانى واتعب هو راجعلى حاسس بالذنب جاى علشان اسامحه يعنى بس هو بيقولى انه اشتياق يعنى وحشته ويسمع صوتى ولا يشوفنى وخلاص ومش قادره اساله هو عايز وراجع ليه ومش عايزه ابان ضعيفه تانى انا لسه بحبه ونفسى اكمل حياتى معاه بس خايفه اتعشم واتعب تانى طيب لو مش عايز او عارف انه مش هيكمل هيرجع يكلمنى مايكمل فى الفراق احسن بالله عليكم انا دماغى تعبت من التفكير وخايفه جدا ساعدونى. صديقتى العزيزة من وجهه نظرى امنحية فرصه أخرى .... أنتى مازلتى تحبيه .. وهو بالرغم من ان الانفصال كان بسبب أخطائك واهانتك له لكنه ما زال يحبك. أختى الحبيبة معظم الرجال لا يقبلون الاهانه خاصاً من الفتاة التى سيرتبط بها فى المستقبل ...ورده فعله تجاه هذه الإهانه حتى ولو كان مبالغ فيها أمر طبيعى بالنسبه للرجل صاحب الكرامة. تحدثى بشكل مباشر ..هل فعلاً يرغب فى الارتباط بك رسمياً مرة أخرى أم أن هذا مجرد اشتياق وحنين للماضى ؟ لا تطيلى فى الأمر وأطرحي سؤال عليه مباشر حتى تتخلصى من هذه الحيره وتستطيعى أن تحددى موقفك وحتى لا تعيشى فى الاحلام والخيالات وتنجرحى مرة أخرى؛ وإن شاء الله يتحقق ما تتمنى قريباً. مواضيع متعلقة بص وطل
